କନକ ବ୍ୟୁରୋ : ଭାରତରେ କୋଭିଡ-୧୯ ସଂକଟର ମୁକାବିଲା କ୍ଷେତ୍ରରେ କେନ୍ଦ୍ର ସରକାରଙ୍କ ଭୁମିକାକୁ ନେଇ ଜନସ୍ୱାର୍ଥ ମାମଲାର ଶୁଣାଣିରେ କୋର୍ଟଙ୍କୁ ସହଯୋଗ କରିବା ନିମନ୍ତେ ‘ଆମିକସ୍ କ୍ୟୁରି’ ଭାବେ ନିଯୁକ୍ତ ଆଡ୍ଭୋକେଟ୍ ହରିଶ ସାଲଭେ ଏଥିରୁ ଓହରିଯିବାକୁ ନିବେଦନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେ ତାଙ୍କ ଆବେଦନରେ କହିଛନ୍ତି କି କୋର୍ଟ ଶୁଣାଣି କରିବାକୁ ଯାଉଥିବା ଏହି ମାମଲା ସ୍ପର୍ଶକାତର ମାମଲାଗୁଡିକ ଭିତରୁ ଅନ୍ୟତମ । ଦେଶ ଏବେ କରୋନା ସଂକ୍ରମଣକୁ ନେଇ ଉଦବେଗଜନକ ସ୍ଥିତିରେ ରହିଛି । ପୂର୍ବରୁ କେବେ ବି କୋର୍ଟ ଏଭଳି ସ୍ପର୍ଶକାତର ମାମଲାର ପରିଚାଳନା କରି ନ ଥିବେ । ମୁଖ୍ୟ ବିଚାରପତିଙ୍କ ସହ ମୋର ସଂପର୍କ ଥିବାରୁ ମୋତେ ‘ଆମିକସ୍ କ୍ୟୁରି’ ଭାବେ ନିଯୁକ୍ତି ମିଳିଛି । ହେଲେ ଏଭଳି ଗୁରୁତ୍ୱହୀନ ନିଯୁକ୍ତି ଗ୍ରହଣ କରିବାକୁ ସେ ପ୍ରସ୍ତୁତ ନଥିବା କଥା କହିଛନ୍ତି ।
କହିରଖୁ କି ହରିଶ୍ ଙ୍କୁ ‘ଆମିକସ୍ କ୍ୟୁରି’ ଭାବେ ନିଯୁକ୍ତି ମିଳିବା ପ୍ରସଙ୍ଗକୁ ନେଇ ବିରୋଧୀ ଦଳମାନେ ଆପତ୍ତି ଉଠାଇଥିଲେ । ହେଲେ ପ୍ରଧାନ ବିଚାରପତି କହିଥିଲେ କି ସାଲଭେଙ୍କୁ ନିଯୁକ୍ତ କରିବା ଖଣ୍ଡପୀଠଙ୍କର ସାମୁହିକ ନିଷ୍ପତ୍ତି ଥିଲା ।
ଅନ୍ୟପଟେ ତାଙ୍କ ନିଯୁକ୍ତିକୁ ନେଇ ଅଯଥା ଅଭିଯୋଗ ଆସୁଥିବାରୁ ଏହାକୁ ଏଡାଇବାକୁ ‘ଆମିକସ୍ କ୍ୟୁରି’ ପଦବୀର ଓହରି ଯିବାକୁ ସାଲଭେ ଅଦାଲତଙ୍କ ଅନୁମତି ମାଗିଥିଲେ । ଅନ୍ୟପଟେ ମୁଖ୍ୟ ବିଚାରପତି ଏସ୍ ଏ ବୋବଡେ କହିଛନ୍ତି କି ଏବେ ଆମେ ଚିହ୍ନି ନଥିବା ଜଣେ ଆଡ୍ଭୋକେଟଙ୍କୁ ‘ଆମିକସ୍ କ୍ୟୁରି’ ଭାବେ ନିଯୁକ୍ତ କରିବାକୁ ସନ୍ଧାନ ନେବୁ । ସେପଟେ ଆସନ୍ତା ମଙ୍ଗଳବାର ଦିନ ଏହି ମାମଲାର ଶୁଣାଣି କରାଯିବ ବୋଲି ଖଣ୍ଡପୀଠ ଦିନ ଧାର୍ଯ୍ୟ କରିଛନ୍ତି ।