ୱାଟର ପ୍ୟୁରିଫାୟର ଯେତେ ଲାଭଦାୟକ ସେତେ କ୍ଷତିକାରକ ମଧ୍ୟ ! ୱାଟର୍ ପ୍ୟୁରିଫାୟର ବ୍ୟବହାରକୁ ନିୟନ୍ତ୍ରଣ କରିବାକୁ ସରକାରଙ୍କୁ ଗ୍ରୀନ୍ ଟ୍ରିବ୍ୟୁନାଲର ନିର୍ଦ୍ଦେଶ
ଆରଓ ପ୍ୟୁରିଫାୟାର ବ୍ୟବହାରକୁ ନିୟନ୍ତ୍ରଣ କରିବାକୁ ଗ୍ରୀନ୍ ଟ୍ରିବ୍ୟୁନାଲ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି । ଟ୍ରିବ୍ୟୁନାଲ୍ କହିଛନ୍ତି ଯେ ଯେଉଁଠାରେ ପାଣି ବେଶୀ କ୍ଷାର ଲାଗୁ ନଥିବ ସେଠାରେ ଏହି ପ୍ୟୁରିଫାୟର୍ ଉପରେ ପ୍ରତିବନ୍ଧକ ଲଗାଯାଉ । ଯେଉଁଠାରେ ପାଣିରେ ଟିଡିଏସର ମାତ୍ରା ଲିଟର ପ୍ରତି ୫୦୦ ମିଲିଗ୍ରାମରୁ କମ୍ ଥିବ ସେଠାରେ ଏହିଭଳି ପ୍ୟୁରିଫାୟର ନଲାଗାଇବାକୁ ସରକାରଙ୍କୁ ତାଗିଦ କରିଛନ୍ତି ଗ୍ରୀନ ଟ୍ରିବ୍ୟୁନାଲ୍ । ଜାତୀୟ ଗ୍ରୀନ୍ ଟ୍ରିବ୍ୟୁନାଲ୍(ଏନଜିଟି) ପକ୍ଷରୁ କୁହାଯାଇଛି ଯେ, ଲିଟର ପିଛା ପାଣିରେ ୫୦୦ ଏମଜି କ୍ଷାର ନଥିଲେ ଆରଓ (ରିଭର୍ସ ଅସମସିସ) କାମ କରି ନଥାଏ ବରଂ ଆରଓ ପାଣିରେ ଥିବା ଗୁରୁତ୍ବପୂର୍ଣ୍ଣ ଉପାଦାନକୁ ନଷ୍ଟ କରିଦେଇଥାଏ । ଏହା ସହ ପାଣିକୁ ନଷ୍ଟ ମଧ୍ୟ କରିଦେଇଥାଏ ।
Kanak News is now on WhatsApp
Join and get latest news updates delivered to you via WhatsApp
ବିଶ୍ୱ ସ୍ୱାସ୍ଥ୍ୟ ସଂଗଠନ ପକ୍ଷରୁ ପ୍ରକାଶିତ ତଥ୍ୟ ମୁତାବକ ପ୍ରତି ଲିଟର ପାଣିରେ ୩୦୦ ମିଲିଗ୍ରାମ୍ ତଳକୁ ଏହି ଟିଡିଏସ୍ ରହିବା ଆବଶ୍ୟକ । ଯେତେବେଳେ ଏହି ଟିଡିଏସ୍ ୯୦୦ ମିଲିଗ୍ରାମ୍ ହୋଇଥାଏ, ଏହି ପାଣି ଖରାପ ହୋଇଥାଏ । ସେହିପରି ୧୨୦୦ ମିଲିଗ୍ରାମ୍ ଟିଡିଏସ୍ ଥିଲେ ଏହି ପାଣିକୁ ବର୍ଜନ କରିବା ଆବଶ୍ୟକ । ଆରଓ ପ୍ରକ୍ରିୟାରେ ପାଣିରେ ଥିବା ଅଶୁଦ୍ଧ ପଦାର୍ଥକୁ ବିଶୁଦ୍ଧ କରାଯାଇଥାଏ ।
ଏନଜିଟି କହିଛି କି, ପରିବେଶ ଏବଂ ବନ ମନ୍ତ୍ରାଳୟ ସେହି ସ୍ଥାନରେ ଆରଓର ବ୍ୟବହାର ଉପରେ ପ୍ରତିିବନ୍ଧକ ଲଗାଇବା ଭଳି ଉଚିତ୍ ଅଧିସୂଚନା ଜାରି କରିପାରେ । ଯେଉଁଠି ପାଣିରେ ଟିଡିଏସ ୫୦୦ ଏମଜି ପ୍ରତି ଲିଟରରୁ କମ୍ ଓ ଯେଉଁଠି ଆରଓର ଅନୁମତି ଅଛି ସେଠି ସୁନିଶ୍ଚିତ କରାଯିବ କି ୬୦ ପ୍ରତିଶତରୁ ଅଧିକ ପାଣିକୁ ପୁନଃ ବ୍ୟବହାରରେ ଅଣାଯାଉ ।