ଭେଣ୍ଟିଲେଟର, ଏନ-୯୫ ମାସ୍କ ଓ ସାନିଟାଇଜର ଭଳି ସାମଗ୍ରୀ ହୋଇପାରେ ଶସ୍ତା । ଏଭଳି ସାମଗ୍ରୀ ଉପରେ ଜିଏସଟି କମାଇବାକୁ ସରକାରଙ୍କୁ ପ୍ରସ୍ତାବ
କନକ ବ୍ୟୁରୋ : ଜିଏସଟି କାଉଁସିଲର ଏକ ଗୁରୁତ୍ୱପୂର୍ଣ୍ଣ ବୈଠକ ଜୁନ ୧୨ ତାରିଖରେ ଅନୁଷ୍ଠିତ ହେବାକୁ ଯାଉଛି । ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଅଧ୍ୟକ୍ଷତାରେ ଅନୁଷ୍ଠିତ ହେବାକୁ ଥିବା ଏହି ବୈଠକରେ କରୋନା ମହାମାରୀ ବେଳେ ଅତ୍ୟାବାଶକୀୟ ସାମଗ୍ରୀ ଉପରେ ଜିଏସଟି ଦର କମାଇବାକୁ ନେଇ ନିଷ୍ପତ୍ତି ହୋଇପାରେ ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ମେ ୨୮ ତାରିଖରେ ଜିଏସଟି କାଉଁସିଲର ବୈଠକରେ ପିପିଇ କିଟ୍, ମାସ୍କ, ଟିକା ସହିତ କୋଭିଡ ପାଇଁ ବ୍ୟବହୃତ ସାମଗ୍ରୀ ଉପରେ ସୁବିଧା ଦେବାକୁ ଏକ ଗ୍ରୁପ ଅଫ୍ ମିନିଷ୍ଟର୍ସ ଗଠନ କରାଯାଇଥିଲା । ସେମାନେ ଏହା ଉପରେ ଅନୁଧ୍ୟାନ କରି ଜୁନ ୭ ତାରିଖରେ ରିପୋର୍ଟ ପ୍ରଦାନ କରିଛନ୍ତି ।
ଜିଏସଟି କାଉଁସିଲର ଜଣେ ଅଧିକାରୀଙ୍କ ସୂତ୍ରରୁ ମିଳିଥିବା ଖବର ମୁତାବକ ଶନିବାର ଦିନ ବୈଠକ ବସିବ । ଏହି ବୈଠକରେ ଗ୍ରୁପ ଅଫ୍ ମିନିଷ୍ଟର୍ସ ରିପୋର୍ଟ ଉପରେ ବିଚାର କରାଯିବ । ଅନ୍ୟପଟେ କିଛି ରାଜ୍ୟର ଅର୍ଥମନ୍ତ୍ରୀ କୋଭିଡ ମହାମାରୀ ସମ୍ବନ୍ଧୀୟ ସାମଗ୍ରୀ ଉପରେ ଜିଏସଟି କମ କରିବାକୁ ପୂର୍ବରୁ ଦାବି ଜଣାଇ ଆସିଛନ୍ତି । ଏହି ଦାବି ପ୍ରଥମେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଉଠାଇ ଥିବା ବେଳେ ଏବେ ବିଜେପି ଶାସିତ ଉତ୍ତରପ୍ରଦେଶ ସରକାରବି ଏଭଳି ଦାବିକୁ ସମର୍ଥନ କରିଛନ୍ତି ।
ଏହାକୁ ନଜରରେ ରଖି ଆଶା କରାଯାଉଛି କି ଜୁନ ୧୨ ତାରିଖରେ ଅନୁଷ୍ଠିତ ହେବାକୁ ଥିବା ବୈଠକରେ ଗ୍ରୁପ ଅଫ୍ ମିନିଷ୍ଟର୍ସ ରିପୋର୍ଟ ଓ ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀଙ୍କ ଦାବିକୁ ଅନୁଧ୍ୟାନ କରି କୋଭିଡ୍ ସମ୍ବନ୍ଧୀୟ ସାମଗ୍ରୀ ଉପରେ ଅର୍ଥମନ୍ତ୍ରୀ ଜିଏସଟି ଦର କମ କରିପାରନ୍ତି ବୋଲି ଆଶା କରାଯାଉଛି ।