କନକ ବ୍ୟୁରୋ: ଗତ ଦୁଇ ଦିନ ଧରି ପ୍ରବଳ ଗ୍ରୀଷ୍ମ ପ୍ରବାହରେ ହନ୍ତସନ୍ତ ହୋଇଛି ସାରା ଓଡିଶା । ହଠାତ୍ ଗରମ ଓ ଗୁଳୁଗୁଳି ବଢ଼ିଯିବାରୁ ଲୋକେ ଅସ୍ତବ୍ୟସ୍ତ ହୋଇ ଯାଇଛନ୍ତି । ପ୍ରଚଣ୍ଡ ଖରାଯୋଗୁଁ ରାସ୍ତାଘାଟ ଶୂନଶାନ୍ ହୋଇଯାଉଛି । ତେବେ ଆଗକୁ ତାପମାତ୍ରା କମିବା ସହ କାଳ ବୈଶାଖୀ ହେବା ନେଇ ସଂକେତ ଦେଇଛି ପାଣିପାଗ ବିଭାଗ ।
Kanak News is now on WhatsApp
Join and get latest news updates delivered to you via WhatsApp
ମଙ୍ଗଳବାର ଓ ବୁଧବାର ଦୁଇ ଦିନ ଓଡିଶାର ଦୁଇଟି ସହର ବିଶ୍ୱର ସବୁଠୁ ଉତପ୍ତ ସହର ହୋଇଥିଲା । ମଙ୍ଗଳବାର ଦିନ ବାରିପଦା ସହରରେ ଦିନର ସର୍ବାଧିକ ତାପମାତ୍ରା ୪୪.୬ ଡିଗ୍ରୀ ସେଲ୍ସିଅସ୍ ଥିବା ବେଳେ ବୁଧବାର ଭୁବନେଶ୍ୱରର ତାପମାତ୍ରା ସବୁଠୁ ଅଧିକ ୪୪.୨ ଡିଗ୍ରୀ ସେଲ୍ସିଅସ୍ ରେକର୍ଡ କରାଯାଇଥିଲା । ତେବେ ଏପରି ଭାବେ ଓଡିଶାରେ ତାତି କାହିଁକି ବଢୁଛି?
- ପଶ୍ଚିମ ଭାରତରୁ ଶୁଷ୍କ ପବନ ବହୁଛି
- ବାୟୁରେ ଜଳୀୟ ଅଂଶ କମିଯିବା
- ସମୁଦ୍ରରୁ ଶୀତଳ ବାୟୁର ପ୍ରବାହ ନହେବା
- ସ୍ଥାନୀୟ ଅଂଚଳର ପ୍ରଭାବ
- ଜଙ୍ଗଲର ବ୍ୟାପକ କ୍ଷୟ
- ଆର୍ଦ୍ରଭୂମିର ଅଭାବ
- ସହରୀକରଣ ଯୋଗୁଁ ବ୍ୟାପକ କଂକ୍ରିଟ ନିର୍ମାଣ
ପାଣିପାଗ ବିଭାଗର ପୂର୍ବାନୁମାନ ଅନୁସାରେ ଆସନ୍ତାକାଲିଠାରୁ ରାଜ୍ୟର ବିଭିନ୍ନ ସ୍ଥାନରେ କାଳବୈଶାଖୀ ହେବ, ଫଳରେ ତାତିର ଦହଗଂଜରୁ ସାମାନ୍ୟ ଆଶ୍ୱସ୍ତ ହେବେ ଲୋକେ ।