ଓଡିଆ ପୁଅ ଘର ଆଗରେ ଗୁଜରାଟି ପ୍ରେମିକା : ସୁରଟରେ ବିବାହର ପ୍ରତିଶ୍ରୁତି ଦେଇ ୫ ବର୍ଷ ସମ୍ପର୍କ ରଖିବା ପରେ ଠକି ଦେଇଥିବା ଅଭିଯୋଗ
କନକ ବ୍ୟୁରୋ : ଓଡିଆ ପୁଅଙ୍କ ଘରେ ଗୁଜରାଟି ପ୍ରେମିକା । ଗଞ୍ଜାମ ଜିଲ୍ଲା ବଡଆଗୁଳ ଗାଁରୁ ଆସିଛି ଏଭଳି ଏକ ସମ୍ବେଦନଶୀଳ ଚିତ୍ର । ନିଜକୁ ପ୍ରେମିକା ବୋଲି ଦାବି କରି ଓଡିଆ ଯୁବକ ଅରେନ୍ଦ୍ର କରଣଙ୍କ ଘରକୁ ଗୁଜରାଟ ସୁରଟରୁ ଚାଲିଆସିଛନ୍ତି ଜଣେ ଯୁବତୀ । ତାଙ୍କ କହିବା କଥା ହେଲା, ସୁରଟରେ ରହିବା ସମୟରେ ପ୍ରାୟ ୫ ବର୍ଷ ଧରି ଏହି ଯୁବତୀଙ୍କ ସହ ସମ୍ପର୍କ ରଖିଥିଲେ ଅରେନ୍ଦ୍ର । ବିବାହର ପ୍ରତିଶ୍ରୁତି ଦେଇ ଶାରୀରିକ ସମ୍ପର୍କ ରଖିଥିବା ମଧ୍ୟ ଯୁବତୀ ଜଣକ ଅଭିଯୋଗ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ହେଲେ ତାଙ୍କୁ ସେଠାରେ ଛାଡିଦେଇ ଆସି ଗାଁରେ ଅନ୍ୟତ୍ର ବିବାହ କରିବାକୁ ଯୋଜନା ଚଳାଇଥିବାବେଳେ ଖବର ପାଇ ଆସି ପହଂଚିଛନ୍ତି ଯୁବତୀ ଜଣକ । ତାଙ୍କ ଅଭିଯୋଗ ପରେ କବିସୂର୍ଯ୍ୟ ନଗର ଥାନା ପୋଲିସ ଏକ ମାମଲା ରୁଜୁ କରି ଯୁବତୀଙ୍କୁ କୋର୍ଚରେ ହାଜର କରିବା ସହିତ ବ୍ରହ୍ମପୁର ସ୍ଥିତ ମହିଳା ସୁଧାର ଗୃହରେ ରଖିଛି । ତେବେ ଅଭିଯୁକ୍ତ ପ୍ରେମିକକୁ ଏଯାଏଁ ଗିରଫ କରିପାରିନାହିଁ ପୋଲିସ । ଅନ୍ୟପକ୍ଷରେ ଯୁବତୀ କହିଛନ୍ତି ପୋଲିସ ତାଙ୍କୁ ଗିରଫ କରି ରେଜିଷ୍ଟ୍ରିମ୍ୟାରେଜ ପାଇଁ ବ୍ୟବସ୍ଥା ନ କଲେ ସେ ପ୍ରେମିକଙ୍କ ଘର ଆଗରେ ଆତ୍ମାହୂତି ଦେବେ ।