୩୮ ବର୍ଷରେ ପାଦ ଥାପିଲେ ମହେନ୍ଦ୍ର ସିଂ ଧୋନି। ବୟସ ବଢିଥିଲେ ବି ପଡିଆରେ କମିନି ମାହିଙ୍କ ଚମକ। ୱିକେଟ ପଛରେ ଥାଇ ଦଳର ବିଜୟ ପାଇଁ କରୁଛନ୍ତି ରଣନୀତି

କନକ ବ୍ୟୁରୋ: ହାପି ବାର୍ଥ ଡେ ଧୋନୀ । ଆଜି ୩୮ ବର୍ଷରେ ପାଦ ଦେଇଛନ୍ତି ଟିମ୍ ଇଣ୍ଡିଆର ଏହି ମୋଷ୍ଟ ଭିଜନ କ୍ରିକେଟର । ଜନ୍ମଦିନ ଅବସରରେ ଟୁଇଟ୍ କରି ଧୋନୀଙ୍କୁ ଜନ୍ମଦିନର ବଧେଇ ଜଣାଇଛି ବିସିସିଆଇ । ଟୁଇଟର ପେଜରେ ବିସିସିଆଇ ଧୋନୀଙ୍କ ୪ଟି ଫଟୋକୁ ଗୋଟିଏ ପେଜରେ ସ୍ଥାନ ଦେଇଛି । ବିଶ୍ୱକପରେ ଶ୍ରୀଲଙ୍କା ବିପକ୍ଷରେ ଟିମଇଣ୍ଡିଆ ଦମଦାର ବିଜୟ ହାସଲ କରି ଧୋନୀଙ୍କୁ ଜନ୍ମଦିନର ଉପହାର ଦେଇଛି ।

4 World Cups 🏆🏆🏆🏆
4 Different Looks 😎😎
Which one do you like the most? Take a pick #HappyBirthdayDhoni 🎂🎂 #TeamIndia pic.twitter.com/74F7tCpfBw

— BCCI (@BCCI) July 6, 2019

କ୍ରିକେଟ୍ କ୍ୟାରିୟରରେ ଧୋନୀ ଭାରତ ପାଇଁ ୧୯୯ ମ୍ୟାଚରେ କପ୍ତାନୀ କରି ୧୧୦ ମ୍ୟାଚରେ ବିଜୟୀ ହୋଇ ସବୁଠାରୁ ସଫଳ ଅଧିନାୟକର ରେକର୍ଡ ନିଜ ନାଁରେ କରିଛନ୍ତି । ଆଇସିସିର ତିନିଟି ମେଗା ଟୁଣ୍ଣାମେଂଟରେ ଚାମ୍ପିଅନ୍ ହେବାର ବିରଳ ରେକର୍ଡ ବି ଅଛି ତାଙ୍କ ନାଁରେ ।

ଦଳରେ କ୍ୟାପଟେନ୍ ଥାଅନ୍ତୁ ବା ନଥାନ୍ତୁ ପଡିଆରେ ଥିଲେ କାଫି । ୱିକେଟ୍ ପଛରେ ଥାଇ କଠିନ ସ୍ଥିତିରେ ତାଙ୍କର ରଣନୀତି ଦଳକୁ ବିଜୟୀ କରାଇ ଦେଇଥାଏ । ଏବେ ବି ଧୋନୀ ଜଣେ ବିଶ୍ୱସ୍ତରୀୟ ମ୍ୟାଚ୍ ଫିନିସର । ଖାସ୍ ସେଇଥିପାଇଁ ବିଶ୍ୱକ୍ରିକେଟରେ ଧୋନୀଙ୍କ କ୍ରେଜ କିଛି ଅଲଗା ।