ତିର୍ତୋଲ ପରେ ବାଲେଶ୍ୱର ଜନସଭାରେ ରାଜ୍ୟ ସରକାରଙ୍କୁ କେନ୍ଦ୍ରମନ୍ତ୍ରୀଙ୍କ ଟାର୍ଗେଟ । ଧର୍ମେନ୍ଦ୍ର କହିଲେ ଏସଏଚଜି ମହିଳାଙ୍କୁ ଶାଢୀ ଓ ଟଙ୍କା ବାଂଟୁଛି ବିଜେଡି । ଜବାବ ରଖିଲେ ସ୍ୱାସ୍ଥ୍ୟମନ୍ତ୍ରୀ ନବ ଦାସ କହିଲେ, ବିଜେଡ଼ି ଟଙ୍କା ବାଂଟିବା ନେଇ ପ୍ରମାଣ ଥିଲେ ନିର୍ବାଚନ କମିଶନଙ୍କୁ ଦେଉ ବିଜେପି ।
କନକ ବ୍ୟୁରୋ : ବାଲେଶ୍ୱର ଉପନିର୍ବାଚନ ପାଇଁ ପ୍ରଚାର କରିବା ସମୟରେ ବିଜେଡି ବିରୋଧରେ ସାଂଘାତିକ ଅଭିଯୋଗ ଆଣିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ବିଜେଡି ଭୋଟରଙ୍କୁ ନିଜ ସପକ୍ଷରେ ନେବା ପାଇଁ ଟଙ୍କା ଓ ଶାଢ଼ୀ ବାଂଟୁଥିବା ସେ ଅଭିଯୋଗ ଆଣିଛନ୍ତି । ଏଥିସହ ରାଜ୍ୟ ସରକାରଙ୍କ ଅବହେଳା ଯୋଗୁଁ ବାଲେଶ୍ୱରର ଯୁବକ ଦାଦନ ଖଟିବାକୁ ଯାଉଛନ୍ତି ବୋଲି ଅଭିଯୋଗ କରିଛନ୍ତି ଧର୍ମେନ୍ଦ୍ର । ଧର୍ମେନ୍ଦ୍ରଙ୍କ ଅଭିଯୋଗର ଜବାବ ରଖିଛି ବିଜେଡି ।
Kanak News is now on WhatsApp
Join and get latest news updates delivered to you via WhatsApp
ତିର୍ତୋଲରେ ଭର୍ଚୁଆଲ୍ ରାଲି ପରେ ବାଲେଶ୍ୱର ସଦରରେ ବିଜେପି ପ୍ରାର୍ଥୀଙ୍କ ପାଇଁ ଭୋଟ ଅପିଲ କରିବାବେଳେ ବଡ ଅଭିଯୋଗ କରିଛନ୍ତି କେନ୍ଦ୍ରମନ୍ତ୍ରୀ । କହିଛନ୍ତି ନିର୍ବାଚନ ପାଇଁ ଏସଏଚଜି ସଦସ୍ୟଙ୍କ ଜରିଆରେ ବିଜେଡି ଟଙ୍କା ଓ ଶାଢ଼ୀ ବାଂଟୁଛି । ଏଥିସହ ସଭାମଂଚରୁ ବାଲେଶ୍ୱରକୁ ଅବହେଳା କରାଯିବ ପ୍ରସଙ୍ଗ ଉଠାଇ ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି ଧର୍ମେନ୍ଦ୍ର । ସେହିପରି ରାଜ୍ୟ ସରକାର କାମ ସୃଷ୍ଟି କରି ନପାରିବାରୁ ବାଲେଶ୍ୱରର ଯୁବକମାନେ ପରିବାର ଛାଡି ରାଜ୍ୟ ବାହାରକୁ ଦାଦନ ଖଟିବାକୁ ଯାଉଥିବା ମଧ୍ୟ ସେ ଅଭିଯୋଗ ବାଢ଼ିଛନ୍ତି ।
ଧର୍ମେନ୍ଦ୍ରଙ୍କ ଅଭିଯୋଗର ଜବାବ ରଖିଛି ବିଜେଡି । ସ୍ୱାସ୍ଥ୍ୟମନ୍ତ୍ରୀ ନବ ଦାସ କହିଛନ୍ତି, ବିଜେଡ଼ି ଟଙ୍କା ବାଂଟିବା ନେଇ ପ୍ରମାଣ ଥିଲେ ନିର୍ବାଚନ କମିଶନଙ୍କୁ ଜଣାନ୍ତୁ ବିଜେପି ନେତା । ଏଥିସହ କିଏ ବିକାଶ କରିଛି ବାଲେଶ୍ୱରର ସଚେତନ ଭୋଟର ଭଲ ଭାବେ ଜାଣନ୍ତି ବୋଲି ନବ କହିଛନ୍ତି ।
ବାଲେଶ୍ୱର ଉପନିର୍ବାଚନ ଉଭୟ ବିଜେଡି ଓ ବିଜେପି ପାଇଁ ଅଗ୍ନିପରୀକ୍ଷା ହୋଇଛି । ତେଣୁ ତିନି ପ୍ରମୁଖ ଦଳ ଘର ଘର ବୁଲି ପ୍ରଚାରକୁ ଜୋର ଦେଉଥିବାବେଳେ ଶୀର୍ଷ ନେତା ସ୍ଥାନୀୟ ପ୍ରସଙ୍ଗ ଉଠାଇ ଭୋଟରଙ୍କ ମନ ଜିଣିବା ପାଇଁ ଉଦ୍ୟମ କରୁଛନ୍ତି ।