ପେସାରେ ସୁରକ୍ଷାକର୍ମୀ କିନ୍ତୁ କାମ ଏମିତି ଯେକେହିବି କରୁଛନ୍ତି ସଲାମ୍ ! ମୁଠାଏ ମାଟି ପାଇଁ ୨୦ ବର୍ଷ ଧରି ସହିଦଙ୍କ ଘରକୁ ଲେଖୁଛନ୍ତି ଚିଠି ।
ନିଜ ସ୍ୱାର୍ଥ ପାଇଁ ତ ସଭିଏଁ କାମ କରନ୍ତି କିନ୍ତୁ କିଛି ଲୋକ ଏଭଳି ଥାଆନ୍ତି ଯେଉଁମାନେ ବିନା କୌଣସି ସ୍ୱାର୍ଥରେ ପରର ହିତ ପାଇଁ କାମ କରନ୍ତି । ଏହି ଭଳି ଲୋକ ସମାଜ ଏବଂ ଦେଶ ପାଇଁ ଏକ ମିଶାଲ୍ ପାଲଟିଯାଆନ୍ତି । ଆଜି ଆମେ ଏହିଭଳି ଜଣେ ମଣିଷଙ୍କ ବିଷୟରେ କହିବାକୁ ଯାଉଛୁ ଯେ ଅନ୍ୟ ମୁଖରେ ହସ ଫୁଟାଇବା ପାଇଁ ୨୦ ବର୍ଷ ହେଲା ଚେଷ୍ଟା କରି ଆସିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗୁଜୁରାଟର ସୁରତରେ ସିକ୍ୟୁରିଟି ଗାର୍ଡ ପେସାରେ ଥିବା ଜିତେନ୍ଦ୍ର ସିଂହ ଗତ ୨୦ ବର୍ଷ ଧରି ସୀମାରେ ସହିଦ୍ ହୋଇଥିବା ଯବାନଙ୍କ ଘରକୁ ଚିଠି ପଠାଉଛନ୍ତି । ତାଙ୍କ କହିବାନୁସାରେ ସୀମାରେ ଦିନରାତି,ଖରାକାକରରେ ଠିଆ ହୋଇ ଦେଶବାସୀଙ୍କୁ ଶତ୍ରୁ କବଳରୁ ରକ୍ଷା କରୁଥିବା ସୈନିକଙ୍କ ପରିବାର ମଧ୍ୟ ନିଜ ଯବାନ ପୁଅର ଘର ଲେଉଟାଣିକୁ ଚାହିଁ ରହିଥାନ୍ତି । କିନ୍ତୁ ଅବେଳରେ ବୀରପୁଅର ସୀମାରେ ହିଁ ସହିଦ୍ ହୋଇଯିବା ଘଟଣା ତାଙ୍କ ପାଇଁ ସହ୍ୟ କରିବା ଅତି କଷ୍ଟକର ହୋଇପଡେ । ଏଭଳି ସମୟରେ ସେ ଏହି ପରିବାରକୁ ଚିଠି ପଠାଇ ପୁଅର ଅନୁପସ୍ଥିତିକୁ ଜାହିର ହେବାକୁ ଦିଅନ୍ତି ନାହିଁ । ସେ ବହୁତ ଖୁସି ହୁଅନ୍ତି ଯେତେବେଳେ ତାଙ୍କୁ ଲୋକେ ମନେପକାନ୍ତି । ଜିତେନ୍ଦ୍ର ଆଗକୁ ଯାଇ ସହିଦଙ୍କ ସମ୍ମାନରେ ଏକ ସହିଦ୍ ସ୍ମାରକ ପ୍ରସ୍ତୁତ କରିବାକୁ ଚେଷ୍ଟା କରୁଛନ୍ତି । ସେ ଯେତେବେଳେ ଏଭଳି ପରିବାର ସହ ସାକ୍ଷାତ କରିବାକୁ ଯାଆନ୍ତି ସହିଦଙ୍କ ଘରୁ ମାଟି ନେଇ ଆସନ୍ତି । ଏହି ମାଟିକୁ ସେ ଖୁବ୍ ସମ୍ଭାଳି ରଖିଥାନ୍ତି ଏବଂ ଏହି ମାଟିରେ ହିଁ ‘ସହିଦ୍ ସ୍ମାରକ’ ପ୍ରସ୍ତୁତ କରିବାକୁ ଚାହାଁନ୍ତି ।
ଜିତେନ୍ଦ୍ରଙ୍କ କୁହନ୍ତି , କାରଗିଲ୍ ଯୁଦ୍ଧ ସମୟରେ ସବୁ ଯବାନ୍ ନିଜ ଘରକୁ ଚିଠି ଲେଖିଥିଲେ ଏହି କିନ୍ତୁ ଚିଠି ପହଞ୍ôଚବା ପୂର୍ବରୁ ଏହି ଯବାନ ସହିଦ୍ ହୋଇଯାଇଥିଲେ । ସେ ସେବେଠାରୁ ଏହି ଚିଠି ଲେଖିବା ପାଇଁ ମନସ୍ଥ କରିଥିଲେ । ଏହପରେ ସେ ଚିଠି ପଠାଇଥିବା ପରିବାରକୁ ସାକ୍ଷାତ କରିବାକୁ ମଧ୍ୟ ଯାଇଥିଲେ । ଗୋଟିଏ ପରିବାରରେ ଯବାନଙ୍କ ପିତାଙ୍କ କହିଥିଲେ ଯେ ପୁଅକୁ ହରାଇ ମୁଁ ଧରାଶାୟୀ ହୋଇପଡିଥିଲି କିନ୍ତୁ ଏହି ଚିଠି ଆସିବା ପରେ ପୁଅ ଆମ ପାଖରେ ହିଁ ଥିବାର ଅନୁଭବ କରୁଛି ।