ଜ୍ଞାନବାପି ମସଜିଦ ମାମଲା । ଫଟୋଗ୍ରାଫରଙ୍କ ବଡ ଖୁଲାସା ।
କନକ ବ୍ୟୁରୋ : ବାରଣାସୀରେ ଜ୍ଞାନବାପି ମସଜିଦର ସର୍ଭେ ରିପୋର୍ଟ କୋର୍ଟରେ ଦାଖଲ ହୋଇଛି । ଏହି ସମୟରେ ଉପସ୍ଥିତ ଥିବା ଫଟୋଗ୍ରାଫର ବିଭାଷ ଦୁବେ ବଡ ଖୁଲାସ କରିଛନ୍ତି । ସେ କହିଛନ୍ତି ଶିବଲିଙ୍ଗ ସେଠି ରହିଛି । ଏହା ସହ ଉପରେ କଇଁଛର ଚମଡା ଭଳି ଦାଗ ରହିଛି ।
Kanak News is now on WhatsApp
Join and get latest news updates delivered to you via WhatsApp
ସେ ଆହୁରି କହିଛନ୍ତି ସେଠାରେ ତାଙ୍କୁ ଯାହା କିଛି ଦେଖିବାକୁ ମିଳିଲା ତାହା କେବଳ ତାଙ୍କ ପାଇଁ ପ୍ରସଙ୍ଗ ଥିଲା । ଏହାର ଫଟୋ ସେମାନେ ଉଠାଇଛନ୍ତି । ସେଠାରେ ଉପସ୍ଥିତ ଥିବା କମିଶନର ଉଭୟ ପକ୍ଷଙ୍କୁ ଥର ଥର କରି ବିଭିନ୍ନ ପ୍ରଶ୍ନ ପଚାରିଥିଲେ । ହିନ୍ଦୁ ପକ୍ଷ ଏହାକୁ ଶିବଲିଙ୍ଗ କହିଥିବା ବେଳେ ମୁସଲମାନ ପକ୍ଷ ତାକୁ ଫୱାରା କହିଛନ୍ତି ।
ବିଭାଷ କହିଛନ୍ତି, ସେ ଶିବଲିଙ୍ଗ ହେଉ ଅବା ଫୱାରା ତାର ତଳ ପଟ ବ୍ୟାସ ବଡ ରହିଛି । ଏହା ଗୋଟିଏ କଳା ପଥର ସଦୃଶ । ଏହି ପଥରଟି କଇଁଛର ଚମଡା ଭଳି ଦେଖାଯାଉଛି । ଅଧିକ ଦିନ ପାଣିରେ ରହିବା ପରେ କିମ୍ବା ଏହି ପଥରର ଏହା ବିଶେଷତ୍ୱ ହୋଇଥାଏ ପାରେ ଯାହା ଚମଡା ଭଳି ଦେଖାଯାଉଛି । ଏହା କୌଣସି ହାତ ତିଆରି ପଥର ହୋଇନପାରେ । ଏହା ସେହିଭଳି ହିଁ ସେଠାରେ ରହିଛି ।
ସେହିଭଳି ସେଠାରେ ଥିବା କବାଟରେ ସନାତନ ଧର୍ମର ପ୍ରତୀକ ରହିଛି । ତ୍ରିଶୂଳ, ସ୍ୱସ୍ତିକ ମଧ୍ୟ ସେଠାରେ ରହିଛି । ଉଭୟ ବାହାର ଓ ଭିତରେ ଏହା ଦେଖାଯାଉଛି । ଇସଲାମ ସହ ଜଡିତ ସେହିଭଳି କୌଣସି ଚିହ୍ନ ସେଠାରେ ନାହିଁ । ତେବେ କିଛି ଲେଖାହୋଇଥାଇପାରେ ତାହା ବୁଝାପଡୁନାହିଁ ବୋଲି ବିଭାଷ କହିଛନ୍ତି ।
ସର୍ଭେ ବେଳେ ୩୨-୩୨ ଜିବି ସହ ୬୪ ଜିବିର ମୋମେରୀ କାର୍ଡର ବ୍ୟବହାର ହୋଇଛି । ପ୍ରତ୍ୟେକ ଦିନ ଏହାକୁ ଦେଖାଯାଉଥିଲା । ନୂଆ ମୋମୋରୀ କାର୍ଡର ବ୍ୟବହାର ହେଉଥିଲା । ଫଟୋଗ୍ରାଫି ପରେ ଏହାକୁ ଅଧିକାରୀଙ୍କ ପାଖରେ ଜମା କରାଯାଉଥିଲା ।