ମହାନଦୀରେ ଆସିପାରେ ବଡ ବନ୍ୟା । ବୌଦ୍ଧରେ ବିପଦ ସଂକେତ ଛୁଇଁଲା ମହାନଦୀ, ବନ୍ୟାରେ ପ୍ରଭାବିତ ହୋଇପାରେ ଉତର ଉପକୂଳବର୍ତୀ ଜିଲ୍ଲା

କନକ ବ୍ୟୁରୋ : ମହାନଦୀରେ ଆସୁଛି ବଡ଼ ବନ୍ୟା । ହୀରାକୁଦରୁ ବନ୍ୟା ଜଳ ନିଷ୍କାସିତ ହେବା ପରେ ବୌଦ୍ଧରେ ବିପଦ ସଂକେତ ଛୁଇଁଛି ମହାନଦୀର ଜଳସ୍ତର । ବିପଦ ସଂକେତ ୮୭ ଦଶମିକ ୭୦ ଥିବା ବେଳେ ବର୍ତମାନ ବୌଦ୍ଧରେ ମହାନଦୀର ଜଳସ୍ତର ୮୭ ଦଶମିକ ୮୦ ଥିବା ବେଳେ ଆଗକୁ ଏହା ଆହରି ବଢିବାର ଆଶଙ୍କା କରାଯାଉଛି ।

ମହାନଦୀରେ ବନ୍ୟାଜଳ ପ୍ରବାହିତ ହେବାରୁ ବୌଦ୍ଧ ଉପକଣ୍ଠ କେନ୍ଦ୍ରୀୟ ବିଦ୍ୟାଳୟ, ବାଣିଜ୍ୟ କର ଅଫିସ ପାଣି ଘେରରେ ରହିଛି । ବୌଦ୍ଧରୁ ଧଳପୁର ଯାଇଥିବା ଜଗନ୍ନାଥ ସଡକର ବିଭିନ୍ନ ପୋଲ ଉପରେ ବନ୍ୟାଜଳ ପ୍ରବାହିତ ହେଉଛି । ହରଭଙ୍ଗା ବ୍ଲକର ତଳିଆ ଅଂଚଳରେ ମହାନଦୀ ପାଣି ପଶିବା ଆରମ୍ଭ କରିଛି ।