କେନ୍ଦ୍ର ସ୍ୱାସ୍ଥ୍ରମନ୍ତ୍ରୀ ହର୍ଷବର୍ଦ୍ଧନ କହିଲେ, ଦେଶରେ ଟିକାର ଅଭାବ ନାହିଁ : ଆଜି ଯାଏଁ ରାଜ୍ୟ ଗୁଡିକୁ ଦିଆଗଲାଣି ୧୪କୋଟି ୧୫ଲକ୍ଷରୁ ଅଧିକ ଡୋଜ
କନକ ବ୍ୟୁରୋ : ଦେଶରେ କରୋନା ସଂକ୍ରମଣ ଉପରମୁହାଁ । କରୋନା ସଂକ୍ରମଣକୁ ଦୃଷ୍ଟିରେ ରଖି ଟିକାକରଣକୁ ଜୋରଦାର କରାଯାଇଛି । କିଛି ରାଜ୍ୟରେ ଟିକାର ଅଭାବ ଦେଖାଦେଇଛି । ଯାହା ଫଳରେ ଟିକାକରଣରେ ବାଧା ସୃଷ୍ଟି ହେଉଛି । ଏପରିକି ଅନେକ ଟିକାକରଣ କେନ୍ଦ୍ର ବନ୍ଦ ହୋଇଗଲାଣି । କିନ୍ତୁ ଦେଶରେ ଟିକା ଅଭାବ ନାହିଁ ବୋଲି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ପୁଣି ଥରେ ଦାବି କରିଛନ୍ତି । ସେ ଏହା ସହ ଜଡିତ କିଛି ପରିସଂଖ୍ୟାନ ମଧ୍ୟ ସେୟାର କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ସ୍ୱାସ୍ଥ୍ୟମନ୍ତ୍ରୀ ହର୍ଷ ବର୍ଦ୍ଧନ କହିଛନ୍ତି, “ଦେଶରେ ଆଜି ସକାଳ ପର୍ଯ୍ୟନ୍ତ ୧୪ କୋଟି ୧୫ ଲକ୍ଷରୁ ଅଧିକ ଡୋଜ ଟିକା ଯୋଗାଇ ଦିଆଯାଇଛି। ପ୍ରାୟ ୧୨ କୋଟି ୫୭ ଲକ୍ଷ ୧୮ ହଜାର ଟିକା ବ୍ୟବହାର କରିଛନ୍ତି । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ସୂଚନାନୁସାରେ, ଏପ୍ରିଲ ୧୬ ପର୍ୟ୍ୟନ୍ତ ୩୦ ଲକ୍ଷରୁ ଅଧିକ ଟିକା ମିଶାଇ ଦେଶରେ ଦିଆଯାଇଥିବା କୋଭିଡ -୧୯ ଟିକା ସଂଖ୍ୟା ୧୨ କୋଟିରେ ପହଞ୍ଚିଛି । ସମୁଦାୟ ୬୬,୬୮୯ କୋଭିଡ ଟିକାକରଣ କେନ୍ଦ୍ର ପରିଚାଳିତ ହେଉଛି । ଦେଶରେ ଦିଆଯାଇଥିବା କୋଭିଡ -୧୯ ଟିକା ସଂଖ୍ୟା ହେଉଛି ୧୧,୯୯,୩୭,୬୪୧ ।
ଏଥିମଧ୍ୟରେ ୯୧,୦୪,୬୮୦ ସ୍ୱାସ୍ଥ୍ୟ କର୍ମୀ ଅଛନ୍ତି, ଯେଉଁମାନେ ଟିକାକରଣର ପ୍ରଥମ ମାତ୍ରା ପାଇଛନ୍ତି ଏବଂ ୫୬,୬୯,୭୩୪ ଜଣ ସ୍ୱାସ୍ଥ୍ୟ କର୍ମୀଙ୍କୁ ଦ୍ୱିତୀୟ ଡୋଜ ଦିଆଯାଇଛି । ଏହା ବ୍ୟତୀତ ଏଠାରେ ୧ କୋଟି ୬ ଲକ୍ଷ ଆଗ ଧାଡିର କର୍ମଚାରୀ ଅଛନ୍ତି ଯେଉଁମାନେ ପ୍ରଥମ ଡୋଜ ପାଇଛନ୍ତି, ଦ୍ୱିତୀୟ ଡୋଜ ଦିଆଯାଇଥିବା ୫୨ ଲକ୍ଷ ୯୫ ହଜାର ଆଗ ଧାଡିର କର୍ମଚାରୀ ଅଛନ୍ତି ।