କନକ ବ୍ୟୁରୋ : ଦେଶର ପ୍ରମୁଖ ଜୋତା ନିର୍ମାତା କମ୍ପାନୀ ‘ବାଟା’ ବ୍ରିଟାନିଆ ଇଣ୍ଡଷ୍ଟ୍ରିଜର ପୂର୍ବତନ ମୁଖ୍ୟ ବ୍ୟବସାୟିକ ଅଧିକାରୀ ଗୁଞ୍ଜନ ଶାହାଙ୍କୁ ମୁଖ୍ୟ କାର୍ଯ୍ୟକାରୀ ଅଧିକାରୀ ଭାବେ ନିଯୁକ୍ତି ଦେଇଛି । ବାଟାର ପୂର୍ବତନ ବ୍ୟବସାୟିକ ମୁଖ୍ୟ ଥିବା ସନ୍ଦୀପ କଟାରିୟାଙ୍କ ସ୍ଥାନରେ ନିଯୁକ୍ତ ହୋଇଛନ୍ତି । କଟାରିୟା ପୂର୍ବବର୍ଷ ନଭେମ୍ବର ମାସରେ ପଦୋନ୍ନତି ପାଇ ବାଟା ବ୍ରାଣ୍ଡସ୍ ର ବ୍ୟବସାୟିକ ମୁଖ୍ୟ ଭାବେ ନିଯୁକ୍ତି ଦିଆଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ବାଟା ଇଣ୍ଡିଆ ପକ୍ଷରୁ ଶୁକ୍ରବାର ଦିନ କୁହାଯାଇଛି କି, ଶାହା ଜୁନ ମାସରେ ତାଙ୍କ କାମ ଆରମ୍ଭ କରିବେ । ଅନ୍ୟପଟେ ସନ୍ଦୀପ କଟାରିୟା କହିଛନ୍ତି କି ବାଟା ବିଶ୍ୱ ବଜାରରେ ଜୋତା ନିର୍ମାତା କମ୍ପାନୀ ଭାବେ ବେସ୍ ପରିଚିତ । ଗୁଞ୍ଜନ ଶାହାଙ୍କ ଭଳି ଅନୁଭବ ଥିବା ଲୋକ ନିଶ୍ଚିତ ଭାବେ ବାଟା ବ୍ରାଣ୍ଡକୁ ଉଚ୍ଚସ୍ତରରେ ପହଂଚାଇ ପାରିବେ ବୋଲି ସେ ଆସ୍ଥା ପ୍ରକଟ କରିଛନ୍ତି ।
କହିରଖୁ କି ବାଟା ଇଣ୍ଡିଆ ପ୍ରତିବର୍ଷ ୪୭ ମିଲିୟନ ହଳ ଜୋତା ବିକ୍ରି କରୁଛି । ବାଟା ହେଉଛି ଦେଶର ସବୁଠାରୁ ବଡ ଜୋତା ରିଟେଲର କମ୍ପାନୀ । କମ୍ପାନୀ ବାଟା , ହସ ପପୀଜ, ନେଚୁରାଲାଇଜର, ପାୱର, ମେରୀ କ୍ଲେୟର, ବେନବ୍ରେନର, ନର୍ଥଷ୍ଟାର ଭଳି ବ୍ରାଣ୍ଡ ବିକ୍ରି କରିଥାଏ । ସାରା ଦେଶରେ ବାଟାର ୧୬ ଶହରୁ ଅଧିକ ରିଟେଲ ଷ୍ଟୋର ରହିଛି । ବାଟା ବାସ୍ତବରେ ସ୍ୱିଜରଲାଣ୍ଡର ବ୍ରାଣ୍ଡ, କିନ୍ତୁ ପୁରା ବିଶ୍ୱର ୭୦ ଟି ଦେଶରେ କାରବାର କରୁଛି ।