ମାଓ ମୁକାବିଲା ଚିନ୍ତା! ୧୨ଟି ଜିଲ୍ଲାରେ ହେବ ଜଏଂଟ ଅପରେସନ

କନକ ବ୍ୟୁରୋ : ମାଓ ମୁକାବିଲା ଚିନ୍ତା । ୧୨ଟି ଜିଲ୍ଲାରେ ଜଏଂଟ ଅପରେସନ କରାଯିବ । ରାସ୍ତା ନିର୍ମାଣ ଓ ଭିତ୍ତିଭୂମି ବିକାଶ ଉପରେ ରହିବ ଫୋକସ । ଏହାସହ ଜୁଲାଇ ଶେଷ ସୁଦ୍ଧା ସମ୍ପୂର୍ଣ୍ଣ ହେବ ଗୁରୁପ୍ରିୟା ସେତୁ ନିର୍ମାଣ କାମ । ସଚିବାଳୟରେ ବସିଥିବା ୟୁନିଫାଏଡ କମାଣ୍ଡର ବୈଠକ ଶେଷ ହେବା ପରେ ଏନେଇ ସୂଚନା ଦେଇଛନ୍ତି ଡିଜିପି ଓ ମୁଖ୍ୟ ଶାସନ ସଚିବ ।

ଏହାସହ ମାଓ ପ୍ରବଣ ଅଂଚଳରେ ପ୍ରଶାସନିକ କଳ ତ୍ୱରାନ୍ୱିତ ହେବ । ଏବଂ ମାଓ ଉପଦ୍ରୁତ ଅଂଚଳରେ ଅଧିକ ଫୋର୍ସ ମୁତୟନ କରାଯିବ । ଏହି ବୈଠକରେ ଗୃହ ଓ ଅର୍ଥ ସଚିବଙ୍କ ସମେତ ସିଆରପିଏଫ ଓ ବିଏସଏଫ ଆଇଜି ମଧ୍ୟ ଉପସ୍ଥିତ ଥିଲେ ।