କନକ ବ୍ୟୁରୋ:  ସୁପ୍ରିମକୋର୍ଟ ଅବୈଧ ଖନନ ପଟ୍ଟା ମାମଲାରେ ଝାଡଖଣ୍ଡର ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କୁ ବଡ ଆଶ୍ୱସ୍ତି ଦେଇଛନ୍ତି । ଶୀର୍ଷ ଅଦାଲତ ଝାଡଖଣ୍ଡ ହାଇକୋର୍ଟର ନିଷ୍ପତ୍ତିକୁ ବଦଳାଇ ମୁଖ୍ୟମନ୍ତ୍ରୀ ଏବଂ ରାଜ୍ୟ ସରକାରଙ୍କ ଆବେଦନକୁ ଶୁଣାଣି ପାଇଁ ଗ୍ରହଣ କରିଛନ୍ତି । ଝାଡଖଣ୍ଡ ହାଇକୋର୍ଟ ଖନନ ପଟ୍ଟା ମାମଲାରେ ତଦନ୍ତ ସମ୍ବନ୍ଧୀୟ ଜନହିତ ଆବେଦନର ଶୁଣାଣିକୁ ଯୋଗ୍ୟ ଦର୍ଶାଇଥିଲେ । ଲିଜ ଆବଣ୍ଟନ କରିବା ଏବଂ ନିଜ ସମ୍ପର୍କୀୟ ଦ୍ୱାରା ସେ କମ୍ପାନୀରେ ନିବେଶ କରିବା ବରୋଧରେ ଦାୟର ଜନହିତ ଆବେଦନ ଉପରେ ସୁପ୍ରିମକୋର୍ଟ କହିଥିଲେ  ଏହା ଜନହିତ ଆବେଦନର ଶୁଣାଣି କରିବା ପାଇଁ ଗ୍ରହଣୀୟ ନୁହେଁ ।

Advertisment

ସୋରେନଙ୍କ ଉପରେ ରାଜ୍ୟର ଖଣି ମନ୍ତ୍ରୀ ହିସାବରେ ଖନନ ପଟ୍ଟା ନିଜକୁ ଆବଣ୍ଟିତ କରିବାର ଅଭିଯୋଗ ରହିଛି । ଅଦାଲତ କହିଛନ୍ତି, ଆମେ ଦୁଇଟି ଆବେଦନକୁ ଅନୁମତି ଦେଇଛୁ ଏବଂ ଜନହିତ ଆବେଦନର ଶୁଣାଣି ପାଇଁ ଯୋଗ୍ୟ ନଥିବା ଦର୍ଶାଇଛୁ । ସେହିଭଳି ୨୦୨୨ ଜୁନ ମାସରେ ଝାଡଖଣ୍ଡ ହାଇକୋର୍ଟର ନିର୍ଦ୍ଦେଶକୁ ପରିବର୍ତ୍ତନ ପାଇଁ ନିର୍ଦ୍ଦେଶ ଦେଇଛୁ ।