ଲକ୍ ଡାଉନ ପରେ କେନ୍ଦ୍ର କ୍ୟାବିନେଟରେ ବଡ଼ ନିଷ୍ପତ୍ତି । ମାତ୍ର ୨ଟଙ୍କାରେ କିଲେ ଗହମ ଏବଂ ୩ ଟଙ୍କାରେ ଚାଉଳ କିଲେ ଦେବେ କେନ୍ଦ୍ର ସରକାର । ଆଗୁଆ ୩ ମାସର ରାସନ୍ ବାଣ୍ଟିବାକୁ କେନ୍ଦ୍ରର ନିଷ୍ପତି , ଉପକୃତ ହେବେ ୮୦ କୋଟି ଲୋକ ।
କନକ ବ୍ୟୁରୋ: କରୋନା ମୁକାବିଲା ପାଇଁ ୨୧ ଦିନ ଦେଶବ୍ୟାପୀ ଲକ୍ ଡାଉନ ପରେ କେନ୍ଦ୍ର ସରକାରଙ୍କ ବଡ଼ ଘୋଷଣା । ଏଭଳି ଘଡ଼ିସନ୍ଧି ମୁହୂର୍ତ୍ତରେ ଦେଶବାସୀଙ୍କ ଖାଦ୍ୟ ସମସ୍ୟାକୁ ଦୂର କରିବା ପାଇଁ ବଡ଼ ଘୋଷଣା କରିଛନ୍ତି ମୋଦି ସରକାର । ଆସନ୍ତା ତିନିମାସ ପାଇଁ ଆଗୁଆ ରାସନ୍ ଦେବାକୁ ନିଷ୍ପତି । ୨ଟଙ୍କାରେ କିଲେ ଗହମ ଏବଂ ୩ଟଙ୍କାରେ ୧ କିଲୋ ଚାଉଳ ଦେବାକୁ କେନ୍ଦ୍ର କ୍ୟାବିନେଟ୍ ବୈଠକରେ ନିଷ୍ପତି ହୋଇଥିବା କହିଛନ୍ତି କେନ୍ଦ୍ରମନ୍ତ୍ରୀ ପ୍ରକାଶ ଜାଭଡେକର ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ରମନ୍ତ୍ରୀ ପ୍ରକାଶ ଜାଭଡେକରଙ୍କ କହିବା ମୁତାବକ, କରୋନା ମୁକାବିଲା ପାଇଁ ଆସନ୍ତା ୨୧ ଦିନ ପର୍ଯ୍ୟନ୍ତ ଦେଶବ୍ୟାପୀ ତାଲାବନ୍ଦ ଥିବାବେଳେ ଲୋକଙ୍କୁ ରାସନ୍ ପହଁଚାଇବାକୁ କେନ୍ଦ୍ରର ମୂଳ ଲକ୍ଷ୍ୟ । ତେଣୁ ଆସନ୍ତା ୩ ମାସ ପାଇଁ ଆଗୁଆ ରାସନ୍ ଲୋକଙ୍କୁ ବାଣ୍ଟିବା ପାଇଁ କ୍ୟାବିନେଟ ବୈଠକରେ ନିଷ୍ପତି ହୋଇଛି । ଲୋକଙ୍କୁ ମାସକୁ ପ୍ରତି ୭ କିଲୋ ହିସାବରେ ୩ ମାସର ଆଗୁଆ ରାସନ୍ ଯଥା ୨ଟଙ୍କାରେ କିଲେ ଗହମ ଏବଂ ୩ଟଙ୍କାରେ ୧ କିଲୋ ଚାଉଳ ନେଇପାରିବେ । ଏହାଦ୍ୱାରା ପାଖାପାଖି ୮୦ କୋଟି ଲୋକ ଉପକୃତ ହୋଇପାରିବେ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ପ୍ରକାଶ ଜାଭଡେକର ।
ସବୁଠାରୁ ବଡ଼ କଥା ହେଲା କି, ୨୭ଟଙ୍କା ପ୍ରତି କିଲୋ ପିଛା ଗହମକୁ ମାତ୍ର ୨ଟଙ୍କା ଏବଂ ୩୭ ଟଙ୍କା ପ୍ରତି କିଲୋ ପିଛା ଚାଉଳକୁ ମାତ୍ର ୩ଟଙ୍କାରେ ପ୍ରଦାନ କରିବାକୁ କେନ୍ଦ୍ର କ୍ୟାବିନେଟରେ ନିଷ୍ପତି ନିଆଯାଇଛି । ଏଥିପାଇଁ ୧ଲକ୍ଷ ୮୦ ହଜାର କୋଟି ଟଙ୍କା ଖର୍ଚ୍ଚ ହେବ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ପ୍ରକାଶ ଜାଭଡେକର ।