ହରିୟାଣାରେ ଏକାକୀ ସରକାର ଗଢିବ ବିଜେପି । ଆଜି ଅପରାହ୍ନ ୫ଟାରେ ନୂଆ ମୁଖ୍ୟମନ୍ତ୍ରୀ ଶପଥ ନେବା ନେଇ ରହିଛି ସୂଚନା
କନକ ବ୍ୟୁରୋ: ହରିୟାଣା ରାଜନୀତିରେ ହଇଚଇ ପରିସ୍ଥିତି । ଜନନାୟକ ଜନତା ପାର୍ଟି( ଜେଜେପି)ଠାରୁ ରାଜ୍ୟ ବିଜେପିର ମେଣ୍ଟ ଭାଙ୍ଗିବା ପରେ ଇସ୍ତଫା ଦେଇଛନ୍ତି ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟରଙ୍କ ସହ ପୁରା କ୍ୟାବିନେଟ୍ । ଇସ୍ତଫା ପରେ ପୁଣି ଥରେ ରାଜ୍ୟରେ ବିଜପି ଏକାକୀ ସରକାର ଗଢିବ ବୋଲି ସୂଚନା ରହିଛି । ଜେଜେପିଠାରୁ ମେଣ୍ଟ ଭାଙ୍ଗିବା ପରେ କିଛି ସ୍ୱାଧୀନ ବିଧାୟକ ଖଟ୍ଟରଙ୍କୁ ସମର୍ଥନ ଜଣାଇ ତାଙ୍କ ସହ ଆଲୋଚନା କରିଥିବା ଜଣାପଡିଛି । ଏହାସହ ଅବିଳମ୍ବେ ଆଜି ଅପରାହ୍ନ ୫ଟା ସମୟରେ ପୁଣିଥରେ ନୂଆ ମୁଖ୍ୟମନ୍ତ୍ରୀ ଶପଥ ନେବାର ସୂଚନା ରହିଛି । ତେବେ ମୁଖ୍ୟମନ୍ତ୍ରୀ କିଏ ହେବେ ତାରି ଉପରେ ସମସ୍ତଙ୍କ ନଜର ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ମନୋହର ଲାଲ ଖଟ୍ଟର ରାଜଭବନ ଯିବା ପୂର୍ବରୁ କିଛି ନିର୍ଦ୍ଦଳୀୟ ବିଧାୟକଙ୍କ ସହ ଆଲୋଚନା କରିଥିଲେ । ଏହାପରେ ରାଜ୍ୟପାଳଙ୍କୁ ଭେଟିବାକୁ ଯାଇଥିଲେ । ତାଙ୍କ ସହ ଉପସ୍ଥିତ ଥିଲେ ରାଜ୍ୟ ଗୃହମନ୍ତ୍ରୀ ଅନୀଲ ଭିଜ୍ । ଏପରି ସ୍ଥଳେ ଅନୀଲ ଭିଜ୍ ନୂଆ ମୁଖ୍ୟମନ୍ତ୍ରୀ ହୋଇପାରନ୍ତି ବୋଲି ଆଲୋଚନା ହେଉଛି ।