କାହିଁକି ହାତ ଛାଡିଲେ ହାର୍ଦ୍ଦିକ? ଗୁଜରାଟ ବିଧାନସଭା ନିର୍ବାଚନ ପୂର୍ବରୁ ଦଳ ଛାଡିବାର କାରଣ ପଢନ୍ତୁ ...

କନକ ବ୍ୟୁରୋ: ଗୁଜରାଟରେ କଂଗ୍ରେସକୁ ଝଟକା ଦେଇଛନ୍ତି ହାର୍ଦ୍ଦିକ ପଟେଲ । ସେ ଦଳରୁ ଇସ୍ତଫା ଦେବା ପଛରେ ଅନେକ କାରଣ ରହିଛି । ତେବେ ନିର୍ବାଚନ ପୂର୍ବରୁ ତାଙ୍କ ଦଳ ଛାଡିବା କଂଗ୍ରେସ ପାଇଁ ବଡ ଝଟକା । ଅନେକ ସମୟ ଧରି ସେ ନିଜର ଅସନ୍ତୋଷ ଜାହିର କରିଆସୁଥିଲେ । କଂଗ୍ରେସର ଉଦୟପୁର ଚିନ୍ତନ ଶିବିରରେ ସେ ସାମିଲ ହୋଇନଥିଲେ । ଏନେଇ ଯେତେବେଳେ ତାଙ୍କୁ ପଚରା ଯାଇଥିଲା ସେ କହିଥିଲେ ତାଙ୍କୁ କାର୍ଯ୍ୟକ୍ରମ ପାଇଁ ଡକାଯାଇନାହିଁ । ତେବେ ଦଳ ଛାଡିବା ପଛରେ ଏହି ସବୁକାରଣ ଥିବା କୁହାଯାଉଛି ।

आज मैं हिम्मत करके कांग्रेस पार्टी के पद और पार्टी की प्राथमिक सदस्यता से इस्तीफा देता हूँ। मुझे विश्वास है कि मेरे इस निर्णय का स्वागत मेरा हर साथी और गुजरात की जनता करेगी। मैं मानता हूं कि मेरे इस कदम के बाद मैं भविष्य में गुजरात के लिए सच में सकारात्मक रूप से कार्य कर पाऊँगा। pic.twitter.com/MG32gjrMiY

— Hardik Patel (@HardikPatel_) May 18, 2022

କଂଗ୍ରେସରେ ହାର୍ଦ୍ଦିକଙ୍କୁ ଅଣଦେଖା!
ହାର୍ଦ୍ଦିକ ପଟେଲଙ୍କୁ ରାହୁଲ ଗାନ୍ଧୀ କଂଗ୍ରେସକୁ ଆଣିଥିଲେ । ୨୦୧୯ରେ ସେ ଦଳରେ ସାମିଲ ହୋଇଥିଲେ । ମାତ୍ର ଗୋଟିଏ ବର୍ଷରେ ତାଙ୍କୁ କଂଗ୍ରେସର କାର୍ଯ୍ୟକାରୀ ସଭାପତି ଘୋଷଣା କରାଯାଇଥିଲା । ତେବେ ଦଳରେ ଥିବା ପୁରୁଣା ନେତା ତାଙ୍କୁ ଦଳରେ ଗ୍ରହଣ କରିପାରୁନଥିଲେ । ଅନେକ ସମୟ ବିତିଥିଲେ ବି ତାଙ୍କୁ ପ୍ରଦେଶ ଅଧ୍ୟକ୍ଷ କରାଯାଇନଥିଲା । ବାରମ୍ବାର ସେ ଦଳରେ ଅବହେଳାର କଥା ଉଠାଇଆସୁଥିଲେ । ତାଙ୍କର ମୁଖ୍ୟ ଅଭିଯୋଗଥିଲା ଯେ ଦଳରେ ୩ ବର୍ଷ ରହିବା ପରେ ମଧ୍ୟ ନିଷ୍ପତ୍ତି ନେବା ପ୍ରକ୍ରିୟାରେ ତାଙ୍କୁ ସାମିଲ କରାଯାଉନଥିଲା । ମାର୍ତ୍ତମାସରେ ରାଜ୍ୟରେ ୭୫ ମହାସଚିବ, ୨୫ ଉପାଧ୍ୟକ୍ଷ ନିଯୁକ୍ତି ହୋଇଥିଲେ ବି ତାଙ୍କ ସହିତ ଆଲୋଚନା କରାଯାଇନଥିଲା । ଗତ ବର୍ଷ ସ୍ଥାନୀୟ ନିର୍ବାଚନ ବେଳେ ଟିକେଟ ପ୍ରଦାନକୁ ନେଇ ଅଣଦେଖାର ବି ସେ ଅଭିଯୋଗ କରିଥିଲେ ।
ନରେଶ ପଟେଲଙ୍କ ପ୍ରତି ଦଳର ଅନୁକମ୍ପା ପସନ୍ଦ ନଥିଲା
ହାର୍ଦ୍ଦିକ କଂଗ୍ରେସ ଦଳରେ ପଟେଲ ସମୁଦାୟର ସବୁଠାରୁ ବଡ ଚେହେରା ଥିଲେ । ତେବେ ପଟେଲ ସମ୍ପ୍ରଦାୟର ସବୁଠାରୁ ବଡ ବ୍ୟକ୍ତିତ୍ୱ ନରେଶ ପଟେଲଙ୍କୁ ଦଳରେ ସାମିଲ କରାଯିବା ନେଇ ଖୁସି ନଥିଲେ । ଗୁଜରାଟରେ ପଟିଦାର ସମୁଦାୟ ନିର୍ବାଚନରେ ବଡ ଭୂମିକା ନେଇଥାନ୍ତି । କଂଗ୍ରେସରେ ସବୁଠାରୁ ବଡ ପଟିଦାର ଚେହେରା ଭାବେ ହାର୍ଦ୍ଦିକ ଥିଲେ ତେବେ ନରେଶ ପଟେଲଙ୍କୁ ଦଳରେ ସାମିଲ କରିବା ପାଇଁ ପ୍ରକ୍ରିୟାରେ ଜୋରଦାର ଚାଲିଥିଲା । ସେ ଏହାକୁ ବିରୋଧ କରିଆସୁଥିଲେ । ତେବେ ଏନେଇ ଦଳର ଅନ୍ୟନେତା ମାନେ ସହମତି ପ୍ରକାଶ କରିଥିବାରୁ ସେ ଅସନ୍ତୁଷ୍ଟ ଥିଲେ ।
କଂଗ୍ରେସରେ ସାମିଲ ହେବେ ନରେଶ ପଟେଲ!
ନରେଶ ଲେଉୱା ପଟେଲ ସମ୍ପ୍ରଦାୟର ଥିବା ବେଳେ ହାର୍ଦ୍ଦିକ କଡବା ପଟେଲ ସମ୍ପ୍ରଦାୟର । ପେସାରେ ନରେଶ ଜଣେ ବ୍ୟବସାୟୀ । ଲେଉୱା ପଟେଲଙ୍କ ଭୋଟରସଂଖ୍ୟା ଅଧିକ ରହିଛି । ନରେଶଙ୍କ ସମ୍ପ୍ରଦାୟରେ ଅନେକ ଖାତିର ରହିଛି । କେବଳ ଏତିକି ନୁହେଁ ଖୋଡଳ ଧାମ ଟଷ୍ଟ୍ର ଅଧ୍ୟକ୍ଷ ଅଛନ୍ତି ନରେଶ । ନରେଶ ଅନେକ ସାମିଜିକ କାମରେ ସାମିଲ ହେଉଥିବାରୁ ଅନେକ ସମୟରେ ଚର୍ଚ୍ଚାରେ ରହିଆସୁଛନ୍ତି । ହାର୍ଦ୍ଦିକଙ୍କୁ ଲାଗୁଥିଲା ନରେଶଙ୍କର ଦଳରେ ଏଣ୍ଟ୍ରି ପରେ ତାଙ୍କର ଦଳରେ କ୍ଷମତା ହ୍ରାସ ପାଇବ । ନରେଶ ପକ୍ଷରେ ରାଜନୈତିକ ରଣକାର ପ୍ରଶାନ୍ତ କିଶୋର ମଧ୍ୟ ଓକିଲାତି କରୁଥିବାରୁ ତାଙ୍କର ଦଳରେ ସାମିଲ ହେବା ନିଶ୍ଚିତ ହୋଇସାରିଛି । ଅନପୌଚାରିକ ଭାବେ ରାହୁଲ ଗାନ୍ଧୀ ଦଳରେ ତାଙ୍କର ସାମିଲ ହେବାକୁ ସବୁଜ ପତାକା ଦେଖାଇ ସାରିଛନ୍ତି । ତେଣୁ ହାର୍ଦ୍ଦିକ ଏଥିରେ ଖୁସି ନଥିଲେ ଯେଉଁଥି ପାଇଁ ସେ ଦଳ ଛାଡିଛନ୍ତି ।
‘ବିଭିନ୍ନ କେସରେ ବିଜେପି ସହଯୋଗ କରିଥିଲା, କଂଗ୍ରେସ ନୁହେଁ’
ହାର୍ଦ୍ଦିକ ନିଜ ବିରୋଧରେ ହୋଇଥିବା ଅନେକ କେସରେ ଦଳର ସହଯୋଗ ମିଳିନଥିବା କହିଛନ୍ତି । ତାଙ୍କ ବିରୋଧରେ ୨୮ଟି ମାମଲା ରୁଜୁ ହୋଇଛି । ଏଥିରେ ୨ଟି ଦେଶଦ୍ରୋହର ମାମଲା ରହିଛି । ଫେବ୍ରୁଆରୀରେ ହାର୍ଦ୍ଦିକ ଘୋଷଣା କରିଥିଲେ ୨୦୧୫ରେ ସଂରକ୍ଷଣକୁ ନେଇ ହୋଇଥିବା ମାମଲାରେ ଯଦି କେସ ଫେରାଇ ନିଆଯିବ ନାହିଁ ତେବେ ମାର୍ଚ୍ଚ ୨୩ରୁ ସେ ଆନ୍ଦୋଳନ କରିବେ । ଏହା ପରେ ଗୁଜରାଟ ସରକାର ପଟିଦାରଙ୍କ ବିଭିନ୍ନ ମାମଲା ଫେରାଇ ନେବାର ପ୍ରକ୍ରିୟା ଆରମ୍ଭ କରିଦେଇଥିଲେ । ତେବେ କଂଗ୍ରେସ କିନ୍ତୁ କୌଣସି ପ୍ରକାରର ସହାୟତା କରିନଥିଲା । ସେପଟେ ରାଜ୍ୟ ସରକାରଙ୍କ କୋର୍ଟରେ ରଖାଯାଇଥିବା ତଥ୍ୟ ଯୋଗୁ ଅହମ୍ମଦାବାଦ ସେସନ କୋର୍ଟ ହାର୍ଦ୍ଦିକଙ୍କ ବିରୋଧରେ ସମସ୍ତ ମାମଲା ଫେରାଇ ନେବାକୁ ନିର୍ଦ୍ଦେଶ ଦେଇଥିଲେ ।
ଉଦୟପୁର ଚିନ୍ତନ ଶିବିରରେ ଡକାଯାଇନଥିଲା
କଂଗ୍ରେସ ନିକଟରେ ଉଦୟପୁରରେ ଚିନ୍ତନ ଶିବିରର ଆୟୋଜନ କରିଥିଲା । ଏଥିରେ ପ୍ରାୟ ୪ ଶହ ନେତା କର୍ମୀ ସାମିଲ ହୋଇଥିଲେ । ଦେବେ ହାର୍ଦ୍ଦିକ କିନ୍ତୁ ଆସିନଥିଲେ । କଂଗ୍ରେସ ଦଳ ପକ୍ଷରୁ ତାଙ୍କୁ ଡକାଯାଇନଥିଲା । କାରଣ ସେ ଆମନ୍ତ୍ରିତ ନେତାଙ୍କ କ୍ୟାଟେଗୋରୀରେ ନଥିଲେ । ହାର୍ଦ୍ଦିକ ପଟେଲଙ୍କୁ କହ୍ନେୟା କୁମାରଙ୍କ ଭଳି କମିଟିର ସଦସ୍ୟ ଭାବେ ଚିନ୍ତନ ଶିବିରରେ ସାମିଲ କରାଯାଇଥିଲା । ତେବେ ହାର୍ଦ୍ଦିକଙ୍କ ନିକଟତମ ଲୋକ କହିଛନ୍ତି ତାଙ୍କୁ ନିମନ୍ତ୍ରଣ ମିଳିଥିଲା କିନ୍ତୁ, ସେ ନିଜ ଆଡୁ ଯିବା ପାଇଁ ମନା କରିଥିଲେ ।
ହାର୍ଦ୍ଦିକଙ୍କ ପରବର୍ତ୍ତୀ ପଦକ୍ଷେପ କଣ ହେବ?
ବର୍ତ୍ତମାନର ସବୁଠାରୁ ବଡ ପ୍ରଶ୍ନ ହାର୍ଦ୍ଦିକଙ୍କ ପରବର୍ତ୍ତୀ ପଦକ୍ଷେପ କଣ ? ଆଶାକରାଯାଉଛି ଯେ ସେ ବିଜେପିରେ ସାମିଲ ହୋଇପାରନ୍ତି । ଗତ କିଛି ଦିନ ଥରି ବିଜେପିର ନୀତି ଆଡକୁ ସେ ଢଳୁଛନ୍ତି । ମୋଦି ସରକାର ଏବଂ ବିଜେପିର ବିଭିନ୍ନ କାମକୁ ପ୍ରଶଂସା କରିଛନ୍ତି । ଅଯୋଦ୍ଧ୍ୟାରେ ରାମ ମନ୍ଦିର, ଧାରା ୩୭୦ ଉଚ୍ଛେଦ , ଜିଏସଟି ପ୍ରସଙ୍ଗରେ ସେ ସରକାରଙ୍କର ସମର୍ଥନ କରିଥିଲେ । ତେବେ ଶୀଘ୍ର ସେ ଦଳର ସାମିଲ ହୋଇପାରନ୍ତି ।