ଚାଷ ସମୟ ଆସିଲେ ଆସନ୍ତି ଏବଂ ଚାଷ ସରିବାର ବେଳ ଆସିଲେ ଫେରିଯାନ୍ତି : ଗଡପଳାଶୁଣି ଗାଁରେ ପକ୍ଷୀ ଓ ଗ୍ରାମବାସୀଙ୍କ ମଧ୍ୟରେ ଯୋଡ଼ି ଦେଇଛି ଏକ ନିଆରା ଭାବ
କନକ ବ୍ୟୁରୋ : ଚାଷ ସମୟ ଆସିଲେ କାମାକ୍ଷାନଗର ନିକଟ ଗଡପଳାଶୁଣି ଗାଁକୁ ଛୁଟି ଆସିଥାନ୍ତି ଗେଣ୍ଡାଳିଆ ପକ୍ଷୀ । ପୂରା ଚାଷ ସମୟତକ ଗାଁରେ ରହିଥାନ୍ତି । ଚାଷ ସରିବାର ସମୟ ଆସିଲେ ପୁଣି ଫେରିଯାନ୍ତି । ପ୍ରତ୍ୟେକ ବର୍ଷ ଗେଣ୍ଡାଳିଆଙ୍କ ଏପରି ଆଗମନ ଗଡପଳାଶୁଣି ଗାଁରେ ପକ୍ଷୀ ଓ ଗ୍ରାମବାସୀଙ୍କ ମଧ୍ୟରେ ଏକ ନିଆରା ଭାବ ଯୋଡି ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ଢେଙ୍କାନାଳ ଜିଲ୍ଲା କଙ୍କଡାହାଡ ବ୍ଲକର ଗଡପଳାଶୁଣି ଏବେ ଗେଣ୍ଡାଳିଆ ପକ୍ଷୀକୁ ନେଇ ଏକ ଭିନ୍ନ ପରିଚୟ ଅର୍ଜନ କରିିଛି । ପ୍ରତ୍ୟକ ବର୍ଷ ବର୍ଷା ସମୟ ଆସିଲେ, ଚାଷ ସମୟକୁ ଗାଁରେ ମେଳା ଜମାନ୍ତି ହଜାର ହଜାର ଗେଣ୍ଡାଳିଆ ପକ୍ଷୀ । ଗାଁ ମୁଣ୍ଡ ଶିବ ମନ୍ଦିର ନିକଟ କଇଁଆ ଗଛରୁ ଆରମ୍ଭ କରି ଆଖପାଖ ଆଂବ ଗଛ ସବୁ ପାଲଟି ଥାଏ ଏହି ଗେଣ୍ଡାଳିଆ ପକ୍ଷୀଙ୍କ ଆଶ୍ରୟସ୍ଥଳ । ଏହି ପକ୍ଷୀଙ୍କୁ ଦେଖିବା ପରେ ଗାଁରେ ଚାଷୀ ଆରମ୍ଭ କରିଥାଏ ଚାଷ କାମ । ଗଡପଳାଶୁଣି ଗାଁକୁ କାହିଁକି ଏପରି ଗେଣ୍ଡାଳିଆଙ୍କ ଆଗମନ ହୋଇଥାଏ ତାହା କେହି ବି ଜାଣନ୍ତିନି ।
ବର୍ଷ ବର୍ଷ ଧରି ଏହିପରି ପ୍ରତ୍ୟକ ବର୍ଷ ଗେଣ୍ଡାଳିଆ ପକ୍ଷୀଙ୍କ ସମାଗମ ଦେଖିବାକୁ ମିଳିଥାଏ ଏହି ଗାଁରେ । ଜୁନ୍ ମାସ ଆରମ୍ଭରୁ ଗେଣ୍ଡାଳିଆ ଆସିବା ସହ ଦୀପାବଳି ପରେ ପୁଣି ଫେରିଯାନ୍ତି । ଆଖପାଖ କୌଣସି ଗାଁରେ ଏପରି କିନ୍ତୁ ଦେଖାନ ଯିବା , ସମସ୍ତଙ୍କୁ ଆଶ୍ଚର୍ଯ୍ୟ କରିଥାଏ । ଗଡପଳାଶୁଣି ଗାଁରେ ଗେଣ୍ଡାଳିଆଙ୍କୁ ଚାଷୀର ସାଥୀ ଭାବେ ଗ୍ରହଣ କରିଛନ୍ତି ଗ୍ରାମବାସୀ । ସେଥିପାଇଁ ଏହି ପକ୍ଷୀଙ୍କ ସୁରକ୍ଷାରେ ରହିଛି ପୂରା ଗାଁ ।