ଶିମିଳିପାଳ କାନ୍ଦ ଉପରେ ପଡ଼ିଲା କୁଆପଥର । ଲୋକେ କହିଲେ ଇଶ୍ୱର ଶୁଣିଲେ ପ୍ରାର୍ଥନା, ଓହ୍ଳାଇ ଆସିଲେ ସ୍ୱୟଂ ଇନ୍ଦ୍ର ଦେବତା ।
କନକ ବ୍ୟୁରୋ: ଶିମିଳିପାଳର ଚିତ୍କାର ଶୁଣି ଆଉ ସହିପାରେଲେନି ଭଗବାନ । ଶେଷରେ ଦୀର୍ଘ ୨ ସପ୍ତାହରୁ ଅଧିକ ଦିନ ଧରି ଜଙ୍ଗଲ ଉପରେ ପଡ଼ିଥିବା ଅଗ୍ନି ଦେବତାଙ୍କ କୋପକୁ ଶାନ୍ତ କରାଇବା ଆକାଶରୁ ସତେ ଯେମିତି ଓହ୍ଲାଇ ଆସିଲେ ସ୍ୱୟଂ ଇନ୍ଦ୍ର ଦେବ । ଆଉ ଶିମିଳିପାଳର ପିଠାବଟା ରେଞ୍ଜ ଅଞ୍ଚଳର ବିଭିନ୍ନ ସ୍ଥାନରେ କୁଆପଥର ବର୍ଷା ଜଙ୍ଗଲ ନିଆଁର ଛାତି ଉପରେ ଛେଚି ହୋଇଯାଇଛି । ଯେଉଁଥିପାଇଁ ଏବେ ନିଆଁ ପ୍ରଶମିତ ହେବାର ଆଶା ଆଉ ବିଶ୍ୱାସ ବଢ଼ିଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଜୟ ଜଗନ୍ନାଥ ,ଜୟ ଜଗନ୍ନାଥ ,ଜୟ ଜଗନ୍ନାଥ 🤗🙏😍😍#Similipal #SaveSimilipal #SimlipalFires #SimlipalForestFire #PrayForSimilipal pic.twitter.com/WW5SEu8Xx4
— Silver City Cuttack (@TeamSilverCity) March 10, 2021
ଯେଉଁ ନିଆଁକୁ ଆୟତ୍ତ ପାଇଁ ସୋସିଆଲ ମିଡ଼ିଆରେ କୋଟି କୋଟି ଲୋକ ଗୁହାରୀ କରୁଥିଲେ । କେବଳ ଓଡ଼ିଶା ନୁହେଁ ଦେଶ ବିଦେଶରୁ ସ୍ୱର ଉଠାଇଥିଲେ ଶେଷରେ ଇଶ୍ୱର ତାହାକୁ ଶୁଣିନେଇଛନ୍ତି । ଶିମିଳିପାଳର କାନ୍ଦ ଉପରେ କୁଆପଥର ବର୍ଷା ପଡ଼ିଛି ।
ମହାପ୍ରଭୁ ଜଗନ୍ନାଥ ଡାକ ଶୁଣିଲେ ଆଜି ଶିମିଳିପାଳ ରେ ବର୍ଷା ହୋଇଛି 🙏 ଜୟ ଜଗନ୍ନାଥ🙏 #SimilipalBurning #SaveSimilipal
— ଦୀପକ ମୁଦୁଲି 💐 Deepak Muduli (@DeepakMuduli5) March 10, 2021
ଏ ଖବର ପାଇବା ପରେ ସୋସିଆଲ ମିଡ଼ିଆରେ ଶହ ଶହ ୟୁଜର୍ସ ଭଗବାନଙ୍କୁ ହାତଯୋଡ଼ି ପ୍ରଣାମ କରିଛନ୍ତି ।
ତେବେ ଏତେବଡ଼ ଜଙ୍ଗଲ ଭିତରେ ନିଆଁକୁ ଆୟତ୍ତ କରିବା ପାଇଁ ଯେଉଁଠି ସରକାର ସବୁ ପ୍ରୟାସ ଚଳାଇଛନ୍ତି, ସତେ ଯେମିତି ଭଗବାନ ସ୍ୱୟଂ ଶିମିଳିପାଳ ନିଆଁକୁ ଶାନ୍ତ କରାଇବା ପାଇଁ ହାତ ବଢ଼ାଇଛନ୍ତି ।
ମୟୂରଭଞ୍ଜରେ ବର୍ଷା…ମଣିଷ ପାରିଲେନି, ଶେଷରେ ଓହ୍ଲେଇ ଆସିଲେ ଦେବ..ଆଶ୍ବସ୍ତି ଲାଭ କଲା ଶିମିଳିପାଳ #Similipal #fireforest #SaveSimilipal
— AsliRoj (@asli_roj) March 10, 2021
ମଣିଷ ଦ୍ୱାରା ଯାହା ସମ୍ଭବ ହୋଇପାରେନା ତାହା ଇଶ୍ୱରଙ୍କ ପ୍ରାର୍ଥନାରୁ ସମ୍ଭବ ବା ଚମତ୍କାର ଅନେକ ସମୟରେ ହୋଇଥାଏ ବୋଲି ଆମର ବିଶ୍ୱାସ ରହିଛି । ଠିକ୍ ସେହିଭଳି ଶିମିଳିପାଳରେ କୁଆପଥର ବର୍ଷା ଏମିତି ଚମତ୍କାର କରୁ ଆଉ ଅନେକ ଜୀବନଜନ୍ତୁଙ୍କ କୋହକୁ ବୁଝାଇ ଆଶ୍ୱସ୍ତି ଆଣୁ ବୋଲି ଭଗବାନଙ୍କ ନିକଟରେ ଆମେ ପ୍ରାର୍ଥନା କରିବା ।