କନକ ବ୍ୟୁରୋ: ଆତ୍ମନିର୍ଭରଶୀଳ ହେବା ପାଇଁ ଦୃଢ ମନୋବଳ ଓ କିଛି କରି ଦେଖାଇବାର ଇଚ୍ଛା ମଣିଷକୁ ସଫଳ କରାଏ । ଏହି ଉକ୍ତିକୁ ପ୍ରମାଣ କରିଛନ୍ତି ସମ୍ବଲପୁର ଜିଲ୍ଲା କୁଚିଣ୍ଡା ପତ୍ରାପାଲି ଗାଁର ଦୁଇଭାଇ । ଅନ୍ଲାଇନରେ ମଂଜି ମଗାଇ କରିଛନ୍ତି ରଙ୍ଗିନ ବନ୍ଧାକୋବି ଚାଷ । ଯାହା ଦେଖିବାକୁ ଯେତିିକି ସୁନ୍ଦର, ଖାଇବାକୁ ସେତିକି ସ୍ୱାଦିଷ୍ଟ ।
Kanak News is now on WhatsApp
Join and get latest news updates delivered to you via WhatsApp
ସୁନ୍ଦରଗଡ ବଣାଇର ଜଣେ ଯୁବ ଚାଷୀ ରଙ୍ଗୀନ ଫୁଲକୋବି ଚାଷ କରି ଚର୍ଚ୍ଚିତ ହୋଇଥିବା ବେଳେ ଏବେ କୁଚିଣ୍ଡାର ଦୁଇଭାଇ ରଙ୍ଗୀନ ବନ୍ଧାକୋବି ଚାଷ କରି ବେଶ ସଫଳତା ପାଇଛନ୍ତି । ଅନ୍ଲାଇନରୁ ଶିଖି କିପରି ବାସ୍ତବ କ୍ଷେତ୍ରରେ ସଫଳତା ପାଇହୁଏ, ସେମାନଙ୍କ କ୍ଷେତରେ ରଙ୍ଗିନ ବନ୍ଧାକୋବି ଚାଷ ଦେଖିଲେ ସହଜରେ ଜାଣିହେବ । ଅନଲାଇନରୁ ମଂଜି ମଗାଇ ପ୍ରଥମେ ପରୀକ୍ଷାମୂଳକ ଭାବେ ପନ୍ଦର ଶହ ଗଛ ଲଗାଇଥିଲେ ।
ପ୍ରଥମେ ପଦକ୍ଷେପରେ ସଫଳତା ପାଇଥିବାରୁ ଚାଷୀ ଯେତିକି ଖୁସି, ରଂଗୀନ କୋବିକୁ ଦେଖି ପାଖଆଖ ଅଂଚଳର ଚାଷୀ ମଧ୍ୟ ଏହି ଚାଷ ପାଇଁ ସେତିକି ଆଗ୍ରହ ପ୍ରକାଶ କରୁଛନ୍ତି । ବଜାରରେ ଏହାର ଚାହିଦା ଭଲ ରହିଥିବାରୁ ଲୋକଙ୍କ ପସନ୍ଦ ପାଲଟିଛି ।ଉନ୍ନତମାନର ମଂଜି, ନୂଆ ଜ୍ଞାନ କୈାଶଳ ଯୋଗାଇବା ସହ ସରକାରୀ ଓ ବେସରକାରୀ ସ୍ତରରେ ପ୍ରୋତ୍ସାହନ ଦିିଆଗଲେ, ଚାଷୀ କମ ଖର୍ଚରେ ଅଧିକ ଲାଭବାନ ହୋଇପାରବେ ବୋଲି ମତପ୍ରକାଶ ପାଇଛି ।