ରାଜ୍ୟ ସରକାରଙ୍କ ବଡ ନିଷ୍ପତି: ଅଗଷ୍ଟ ୫ତାରିଖରୁ ରାଜ୍ୟରେ ଖୋଲିବ ଯୋଗ କେନ୍ଦ୍ର ଓ ଜିମ୍ ସେଂଟର; ହେଲେ ମାନିବାକୁ ହେବ ସର୍ତ୍ତ
କନକ ବ୍ୟୁରୋ: ଅଗଷ୍ଟ ୫ରୁ ଖୋଲିବ ଜିମ୍ । କରୋନା ମହାମାରୀ ଭିତରେ ରାଜ୍ୟ ସରକାରଙ୍କ ବଡ ନିଷ୍ପତି । ଅନଲକ ୩.୦ରେ ରୂପରେଖ ନେଇ ଆଜି ରାଜ୍ୟ ସରକାର କରିଛନ୍ତି ବଡ ଘୋଷଣା । ଆର୍ଥିକ ସ୍ଥିତିକୁ ଦୃଷ୍ଟିରେ ରଖି ରାଜ୍ୟରେ କୋଭିଡ କଟକଣାକୁ କୋହଳ କରିଛନ୍ତି ସରକାର । କେନ୍ଦ୍ର ସରକାରଙ୍କ ମାର୍ଗଦର୍ଶିକା ଅନୁସାରେ ରାଜ୍ୟରେ ମଧ୍ୟ କିଛି ମାତ୍ରାରେ କରୋନା କଟକଣା କୋହଳ କରିଛନ୍ତି ରାଜ୍ୟ ସରକାର । ଏନେଇ ଆଜି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଏସଆରସି ପ୍ରଦୀପ ଜେନା ।
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ କେନ୍ଦ୍ର ସରକାରଙ୍କ ଦ୍ୱାରା ଜାରି ହୋଇଥିବା ଅନଲକ ୩.୦ ଗାଇଡଲାଇନ ଭଳି ରାଜ୍ୟରେ ମଧ୍ୟ ଆସନ୍ତାକାଲିଠାରୁ କୋଭିଡ୍ କଟକଣାକୁ କୋହଳ କରାଯାଇଛି । ଏହି କ୍ରମରେ ଅଗଷ୍ଟ ୧ ତାରିଖରୁ ରାଜ୍ୟରେ ନାଇଟ କର୍ଫ୍ୟୁ ରାତି ୯ଟାରୁ ସକାଳ ୫ଟା ଯାଏଁ ଜାରି ରହିବା ସହ ଅଗଷ୍ଟ ୫ ତାରିଖରୁ ଜିମ୍ ଏବଂ ଯୋଗ ଅନୁଷ୍ଠାନ ଖୋଲିବାକୁ ନିଷ୍ପତି ନେଇଛନ୍ତି ରାଜ୍ୟ ସରକାର । ସେହିଭଳି ରାତ୍ରକାଳୀନ କର୍ଫ୍ୟୁ ସମୟରେ ଅତ୍ୟାବଶ୍ୟକ ସେବା ଚାଲୁ ରହିବ ।
ତେବେ କଂଟେନମେଂଟ ଜୋନରେ ଲକଡାଉନ ସଂପୂର୍ଣ୍ଣ ଭାବେ ଲାଗି ହେବ । କଂଟେନମେଂଟ ଜୋନରେ ଅବାଧ ଯାଆ ଆସ ଉପରେ କଟକଣା ଜାରି କରା ଯାଇଛି । ଅଗଷ୍ଟ ୩୧ ତାରିଖ ଯାଏଁ ରାଜ୍ୟରେ ସମସ୍ତ ଶିକ୍ଷାନୁଷ୍ଠାନ ବନ୍ଦ ରହିବ ହେଲେ ପରୀକ୍ଷା କରାଯାଇପାରିବ, ଖାତା ଦେଖା ହେବା ସହ ଅନ୍ୟାନ୍ୟ ଆଡମିନିଷ୍ଟ୍ରେଟିଭ କାମକାର୍ଯ୍ୟ କରିହେବ ବୋଲି ସୂଚାନ କହିଛନ୍ତି ଏସଆରସି ପ୍ରଦୀପ ଜେନା । ସେହିଭଳି ଅଗଷ୍ଟ ୧ରୁ ୩୧ ଅଗଷ୍ଟ ଯାଏଁ ଆନ୍ତଃଜାର୍ତୀୟ ବିମାନ ସେବା ବନ୍ଦ ରହିବ । ସିନେମା ହଲ, ସୁଇମିଂ ପୁଲ, ଥିଏଟର, ସାମାଜିକ ଓ ରାଜନୈତିକ କାର୍ଯ୍ୟ ଆଦି ବନ୍ଦ ରହିବା ନେଇ ନିର୍ଦ୍ଦେଶ ଦେଇଛନ୍ତି ରାଜ୍ୟ ସରକାର ।