ଆସନ୍ତାକାଲି ବ୍ରୋଂଜ ପାଇଁ ଖେଳିବ ଭାରତୀୟ ମହିଳା ହକି ଦଳ : ମ୍ୟାଚ୍ ଜିତିଲେ ଖେଳାଳିଙ୍କୁ ମିଳିବ ପୁରସ୍କାର; ହୀରା ବ୍ୟବସାୟୀ ସାବଜୀ ଢୋଲକିଆଙ୍କ ଘୋଷଣା

କନକ ବ୍ୟୁରୋ : ଆସନ୍ତାକାଲି ବ୍ରୋଂଜ ପାଇଁ ଖେଳିବ ଭାରତୀୟ ମହିଳା ହକି ଦଳ । କାଲିର ମ୍ୟାଚ୍ ଜିତିଲେ ଖେଳାଳିଙ୍କୁ ମିଳିବ ପୁରସ୍କାର । ଗୁଜରାଟର ହୀରା ବ୍ୟବସାୟୀ ସାବଜୀ ଢୋଲକିଆ ଭାରତୀୟ ମହିଳା ହକି ଟିମ୍ ପାଇଁ ପୁରସ୍କାର ଘୋଷଣା କରିଛନ୍ତି । ଯେଉଁ ଖେଳାଳିଙ୍କ ଘର ନାହିଁ, ସେମାନଙ୍କ ସ୍ୱପ୍ନର ଘର ନିର୍ମାଣ ପାଇଁ ୧୧ ଲକ୍ଷ ଟଙ୍କା ଦେବେ ବୋଲି ପ୍ରତିଶ୍ରୁତି ଦେଇଛନ୍ତି ।

मुझे यह घोषणा करते हुए बहुत खुशी हो रही है कि यदि वे फ़ाइनल मुक़ाबला जीतती हैं तो हरि कृष्णा ग्रुप उन महिला हॉकी खिलाड़ियों को 11 लाख रुपए का घर या एक नई कार प्रदान करेगा, जिन्हें वित्तीय सहायता की सख्त जरूरत है। हमारी लड़कियां #TokyoOlympics में हर कदम के साथ इतिहास रच रही हैं। pic.twitter.com/8hegBzoYuf

— Savji Dholakia (@SavjiDholakia) August 3, 2021

ଏହା ସହ ଘର ଥିବା ଖେଳାଳିଙ୍କୁ ୫ ଲକ୍ଷ ଟଙ୍କାର କାର ପ୍ରଦାନ କରିବେ । ଏନେଇ ହୀରା ବ୍ୟବସାୟୀ ସାବଜୀ ଢୋଲକିଆ ଟ୍ୱିଟ୍ କରି କହିଛନ୍ତି । ମହିଳା ହକି ଖେଳାଳିମାନେ ଇତିହାସ ସୃଷ୍ଟି କରିଛନ୍ତି ବୋଲି କହିଛନ୍ତି ସାବଜୀ ଢୋଲକିଆ । ଢୋଲକିଆ ନିଜ କର୍ମଚାରୀଙ୍କୁ ଉପହାର ଦେବା ନେଇ ବେଶ ଜଣାଶୁଣା ।