କନକ ବ୍ୟୁରୋ : ବାବା ରାମଦେବଙ୍କ ହରିଦ୍ୱାର ସ୍ଥିତ ପତଞ୍ଜଳୀ ଗୁରୁକୁଲମରେ ଜଣେ ଯୁବତୀ ଆତ୍ମହତ୍ୟା କରିଛନ୍ତି । ସେ ତୃତୀୟ ମହଲାରୁ ଡେଇଁ ଆତ୍ମହତ୍ୟା କରିଥିବା କୁହାଯାଇଛି । ଆତ୍ମହତ୍ୟା କରିଥିବା ଏହି ୨୪ ବର୍ଷିୟ ଯୁବତୀ ଜଣଙ୍କ ମଧ୍ୟପ୍ରଦେଶର ବାସିନ୍ଦା ବୋଲି ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଏନେଇ ପୋଲିସ ସୂଚନା ପାଇବା ପରେ ଘଟଣା ସ୍ଥଳରେ ପହଂଚି ଶବ ଜବତ୍ କରିବା ସହ ଯୁବତୀଙ୍କ ଶବ ନିକଟରୁ ଏକ ସୁଇସାଇଡ ନୋଟ ଜବତ କରିଛି । ବହାଦରାବାଦ ପୋଲିସ ଏହି ସୁଇସାଇଡ ନୋଟ ଜବତ କରିବା ପରେ କହିଛି କି ଏଥିରୁ କିଛି ସ୍ପଷ୍ଟ ଜଣାପଡୁନାହିଁ । ହେଲେ ଏଥିରେ କିଛି ଭକ୍ତିର କଥା ଲେଖାଯିବା ସହ ସେ ଇଶ୍ୱରଙ୍କ ଠାରେ ବିଲିନ ହେବାକୁ ଆତ୍ମହତ୍ୟା କରିଛନ୍ତି ବୋଲି ଲେଖାଯାଇଛି ।
ବହାଦରାବାଦ ଡେପୁଟି ଏସପି ପରବେଜ ଅଲ୍ଲୀ କହିଛନ୍ତି କି ସୁଇସାଇଡ ନୋଟରେ କିଛି ପରିସ୍କାର ଭାବେ ଲେଖାଯାଇ ନାହିଁ । ସେପଟେ ଆତ୍ମହତ୍ୟା ବାବଦରେ ଯୁବତୀଙ୍କ ପରିବାରକୁ ସୂଚନା ଦିଆଯାଇଛି । ଯୁବତୀଙ୍କ ପରିବାର ଲୋକ ଆସିବା ପରେ ଯୁବତୀଙ୍କ ପୋଷ୍ଟମର୍ଟମ୍ ହେବ ।