ଭାଇଚାରାର ଅନନ୍ୟ ଉଦାହରଣ ! ଦଳିତ ଶ୍ରଦ୍ଧାଳୁଙ୍କୁ କାନ୍ଧରେ ବସାଇ ମନ୍ଦିର ପରିକ୍ରମା କରାଇଲେ ପୁଜାରୀ ।

ଏଭଳି ଅନେକ ସ୍ଥାନ ଅଛି ଯେଉଁଠି ଏବେବି ମନ୍ଦିରରେ ଦଳିତଙ୍କ ପ୍ରବେଶକୁ ନେଇ ହୋ’ହଲ୍ଲା ଜାରି ରହିଛି । କିନ୍ତୁ ଏହି ସମୟରେ ୩ ହଜାର ବର୍ଷ ତଳରୁ ଚାଲି ଆସୁଥିବା ଏଭଳି ଏକ କୁପ୍ରଥାକୁ ପରିବର୍ତ୍ତନ କରିବା ପାଇଁ ଜଣେ ପୁଜାରୀ ଆଗକୁ ଆସିଥିଲେ ।
ସୁଚନାନୁସାର ହାଇଦ୍ରାବାଦ ସହରର ଚିଲ୍କୁର ବାଲାଜୀ ମନ୍ଦିିରରେ ସିଏସ୍ ରଙ୍ଗରାଜନ୍ ନାମକ ଜଣେ ପୁଜାରୀ ସେଠାକାର ଜଣେ ଦଳିତ ଯୁବକକୁ କାନ୍ଧରେ ବସାଇ ମନ୍ଦିର ପରିକ୍ରମା କରିବା ସହ ପ୍ରବେଶ ମଧ୍ୟ କରାଇଥିଲେ । ଦଳିତ ଯୁବକ ଆଦିତ୍ୟ ପାରଶ୍ରୀଙ୍କୁ ପୁଜାରୀ ମନ୍ଦିରର ଗର୍ଭଗୃହକୁ ମଧ୍ୟ ପ୍ରବେଶ କରାଇଥିଲେ । ଏହି ପୁରୁଣା ପ୍ରଥାକୁ ତାମିଲନାଡୁରେ ମୁନି ବାହନ ସେବା ରୂପରେ ପାଳନ କରାଯାଉଥିଲା । ପୁଜାରୀଙ୍କ କହିବାନୁସାରେ, ଏହା ୨୭୦୦ ବର୍ଷ ପୁରୁଣା ପ୍ରଥା । କିନ୍ତୁ କିଛି ବର୍ଷରୁ ଏହି ପ୍ରଥାକୁ ପାଳନ କରାଯାଉନଥିଲା । ସନାତନ ଧର୍ମ ଅନୁସାରେ ଏହି ପ୍ରଥା ଉଚ୍ଚନୀଚ ଭେଦଭାବରୁ ଉର୍ଦ୍ଧରେ ଭାଇଚାରାର ଏକ ଉଦାହରଣ ଦେଇଥାଏ । ଆଦିତ୍ୟ ମନ୍ଦିରରେ ପୂଜାର୍ଚ୍ଚନା କରିବା ସହ ପୁଜାରୀଙ୍କୁ ଆଲିଙ୍ଗନ ମଧ୍ୟ କରିଥିଲେ । ଆଦିତ୍ୟଙ୍କ କହିବାନୁସାରେ “ଜଣେ ଦଳିତ ଘରେ ଜନ୍ମ ନେଇଥିବାରୁ ମୋ ପରିବାର ଏବଂ ମୋତେ ସବୁଠାରେ ତିରଷ୍କାର ହେବାକୁ ପଡୁ୍ଥିଲା । ଅନ୍ୟ ମନ୍ଦିରରେ ଭିତରକୁ ପ୍ରବେଶ ମଧ୍ୟ ନିଷିଦ୍ଧ ଥିଲା । କିନ୍ତୁ ଆଶା କରୁଛି ଏପରି ପରିବର୍ତ୍ତନ ଆଗକୁ ମଧ୍ୟ ଜାରି ରହିବ ।