ଆଜି ତେଲୁଗୁ ସମ୍ପ୍ରଦାୟର ନୂଆବର୍ଷ : ଉଗାଦି ପର୍ବ ପାଳନ ପାଇଁ ଉତ୍ସାହ

178

କନକ ବ୍ୟୁରୋ : ବିଭିନ୍ନ ସ୍ଥାନରେ ପାଳିତ ହେଉଛ ହିନ୍ଦୁ ନବ ବର୍ଷ । ଭିନ୍ନ ସମ୍ପ୍ରଦାୟର ଲୋକେ ବିଭିନ ଭାବର ଏହି ନୂଆ ବର୍ଷକୁ ପାଳିଛନ୍ତି । ତେଲୁଗୁ ସମ୍ପ୍ରଦାୟରେ ନୂଆ ବର୍ଷକୁ ଉଗାଦି’ ଭାବେ ପାଳନ କରିଛନ୍ତି । ଯାହାକି ଉଗାଦି ପର୍ବ ଭାବେ ଜଣାଯାଏ । ଆନ୍ଧ୍ର, ତେଲେଙ୍ଗାନା ସମେତ ଓଡ଼ିଶାରେ ବସବାସ କରୁଥିବା ତେଲୁଗୁ ସମ୍ପ୍ରଦାୟର ଲୋକମାନେ ଧମୁଧାମରେ ଏହି ଉଗାଦି ପାଳନ କରିଥାନ୍ତିି । ବିଶେଷ କରି କୋତା ଅମାବାସ୍ୟା ପର ଦିନ ଏହି ଉଗାଦି ପାଳନ କରିବାର ରହିଛି ପରମ୍ପରା । ତେଲୁଗୁ ସମ୍ପ୍ରଦାୟ ମାନେ ଆମ୍ବ ପର୍ବ ଭାବେ ମଧ୍ୟ ପାଳନ କରିବା ସହ ଆମ୍ବ’ପୂଜା କରିଥାନ୍ତି ।

ଆମ୍ବ ସହ ନୂତନ ତେନ୍ତୁଳି , ନିମ୍ବ ଫୁଲ , କଦଳୀ ଓ ଗୁଡ ମିଶାଇ ଏକ ସ୍ୱତନ୍ତ୍ର ମିଶ୍ରଣ କରାଯାଇଥାଏ । ଯାହାକି ଠାକୁରଙ୍କ ନିକଟରେ ଭୋଗ ଲଗାଯିବାର ରହିଛି ପରମ୍ପରା । ଆଉ ତାପରେ ଏହି ପ୍ରସାଦ ସେବନ କରି ଲୋକେ ପାଳନ କରିଥାନ୍ତି ଉଗାଦି । ପରିବାର ଲୋକେ ନୂତନ ବସ୍ତ୍ର ପରିଧାନ କରି ପରସ୍ପରକୁ ଜୁହାର କରିଥାନ୍ତି । ସବୁଠୁ ବଡ କଥା ହେଲା ଏହି ଉଗାଦି’ରେ ଲୋକେ ନିଜ ସାମର୍ଥ୍ୟ ଅନୁସାରେ ସୁନା ଅଳଙ୍କାର, ଜମି ଓ ଗୋରୁ ଆଦି କ୍ରୟ କରିଥାନ୍ତି । ଚାଷୀ କୁଳ ବିହନକୁ ପୂଜା କରି ଅକ୍ଷି ମୁଠି ଅନୁକୁଳ କରନ୍ତି । ସେହିଭଳି ନୂଆ ବର୍ଷରେ ପ୍ରତି ଘରେ ଘରେ ପିଠା ପଣାର ଆସର ବେଶ ଜମିଥାଏ ।