ନୂଆ ସଂସଦ ଭବନରେ ସ୍ଥାପନ ହେବ ‘ରାଜଦଣ୍ଡ’ : ଆସନ୍ତା ୨୮ରେ ହେବ ଉଦଘାଟନ ସମାରୋହ
କନକ ବ୍ୟୁରୋ : ଆସନ୍ତା ୨୮ ତାରିଖରେ ନୂଆ ସଂସଦ ଭବନ ଉଦଘାଟନ ହେବ । ଏହି ଅବସରରେ ପ୍ରଧାନମନ୍ତ୍ରୀ ନୂଆ ଭବନରେ କ୍ଷମତା ହସ୍ତାନ୍ତରଣର ପ୍ରତୀକ ‘ସେନଗୋଲ’ ବା ରାଜଦଣ୍ଡ ସ୍ଥାପନ କରିବେ । ସେନଗୋଲ ଚୋଳ ସାମ୍ରାଜ୍ୟର ପରମ୍ପରା । ସେତେବେଳେ ଯିଏ ରାଜା ହେଉଥିଲେ, ତାଙ୍କୁ ରାଜଦଣ୍ଡ ଦିଆଯାଉଥିଲା । ତାମିଲ ଭାଷାରେ ଏହାର ଅର୍ଥ ‘ସମ୍ପଦାରୁ ସମ୍ପନ୍ନ’ ।
Kanak News is now on WhatsApp
Join and get latest news updates delivered to you via WhatsApp
୧୯୪୭ ଅଗଷ୍ଟ ୧୪ ରାତି ୧୦ଟା ୪୫ରେ ପ୍ରଥମ ପ୍ରଧାନମନ୍ତ୍ରୀ ଜବାହାରଲାଲ ନେହେରୁ ଇଂରେଜ ହାତରୁ ସେନଗୋଲ ଗ୍ରହଣ କରିଥିଲେ । ସେତେବେଳେ ଏହାକୁ ତାମିଲନାଡୁରୁ ମଗାଯାଇଥିଲା । ସେନଗୋଲ ବର୍ତ୍ତମାନ ପ୍ରୟାଗରାଜର ଏକ ସଂଗ୍ରହାଳୟରେ ରଖାଯାଇଛି । ଏବେ ଏହାକୁ ଦେଶ ସମ୍ନାନରେ ସଂସଦ ଭବନରେ ବାଚସ୍ପତିଙ୍କ ଆସନ ପାଖରେ ରଖିବା ଲାଗି ନିଷ୍ପତ୍ତି ହୋଇଥିବା ଗୃହମନ୍ତ୍ରୀ ଅମିତ ଶାହା କହିଛନ୍ତି ।