କନକ ବ୍ୟୁରୋ : ମାଡ୍ରାସ ହାଇକୋର୍ଟ ତାମିଲନାଡୁ ମନ୍ଦିରର ୨ ହଜାର କେଜି ସୁନା ତରଳାଇବା ପ୍ରସ୍ତାବ ଉପରେ ରାଜ୍ୟ ସରକାରଙ୍କୁ ରୋକ ଲଗାଇଛନ୍ତି । କୋର୍ଟ କହିଛନ୍ତି କି ମନ୍ଦିରର ଟ୍ରଷ୍ଟି ହିଁ କେବଳ ଏହା ଉପରେ ନିଷ୍ପତ୍ତି ନେଇପାରିବେ । ତାମିଲନାଡୁର ମୁଖ୍ୟମନ୍ତ୍ରୀ ଏମ କେ ଷ୍ଟାଲିନଙ୍କ ସରକାର ପାଖାପାଖି ୨୧୩୮ କେଜି ସୁନା ତରଳାଇବା କାର୍ଯ୍ୟ ଆରମ୍ଭ କରିଦେଇଥିଲେ । ରାଜ୍ୟ ସରକାରଙ୍କ ଏଭଳି ନିଷ୍ପତ୍ତିକୁ କିଛି ଲୋକ ବିରୋଧ କରି ମାଡ୍ରାସ ହାଇକୋର୍ଟରେ ଅଭିଯୋଗ ଦାଖଲ କରିଥିଲେ । ଅଭିଯୋଗକାରୀ ସେମାନଙ୍କ ଅଭିଯୋଗରେ ଲେଖିଥିଲେ କି ଶ୍ରଦ୍ଧାଳୁଙ୍କ ଦ୍ୱାରା ଦାନ କରାଯାଇଥିବା ସୁନା ବିନା ଯାଂଚରେ ତରବରିଆ ଭାବେ ତରଳାଇବା ରାଜ୍ୟ ସରକାରଙ୍କ ଉର୍ଦ୍ଦେଶ୍ୟ ଉପରେ ପ୍ରଶ୍ନବାଚୀ ସୃଷ୍ଟି କରୁଛି ।
Kanak News is now on WhatsApp
Join and get latest news updates delivered to you via WhatsApp
ମାଡ୍ରାସ ହାଇକୋର୍ଟର ମୁଖ୍ୟ ବିଚାରପତି ପି.ଡି ଆଦିକେସବାଲଙ୍କ ବେଞ୍ଚ ଆଗରେ ରାଜ୍ୟସରକାର ଦଲିଲ ରଖିଥିଲେ କି ମନ୍ଦିରର ଏହି ସୁନାକୁ ତରଳାଇ ତାକୁ ବିସ୍କୁଟରେ ପରିଣତ କରିବା ରାଜ୍ୟ ସରକାରଙ୍କ ଅଧିକାର । ୨୪ କ୍ୟାରେଟ୍ ସୁନା ବିସ୍କୁଟକୁ ବ୍ୟାଙ୍କରେ ବନ୍ଧକ ରଖି ସେଥିରୁ ଯେଉଁ ଟଙ୍କା ମିଳିବ ତାହା ମନ୍ଦିରର ବିକାଶ କାର୍ଯ୍ୟରେ ଲାଗିବ ବୋଲି ରାଜ୍ୟ ସରକାରଙ୍କ ଓକିଲ କୋର୍ଟରେ ଜବାବ୍ ରଖିଥିଲେ । ଓକିଲ କହିଥିଲେ କି ଏହି ପ୍ରକ୍ରିୟା ଦୀର୍ଘ ୫୦ ବର୍ଷ ହେବ ଚାଲୁ ରହିଛି । ହେଲେ ସରକାରୀ ଓକିଲଙ୍କ ଏଭଳି ଯୁକ୍ତିକୁ ବିରୋଧ କରିଥିଲେ ଅଭିଯୋଗକାରୀଙ୍କ ଓକିଲ । ଅଭିଯୋଗକାରୀଙ୍କ ଓକିଲ କୋର୍ଟଙ୍କୁ କହିଥିଲେ କି ସେପ୍ଟେମ୍ବର ୯ ତାରିଖରେ ଗଠିତ ହୋଇଥିବା ସରକାରଙ୍କ ଅଦେଶ ନା କେବଳ ହିନ୍ଦୁ ଧର୍ମ ଏବଂ ଚାରିଟେବୁଲ ଏଣ୍ଡୋସମେଣ୍ଟ ଆକ୍ଟ, ଏସିଏଣ୍ଟ ମାନ୍ୟୁମେଣ୍ଟ ଆକ୍ଟ, ଜୁଏଲ ରୁଲ୍ସ ଆଦିର ଓଲଙ୍ଘନ କରୁନାହିଁ ଏହାସହ କୋର୍ଟଙ୍କ ଆଦେଶ ବିରୋଧରେ ବି କାମ କରୁଛି ।
କହିରଖୁ କି ଚଳିତ ବର୍ଷ ଜୁନ ୭ ତାରିଖରେ ମାଡ୍ରାସ ହାଇକୋର୍ଟ ମନ୍ଦିରଗୁଡିକର ସମ୍ପତ୍ତି ମୂଲ୍ୟାଙ୍କନ ଓ ଏହାର ରେକର୍ଡ କରିବାକୁ ନିର୍ଦ୍ଦେଶ ଦେଇଥିଲେ । କୋର୍ଟ ଏହା ମାନିଥିଲେ କି ୬୦ ବର୍ଷ ଧରି ରାଜ୍ୟରେ ଏଭଳି କରାଯାଉ ନାହିଁ । ରାଜ୍ୟ ସରକାର ଠିକଭାବେ ଅଡିଟ୍ କରିବା ବଦଳରେ ଘୋଷଣା କରିଥିଲେ କି କେବଳ ଦେବାଦେବୀଙ୍କ ଆଭୁଷଣ ଓ ଶୃଙ୍ଗାରରେ ବ୍ୟବହୃତ ହେଉଥିବା ଗହଣାକୁ ଛାଡି ବାକି ସୁନା ଓ ରୂପାକୁ ତରଳାଇ ଦିଆଯିବ । ଏହାସହ ତାମିଲନାଡୁ ମନ୍ଦିରରେ ତରଳା ହେବାକୁ ଥିବା ସୁନାର ପରିମାଣ ୨୧୩୮ କେଜି ବୋଲି ରାଜ୍ୟ ସରକାର ଘୋଷଣା କରିଥିଲେ ।