ସକାଳେ ଖାଲି ପେଟରେ ପିଉଛନ୍ତି କି ଚା ? ହୋଇଯାଆନ୍ତୁ ସାବଧାନ
କନକ ବ୍ୟୁରୋ : ଅନ୍ୟ ନିଶା ଭଳି ଚା ପିଇବା କିଛି ଲୋକଙ୍କର ନିଶା ହୋଇଯାଇଥାଏ । କିଛି ଲୋକ ତ ଗୋଟିଏ ଦିନରେ ୧୦-୨୦ କପ ଚା ପିଇଥାନ୍ତି । ଏହାସହ କିଛି ଲୋକ ସକାଳେ ବିଛଣା ଛାଡିବା ପୂର୍ବରୁ ଚା ପିଇବାକୁ ପସନ୍ଦ କରିଥାନ୍ତି । ଅର୍ଥାତ ସେମାନେ ସକାଳେ ଖାଲି ପେଟରେ ଚା ପିଇବା ପରେ ଦିନାଚାର୍ଯ୍ୟ ଆରମ୍ଭ କରିଥାନ୍ତି । ଏବେ ସହର ଠାରୁ ଗାଁ ପର୍ଯ୍ୟନ୍ତ ସବୁଠି ବେଡ ଟି ର ପରମ୍ପରା ବଢିବାରେ ଲାଗିଛି । ଏହାସହ ଭାରତୀୟ ସଂସ୍କୃତିରେ ଚା ଏକ ଅପରିହାର୍ଯ୍ୟ ଅଙ୍ଗ ପାଲଟି ଯାଇଛି । ଘରକୁ ବନ୍ଧୁ ଆସନ୍ତୁ କି ଛକରେ ଖଟିରେ ବନ୍ଧୁଙ୍କ ସହ ହେଉ, ପ୍ରଥମେ ଚା ପର୍ବ ପରେ ବାକି କଥା । ଚା ପିଇବାକୁ କିଛି ସ୍ୱାସ୍ଥ୍ୟ ବିଶେଷଜ୍ଞ ସ୍ୱାସ୍ଥ୍ୟ ପାଇଁ ହିତକର କହୁଥିବା ବେଳେ ଖାଲି ପେଟରେ ଚା ପିଇବା ଦ୍ୱାରା ଆପଣଙ୍କ ଶରୀରରେ କଣ ପ୍ରଭାବ ପଡିଥାଏ ଆସନ୍ତୁ ଜାଣିବା ବିଶେଷଜ୍ଞଙ୍କ ମତ ।
Kanak News is now on WhatsApp
Join and get latest news updates delivered to you via WhatsApp
“ଓନଲୀ ମାଇଁ ହେଲ୍ଥ” ରେ ପ୍ରକାଶିତ ଏକ ରିପୋର୍ଟ ମୁତାବକ ସକାଳେ ଖାଲି ପେଟରେ ଚା ପିଇବା ଦ୍ୱାରା ଆପଣଙ୍କ ଶରୀରରେ ଖରାପ ପ୍ରଭାବ ପଡିଥାଏ । ଏହାଦ୍ୱାରା ଆପଣଙ୍କ ଶରୀରରେ ବିଭିନ୍ନ ରୋଗ ସୃଷ୍ଟି ହୋଇପାରେ । ଯଦି ଆପଣ ଭାବୁଥାନ୍ତି କି ସକାଳେ ଖାଲି ପେଟରେ ଚା ପିଇବା ଦ୍ୱାରା ଆପଣଙ୍କୁ ଫୁର୍ତ୍ତି ଲାଗିଥାଏ ତେବେ ଆପଣ ଭ୍ରମରେ ରହିଛନ୍ତି । ସକାଳେ ଖାଲି ପେଟରେ ଚା ପିଇବା ଦ୍ୱାରା ସାରାଦିନ ଆପଣଙ୍କୁ ଥକ୍କା ଅନୁଭବ ହୋଇଥାଏ । ଏହାସହ ଆପଣ କାମ କରିବା ବେଳେ ଚିଡିଚିଡା ଅନୁଭବ କରିଥାନ୍ତି ।
ଖାଲି ପେଟରେ ଚା ପିଇବା ଦ୍ୱାରା ପାଚନ ତନ୍ତ୍ରରେ ସମସ୍ୟା ଦେଖା ଦେଇଥାଏ । ଅର୍ଥାତ ଏହାଦ୍ୱାରା ଆପଣଙ୍କ ପେଟରେ ରହିଥିବା ଉପକାରୀ ବ୍ୟାକ୍ଟେରିଆଙ୍କର ମୃତ୍ୟୁ ହୋଇଥାଏ । ଏହାସହ ଖାଲି ପେଟରେ ଚା ପିଇବା ଦ୍ୱାରା ଆପଣଙ୍କର ଅଧିକ ପରିଶ୍ରା ହୋଇଥାଏ । କାରଣ ଚା ରେ ଡାଇୟୁରିଟିକ ତତ୍ୱ ଭରି ରହିଥାଏ ।
କେବଳ ସେତିକି ନୁହେଁ ଖାଲି ପେଟରେ ଚା ପିଇଲେ ଅମ୍ଳ ହେବାର ସମ୍ଭାବନା ସହିତ ଆପଣଙ୍କୁ ପାଟିରୁ ଦୁର୍ଗନ୍ଧ ବାହାରିଥାଏ । ଏହିକାରଣରୁ ଯଥା ସମ୍ଭବ ଆପଣ ଚା ପିଇବା ପୂର୍ବରୁ ମୁହଁ ଧୋଇ କିଛି ଖାଇବାକୁ ଚେଷ୍ଟା କରନ୍ତୁ ।