ଆପଣଙ୍କ ଏଟିଏମ୍ କାର୍ଡ ହଜିଯାଇଛି କି ? ତେବେ ବ୍ୟସ୍ତ ହୁଅନ୍ତୁ ନାହିଁ । ଘରେ ବସି ଆପଣ ପାଇପାରିବେ ନୂଆ ଏଟିଏମ୍ କାର୍ଡ । ଜାଣନ୍ତୁ, କେମିତି…
କନକ ବ୍ୟୁରୋ : ଆପଣଙ୍କ ଏଟିଏମ୍ କାର୍ଡ ହଜିଯାଇଛି କି ? ଘରେ ବସି ପାଇପାରିବେ ନୂଆ କାର୍ଡ । ଆପଣଙ୍କ ଏଟିଏମ୍ କାର୍ଡ ହଜିଯାଇଛି କିମ୍ବା ଚୋରି ହୋଇଯାଇଛି କି ? ତେବେ ବ୍ୟସ୍ତ ହୁଅନ୍ତୁ ନାହିଁ । ଏଣିକି ନୂଆ ଏଟିଏମ୍ କାର୍ଡ ପାଇଁ ଆପଣଙ୍କୁ ଆଉ ବ୍ୟାଙ୍କର ଚକ୍କର କାଟିବାକୁ ପଡିବନି । ଆପଣ ଘରେ ବସି ଆପଣଙ୍କ ନୂଆ ଏଟିଏମ୍ କାର୍ଡ ପାଇପାରିବେ । କରୋନା ମହାମାରୀ ସମୟରେ ଅନେକ ବ୍ୟାଙ୍କ ଗୁଡିକ ନିଜର ଅଧିକାଂଶ ସୁବିଧା ଅନଲାଇନ୍ କରିଦେଇଛନ୍ତି । ତେବେ ଆସନ୍ତୁ ଜାଣିବା ନୂଆ ଏଟିଏମ୍ କାର୍ଡ ପାଇଁ ଆପଣଙ୍କୁ କଣ କରିବାକୁ ହେବ ।
Kanak News is now on WhatsApp
Join and get latest news updates delivered to you via WhatsApp
ନୂଆ ଏଟିଏମ୍ କାର୍ଡ ପାଇଁ ଆବେଦନ କରିବା ପାଇଁ ଆପଣଙ୍କୁ ଏକ ସରଳ ପ୍ରକ୍ରିୟା ଅନୁକରଣ କରିବାକୁ ହେବ । ତେବେ ଏଥିପାଇଁ ଆପଣଙ୍କ ମୋବାଇଲ୍ ନମ୍ବର ଆପମଙ୍କ ବ୍ୟାଙ୍କ ଆକାଉଣ୍ଟରେ ରେଜିଷ୍ଟର ହୋଇଥିବା ଦରକାର । କାରଣ ଆପଣଙ୍କୁ ଓଟିପିର ଆବଶ୍ୟକତା ପଡିବ । ତେବେ ହେି ପ୍ରକ୍ରିୟା କେବଳ ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ ଗ୍ରାହକଙ୍କ ପାଇଁ ଲାଗୁ ହେବ । ଏବେ ଆସନ୍ତୁ ଜାଣିବା ପୂରା ପ୍ରକ୍ରିୟା ।
ପ୍ରଥମେ ଆପଣଙ୍କୁ ବ୍ୟାଙ୍କର ଅଫିସିୟାଲ ୱେବସାଇଟକୁ ଯାଇ ଇଣ୍ଟରନେଟ୍ ବ୍ୟାଙ୍କିଂ ରେ ଲଗ୍ ଇନ୍ କରିବାକୁ ହେବ । ଏହା ପରେ ଆପଣ ଇ-ସର୍ଭିସ ଥିବା ବିକଳ୍ପକୁ ଯାଆନ୍ତୁ । ଏଥିରେ ଆପଣଙ୍କୁ ଏଟିଏମ୍ କାର୍ଡ ସର୍ଭିସ ବିକଳ୍ପ ଚୟନ କରିବାକୁ ହେବ । ଏହାପରେ ରିକ୍ୱେଷ୍ଟ ଏଟିଏମ୍ କିମ୍ବା ଡେବିଟ୍ କାର୍ଡ ବିକଳ୍ପ ଚୟନ କରନ୍ତୁ ।
ଏବେ ଆପଣଙ୍କ ସାମ୍ନାରେ ଦୁଇଟି ବିକଳ୍ପ ଆସିବ । ଏହା ଓଟିପି ଆଧାରିତ କିମ୍ବା ପ୍ରୋଫାଇଲ୍ ପାସୱାର୍ଡ ଆଧାରିତ ଅଟେ । ଏଥିରେ ଆପଣଙ୍କୁ ଓଟିପି ଆଧାରିତ ଚୟନ କରିବାକୁ ହେବ । ଏହା ଏକ ନୂଆ ପେଜଟିଏ ଖୋଲିବ । ଏଥିରେ ଆପଣଙ୍କୁ ଆକାଉଂଟ ଚୟନ କରିବା ପରେ କାର୍ଡର ନାମ ଏବଂ କାର୍ଡ ପ୍ରକାର ଚୟନ କରିବାକୁ ପଡିବ । ସମସ୍ତ ବିବରଣୀ ପୂରଣ କରିବା ପରେ, ଏହାକୁ ଯାଂଚ କରନ୍ତୁ ଏବଂ ଦାଖଲ କରନ୍ତୁ । ସମସ୍ତ ତଥ୍ୟ ସବମିଟ୍ କରିବା ପରେ, ଆପଣଙ୍କ ଏକ ମେସେଜ୍ ଆସିବ । ଯେଉଁଥିରେ ଲେଖାଥିବ ଯେ, ୭-୮ କାର୍ଯ୍ୟଦିନରେ ଆପଣଙ୍କ ନିକଟକୁ ଡେବିଟ୍ କାର୍ଡ ଡେଲିଭରି କରିଦିଆଯିବ ।