ଫିଲ୍ମ ‘ସୂର୍ଯ୍ୟବଂଶୀ’ ରେ ଅଭିନୟ କରିବେ କି ଧୋନୀ ! ଗୁଲସନ ଗ୍ରୋଭରଙ୍କ ସହ ଫଟୋ ପରେ ପ୍ରଶଂସକଙ୍କ ଆକଳନ
କନକ ବ୍ୟୁରୋ : ସାରା ଦୁନିଆରେ ଜଣେ କ୍ରିକେଟ ଖେଳାଳୀ ଭାବେ ବେସ୍ ନାମ କମାଇଛନ୍ତି ଭାରତୀୟ ଟିମ୍ ର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ । ଦୁନିଆରେ ତାଙ୍କର ଅନେକ ପ୍ରଶଂସକ ବି ରହିଛନ୍ତି । ଏହାରି ଭିତରେ ଧୋନୀ ବଲିଉଡ ଚଳଚିତ୍ରରେ ଅଭିନୟ କରିବା ନେଇ ସୂଚନା ମିଳିଛି । ଏନେଇ ବଲିଉଡର ପ୍ରସିଦ୍ଧ ଖଳନାୟକ ଗୁଲସନ ଗ୍ରୋଭର ଏକ ଫଟୋ ସେୟାର କରିଛନ୍ତି ଯେଉଁ ଫଟୋ ଭାଇରାଲ ହେବା ପରେ ଅନୁମାନ କରାଯାଇଛି କି ଧୋନୀ ଚଳଚିତ୍ରରେ ଅଭିନୟ କରିବାକୁ ଯାଉଛନ୍ତି । ଗୁଲସନ ଗ୍ରୋଭର ତାଙ୍କ ଟ୍ୱିଟର ହ୍ୟାଣ୍ଡେଲରେ ଧୋନୀଙ୍କ ସହ ଏକ ଫଟୋ ସେୟାର କରି ଏମିତି କିଛି ଲେଖିଛନ୍ତି କି ଯେଉଁଥିରୁ ଅନୁମାନ କରାଯାଉଛି ଧୋନୀ ବଡ ପରଦାରେ ଅଭିନୟ କରିପାରନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗୁଲସନ ଗ୍ରୋଭରଙ୍କ ଏହି ଟ୍ୱିଟ ପରେ ପ୍ରଶଂସକମାନେ ଅନୁମାନ କରିବାରେ ଲାଗିଛନ୍ତି କି ସୂର୍ଯ୍ୟବଂଶୀ ସିନେମାରେ ଅକ୍ଷୟ କୁମାର ଓ କ୍ରାଟିନା କେଫଙ୍କ ସହ ଅଭିନୟ କରିପାରନ୍ତି ଧୋନୀ । ସେପଟେ ଗୁଲସନ ଗ୍ରୋଭର ସେୟାର କରିଥିବା ଫଟୋଟି ସୂର୍ଯ୍ୟବଂଶୀ ସିନେମା ସେଟର ବୋଲି କୁହାଯାଉଛି ।
On the sets of #Sooryavanshi with brother @msdhoni . What? Is MS Dhoni acting in the film or happened to filming in the same studio? @akshaykumar pic.twitter.com/BjMkadiZFF
— Gulshan Grover (@GulshanGroverGG) November 2, 2021
କହିରଖୁ କି ଧୋନୀ ବର୍ତ୍ତମାନ ୟୁଏଇରେ ଚାଲୁଥିବା ଟି-୨୦ ବିଶ୍ୱକପରେ ଭାରତୀୟ ଟିମର ମେଣ୍ଟର ଅଛନ୍ତି । ହେଲେ ଏପର୍ଯ୍ୟନ୍ତ ଟି-୨୦ ବିଶ୍ୱକପରେ ଭାରତୀୟ ଟିମର ପ୍ରଦର୍ଶନ ବିଶେଷ ଭଲ ନାହିଁ । ପ୍ରଥମ ଦୁଇଟି ମ୍ୟାଚରେ ପରାଜୟ ପରେ ଟିମକୁ ବେସ୍ ସମାଲୋଚନାର ଶିକାର ହେବାକୁ ପଡିଛି ।