ସାମାନ୍ୟ ବଚସାରୁ ମହାଭାରତ ! ପାରିବାରିକ ଝଗଡ଼ାରୁ ନାତିକୁ ଅଜା ମାରିଲେ ତୀର ।
କନକ ବ୍ୟୁରୋ: ପାରିବାରିକ କଳହରୁ ତୀରରେ ନାତିକୁ ଆକ୍ରମଣ କଲେ ଅଜା । ତୀରଟି ଶୁକ୍ରା କମାର ନାମକ ଜଣେ ୨୫ ବର୍ଷିୟ ଯୁବକର ହାତରେ ପଶି ରହିଛି । ଏହି ଘଟଣାଟି ଘଟିଛି ରାଜଗାଙ୍ଗପୁର ଅଂଚଳର ଲୁଧାବସା ଗାଁରେ । ତୀର ବାହାର କରିବା ପାଇଁ ଆହତ ଶୁକ୍ରା କମାରଙ୍କୁ ରାଜଗାଙ୍ଗପୁର ସରକାରୀ ହସ୍ପିଟାଲରୁ ରାଉରକେଲା ସରକାରୀ ହସ୍ପିଟାଲକୁ ସ୍ଥାନାନ୍ତର କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ, ଗତକାଲି ରାତିରେ ଦାତୁମୁରା ପଡ଼ା ଲୁଧାବସା ଗ୍ରାମର ଛେଲିଆ କମାର ନିଜ ନାତି ଶୁକ୍ରା କମାରଙ୍କ ମଧ୍ୟରେ ସାମାନ୍ୟ ବଚସା ଆରମ୍ଭ ହୋଇଥିଲା । ଏପରିକି ଅଜା ଛେଲିଆ କମାର ନିଜର କ୍ରୋଧକୁ କାବୁ ନକରିପାରି ଧନୁତୀରରେ ନାତିକୁ ଆକ୍ରମଣ କରଥିଲେ । ଏବଂ ଉକ୍ତ ଧନୁ ତୀରଟି ନାତି ଶୁକ୍ରାଙ୍କ ବାମ ହାତରେ ପଶିଯାଇଥିଲା । ତେବେ ଆହତ ଶୁକ୍ରାଙ୍କୁ ରାଜଗାଙ୍ଗପୁର ସରକାରୀ ହସ୍ପିଟାଲରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି ।