କନକ ବ୍ୟୁରୋ: ଏକ୍ସପାୟାରୀ ମେଡିସିନର ବଣ୍ଟନ ଓ ବ୍ୟବହାର ସମ୍ପର୍କରେ ବାରମ୍ବାର ଅଭିଯୋଗ ଆସିବା ପରେ କଡ଼ା ଆଭିମୁଖ୍ୟ ଗ୍ରହଣ କରିଛି ରାଜ୍ୟ ସ୍ୱାସ୍ଥ୍ୟ ବିଭାଗ । ଏନେଇ ବିଭାଗ ପକ୍ଷରୁ ମାର୍ଗଦର୍ଶିକା ଜାରି ହୋଇଛି । ସବୁ ଜିଲ୍ଲାର ସ୍ୱାସ୍ଥ୍ୟ ଅଧିକାରୀ ଓ ମେଡିକାଲ କଲେଜର କର୍ତ୍ତୁପକ୍ଷମାନଙ୍କୁ ଏନେଇ ଚିଠି ଲେଖାଯାଇଛି । ପ୍ରତି ଔଷଧର ଏକ୍ସପାୟାରୀ ତାରିଖକୁ ଭଲ ଭାବେ ଲେଖାଯିବା ଦରକାର । ଡ୍ରଗ ଷ୍ଟୋରକୁ ଔଷଧ ନିଆଗଲା ବେଳେ ଉଭୟ ଅନଲାଇନ ଓ ଅଫଲାଇନରେ ଏକ୍ସପାୟାରୀ ତାରିଖ ନେଇ ତଥ୍ୟ ରହିବ ।
Kanak News is now on WhatsApp
Join and get latest news updates delivered to you via WhatsApp
ପ୍ରତିଦିନ ସବୁ ଔଷଧ ଗୁଡ଼ିକର ଏକ୍ସପାୟାରି ଡେଟ୍ ଯାଞ୍ଚ ହେବ, ଆଉ ଯେଉଁସବୁ ଔଷଧର ଆଗାମୀ ତିନିମାସ ମଧ୍ୟରେ ବ୍ୟବହାର ଅବଧି ସରିଯିବ, ସେବସୁକୁ ଅଲଗା ଭାବେ ରଖାଯିବାକୁ ନିର୍ଦ୍ଦେଶ ଦିଆଯାଇଛି । ତେବେ ଯଦି ଜରୁରୀ ସ୍ଥିତିରେ କୌଣସି ଔଷଧ ଆବଶ୍ୟକ ହୁଏ ଓ ଏହାର ବିକଳ୍ପ ନମିଳେ, ତାହେଲେ ସମ୍ପୃକ୍ତ ଔଷଧକୁ ଅବଧି ସରିବା ଯାଏଁ ବ୍ୟବହାର କରାଯାଇପାରିବ । ଏହାସହ ପ୍ରତି ଔଷଧ ବଂଟନ ବେଳେ ଏହାର ଏକ୍ସପାୟାରୀ ତାରିଖ ଯାଞ୍ଚ କରିବା ବାଧ୍ୟତାମୂଳକ କରାଯାଇଛି । ଏଥିସହ ପ୍ରତିମାସ ଔଷଧ ଗୁଡ଼ିକର କଡାକଡି ଅନୁଧ୍ୟାନ କରିବେ ଔଷଧ ଯାଞ୍ଚ କମିଟି ।