ସନ୍ଦେହ ମାରିଦେଲା ମୋ ବାପାଙ୍କୁ… ବମିଖାଲରୁ ଆସିଥିଲୁ ବୋଲି ଚିକିତ୍ସା କଲେନି କି ଦୟା ଦେଖାଇଲେନି ଦ୍ୱିତୀୟ ଭଗବାନ । ଅବହେଳା ପାଇଁ ଅଧବାଟରେ ଆଖି ବୁଜିଥିବା ବାପାଙ୍କୁ ବି ଭଡା ଘରେ ପୂରାଇ ଦେଲେନି ଘର ମାଲିକ । ସାରା ରାତି ବାପାଙ୍କ ଶବକୁ ଧରି ଶ୍ମଶାନରେ ରାତି କାଟିଲା ଅସହାୟ ଝିଅ…
କନକ ବ୍ୟୁରୋ: ଲକଡାଉନରେ ମରିଗଲା ମଣିଷପଣିଆ । ସନ୍ଦେହ ନେଇଗଲା ବାପାଙ୍କ ଜୀବନ । କରୋନା ପ୍ରଭାବିତ ଅଞ୍ଚଳରୁ ଆସିଥିବାରୁ ସନ୍ଦେହରେ ଚିକିତ୍ସା କଲେନି ଡାକ୍ତର । ମେଡିକାଲ ପରେ ମେଡିକାଲ ବୁଲିଥିଲେ ବି ମିଳି ନଥିଲା ବାପାଙ୍କୁ ସେବା । ଚିକିତ୍ସା ନମିଳିବାରୁ ଅଧ ବାଟରେ ଆଖି ବୁଜିଲେ ବାପା । ଝିଅ ଆଗରେ ଚାଲିଗଲା ବାପାଙ୍କ ଜୀବନ । କରୋନା ବେଳେ ଭୁବନେଶ୍ୱରରୁ ଆସିଲା ଅଧ ରାତିରେ ଅସହାୟ ଝିଅର କରୁଣ କାହାଣୀ ।
Kanak News is now on WhatsApp
Join and get latest news updates delivered to you via WhatsApp
ତେବେ ଅଧ ରାତିରେ ହଠାତ୍ ଅସୁସ୍ଥ ହୋଇପଡିଥିଲେ ବାପା ରବୀନ୍ଦ୍ର କୁମାର ନାୟକ, ଆଉ ତାଙ୍କୁ ଡାକ୍ତରଖାନାକୁ ନେବା ପାଇଁ ଆମ୍ବୁଲାନ୍ସକୁ ଫୋନ କରିଥିଲେ ସମନ୍ୱିତା । ହେଲେ ଆମ୍ବୁଲାନ୍ସ ସେବା ତ ମିଳିଲା ନାହିଁ ଭଡା ଗାଡିରେ ଡାକ୍ତରଖାନାରେ ପହଁଚିଲେ ବି ଚିକିତ୍ସା ମିଳିଲା ନାହିଁ । କରୋନା ପ୍ରଭାବିତ ଅଂଚଳରୁ ଆସିଥିବା ଜାଣି ଫେରାଇ ଦେଲା ଡାକ୍ତରଖାନା । ଦୁଇଟି ଡାକ୍ତରଖାନାରୁ ଫେରି ତୃତୀୟ ଡାକ୍ତରଖାନାକୁ ଯିବା ବାଟରେ ଆଖି ବୁଜିଦେଲେ ୬୦ ବର୍ଷୀୟ ଅବସର ପ୍ରାପ୍ତ ବିଏସଏନଏଲ କର୍ମଚାରୀ ରବୀନ୍ଦ୍ର କୁମାର ନାୟକ । ସନ୍ଦେହ ପାଇଁ ଗୋଟେ ଅସହାୟ ଝିଅ ଆଗରେ ଆଖି ବୁଜିଲେ ବାପା ।
ଛାତିରେ ଯନ୍ତ୍ରଣା ଅନୁଭବ କରୁଥିବା ବ୍ୟକ୍ତିଙ୍କୁ ସେବା ଯୋଗାଇଲା ନାହିଁ ରାଜଧାନୀରେ ଛାତି ଉପରେ ଠିଆ ହୋଇଥିବା ଦୁଇଟି ଡାକ୍ତରଖାନା । ଏତିକିରେ ସରିନଥିଲା ଏଭଳି ଅମାନବୀୟ କରୁଣ କାହାଣୀ । ଚିକିତ୍ସା ଅଭାବରୁ ମୃତ୍ୟୁ ପରେ ଶବକୁ ରଖିବାକୁ ଜାଗା ଦେଲେ ନାହିଁ ଭଡାଘର ମାଲିକ । ଘରେ ନହେଲା ନାହିଁ ପରିବାର ଠାରୁ ଦୂରରେ ଥିବା ଭାଇ ଆସିବା ଯାଏଁ ଘର ତଳେ ଜାଗା ଦେବାକୁ ନେହୁରା ହୋଇଥିଲେ ଝିଅ । ହେଲେ ଶୁଣି ନଥିଲେ ଘର ମାଲିକ, ଡାକ୍ତରଖାନାରୁ ଫେରି ଥିବାରୁ ଘରୁ ତଡି ଦେଇଥିଲେ ।
ପରିସ୍ଥିତି ଏମିତି ହୋଇଥିଲା ଯେ, ବାଧ୍ୟ ହୋଇ ରାସ୍ତାକଡ଼ରେ ଶବ ରଖି, ସକାଳ ହେବା ଯାଏଁ ଅପେକ୍ଷା କରିଥିଲେ ସ୍ୱାମୀଙ୍କୁ ହରାଇଥିବା ସ୍ତ୍ରୀ ଓ ଝିଅ । ସାରା ରାତି ବାପାଙ୍କ ଶବ ଧରି ଶ୍ମଶାନରେ କାନ୍ଦୁଥିଲା ଝିଅ ସମନ୍ୱିତା । ଅସହାୟତାର ଆଖିରୁ ଲୁହ ନିଗାଡୁଥିଲେ ସଜସଜ ମଥାର ସିନ୍ଦୂର ଲିଭିଥିବା ସ୍ତ୍ରୀ । ବାପାଙ୍କ ମୁହଁ ଦେଖି ପାରିଲାନି ପୁଅ, ଶେଷରେ ମୁଖାଗ୍ନି ଦେଲା ଝିଅ । ମାଆଙ୍କ ଉପସ୍ଥିତିରେ ଗତ ୨୮ ତାରିଖରେ ସତ୍ୟନଗର ଶ୍ମଶାନ ଘାଟରେ ବାପାଙ୍କ ମୁହଁରେ ମୁଖାଗ୍ନୀ ଦେଇଥିଲେ ଝିଅ ସମନ୍ୱିତା ।
#ସନ୍ଦେହ_ମାରିଦେଲା #ମୋ_ବାପାଙ୍କୁ…#ବାପାଙ୍କ_ଶବ_ଧରି_ସାରାରାତି_ଶ୍ମଶାନରେ_କାନ୍ଦିଲା_ଝିଅରାତି ଅଧରେ ବାପାଙ୍କ ଛାତି ଯନ୍ତ୍ରଣା ହେବାରୁ ମେଡିକାଲ ନେଲେ ଝିଅ । ରସୁଲଗଡରୁ ଆସିଥିବାରୁ ସନ୍ଦେହରେ ଚିକିତ୍ସା କଲେନି ଡାକ୍ତର । ଚିକିତ୍ସା ଅବହେଳାରେ ଅଧ ବାଟରେ ଚାଲିଗଲା ବାପାଙ୍କ ଜୀବନ । ଘରକୁ ଫେରିବା ପରେ ବି ସରି ନଥିଲା ଝିଅର ଦୁଃଖ । ଘର ମାଲିକ ତଡିଦେଲା, ସାରା ରାତି ବାପାଙ୍କ ଶବ ଧରି ଶ୍ମଶାନରେ କାନ୍ଦି କାନ୍ଦି ରାତି କାଟିଲା ଝିଅ…ବାପାଙ୍କୁ ଦେଖିପାରିଲାନି ପୁଅ, ମୁଖାଗ୍ନି ଦେଲା ଝିଅ । ଶୁଣନ୍ତୁ କେତେ ଭୟଙ୍କର ହୋଇପାରେ କରୋନା ସନ୍ଦେହ । #CoronaVirus #Lockdown #Bhubaneswar #Odisha
Posted by Kanak News on Friday, May 1, 2020