ହରିଆଣାରେ ମୋଦୀ ଗ୍ୟାରେଣ୍ଟି । କହିଲେ, ୨୦୨୪ ଲୋକସଭା ନିର୍ବାଚନରେ ବିଜେପି ଜିତିବ ୪ଶହ ଆସନ, କଂଗ୍ରେସକୁ ଟାର୍ଗେଟ୍

କନକ ବ୍ୟୁରୋ : ହରିଆଣାରେ ମୋଦୀ ଗ୍ୟାରେଂଟି । ଏନଡିଏ ସରକାର ସାଧାରଣ ନିର୍ବାଚନରେ ୪ଶହ ଆସନରେ ବିଜୟ ହାସଲ କରିବା ନେଇ ଦୃଢୋକ୍ତି ପ୍ରକାଶ କରିଛନ୍ତି ପ୍ରଧାନମନ୍ତ୍ରୀ । ରେବାଡି ଜନସଭାକୁ ସମ୍ବୋଧିତ କରି ମୋଦୀ କହିଛନ୍ତି ଯେବେ ସେ ଏଠାକୁ ଆସନ୍ତି ସେ ସମୟରେ ପୁରୁଣା ସ୍ମୃତି ତାଜା ହୋଇଯାଏ । ୨୦୧୩ ଲୋକସଭା । ରେବାଡୀ ଜନତାଙ୍କ ଆର୍ଶୀବାଦ କମାଲ କରିଥିଲା । ଏଥରକ ମଧ୍ୟ ୪ଶହ ଆସନ ସହ ବିଜୟ ପାଇଁ ଆର୍ଶୀବାଦ କରୁ ରେବାଡୀ । ଜନସଭାରେ କଂଗ୍ରେସକୁ ମଧ୍ୟ ଟାର୍ଗେଟ କରିଛନ୍ତି ପ୍ରଧାନମନ୍ତ୍ରୀ । ବଂଶବାଦ ପାଇଁ ଆଜିର ଦିନରେ କଂଗ୍ରେସ ସବୁଠୁ ଖରାପ ସ୍ଥିତି ଦେଇ ଗତି କରୁଛି । ଏଥିସହ ସେ କହିଛନ୍ତି ଗତ ୧୦ବର୍ଷ ମଧ୍ୟରେ ଭାରତ ୧୧ ନମ୍ବର ସ୍ଥାନରୁ ଉପରକୁ ଉଠି ୫ମ ମହାଶକ୍ତିର ଦେଶ ହୋଇପାରିଛି । ତୃତୀୟ ପାଳି ସରକାରରେ ଭାରତକୁ ତୃତୀୟ ବୃହତ ଅର୍ଥନୀତିର ଗଢ଼ିବାକୁ ଲକ୍ଷ୍ୟ ରଖିଛି ଦଳ । ଆଜିର କାର୍ଯ୍ୟକ୍ରମରେ ଏମ୍ସର ଆଧାରଶୀଳା ରଖିବା ସହ ୧୦ହଜାର କୋଟିର ଭେଟି ଦେଇଛନ୍ତି କେନ୍ଦ୍ର ସରକାର ।