ଦିଲ୍ଲୀର ମୁଖ୍ୟମନ୍ତ୍ରୀଙ୍କ ଭଳି ମିଛୁଆ ଲୋକ ଦେଖିନାହିଁ । କେଜ୍ରିୱାଲଙ୍କୁ ଟାର୍ଗେଟ କଲେ ବିଜେପି ନେତା ।

କନକ ବ୍ୟୁରୋ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଉପରେ ବର୍ଷିଲେ ବିଜେପି ନେତା । ଗୁଜରାଟ ବିଜେପି ସଭାପତି ସିଆର ପାଟିଲ କହିଛନ୍ତି, ଆଜି ଯାଏଁ କେଜ୍ରିୱାଲଙ୍କ ଭଳି ମିଛୁଆ ମଣିଷ ଦେଖିନାହିଁ । ମୁଖ୍ୟମନ୍ତ୍ରୀ ହେବା ସତ୍ତେ୍ୱ ମଧ୍ୟ ସେ ଲଗାତାର ମିଛ କହି ଆସୁଛନ୍ତି । ପୂର୍ବରୁ ଗୁଜୁରାଟ ଲୋକଙ୍କୁ କଂସ କହୁଥିଲେ ଏବେ ସେହି ଗୁଜୁରାଟ ଲୋକଙ୍କୁ ଭୋଟ ମାଗୁଛନ୍ତି । ତେଣୁ କେଜ୍ରିୱାଲ କିଛି କହିବା ପୂର୍ବରୁ ହଜାରେ ଥର ଭାବିବାର ଆବଶ୍ୟକତା ରହିଛି । ଏହାପୂର୍ବରୁ ନିଜ ଭାଷଣରେ କେଜ୍ରିୱାଲ କହିଥିଲେ, ଗୁଜୁରାଟରୁ କଂସଙ୍କ ଦାୟଦଙ୍କୁ ସଫା କରିବାକୁ ମୋତେ ଭଗବାନ ପୃଥିବୀ ପୃଷ୍ଠକୁ ପଠାଇଛନ୍ତି ।

କେଜ୍ରିୱାଲ କହିଛନ୍ତି, କୃଷ୍ଣ ଜନ୍ମାଷ୍ଟମୀରେ ମୋର ଜନ୍ମ ହୋଇଛି । ତେଣୁ ଭଗବାନ ମୋତେ ଏକ ସ୍ୱତନ୍ତ୍ର କାମ ଦେଇ ପୃଥିବୀ ପୃଷ୍ଠକୁ ପଠାଇଛନ୍ତି । ଆଉ ଭଗବାନଙ୍କ ପକ୍ଷରୁ ମିଳିଥିବା କାମ ହେଉଛି, କଂସଙ୍କ ଦାୟଦଙ୍କ ନାଶ କରିବା । ଯେତେ ବି କଂସଙ୍କ ଦାୟଦ, ଭ୍ରଷ୍ଟାଚାରୀ ଓ ଗୁଣ୍ଡା ରହିଛନ୍ତି, ଜନତାଙ୍କୁ ସେମାନଙ୍କ ଠାରୁ ମୁକ୍ତି ଦେବାକୁ ଆମେ ସମସ୍ତେ ଭଗବାନଙ୍କ ଏହି କାମକୁ ମିଳିମିଶି ପୂରା କରିବା । କାରଣ ଭଗବାନ ଆମ ସାଥୀରେ ଅଛନ୍ତି । କିଛି ଏଭଳି ଶାସକ ବିଜେପିକୁ ତୀର ମାରିଥିଲେ କେଜ୍ରିୱାଲ । ଆଉ ଆଜି ଏହାର କଡା ଜବାବ ରଖିଛି ବିଜେପି ।