କନକ ବ୍ୟୁରୋ: ସ୍କୁଟି ଉପରେ ତିଆରି ହୋଇଛି ଲାଇବ୍ରେରୀ, ଆଉ ଗଛ ତଳେ ଚାଲିଛି ପାଠପଢା । କୁନି କୁନି ପିଲାମାନେ ନିଜ ମନ ପସନ୍ଦିଆ ବହିକୁ ନେଇ ପାଠ ପଢୁଛନ୍ତି ଆଉ ଅଙ୍କ କଷୁଛନ୍ତି । ପିଲାଙ୍କ ପାଖରେ ପହଞ୍ଚିଛି ନିଜେ ଲାଇବ୍ରେରୀ ଆଉ ତା ପୁଣି ସ୍କୁଟି ଉପରେ । ଏଭଳି କିଛି ଦୃଶ୍ୟ ଦେଖିବାକୁ ମିଳିଛି ମଧ୍ୟପ୍ରଦେଶର ସାଗର ଜିଲ୍ଲା ଅନ୍ତର୍ଗତ ଏକ ଅପହଂଚ ଇଲାକାରେ । ଯେଉଁଠି ଜଣେ ସରକାରୀ ଶିକ୍ଷକ ପିଲାମାନଙ୍କ ପାଠପଢିବା ପାଇଁ ନିଜ ସ୍କୁଟି ଉପରେ ତିଆରି କରିଛନ୍ତି ଲାଇବ୍ରେରୀ ।
Kanak News is now on WhatsApp
Join and get latest news updates delivered to you via WhatsApp
ଏହି ଲାଇବ୍ରେରୀରେ ଗପ ବହିଠୁ ଆରମ୍ଭ କରି ଅଙ୍କ ବହି, ସାଧାରଣ ଜ୍ଞାନ, ଚିତ୍ରାଙ୍କନ ବହି ସବୁକିଛି ଅଛି । ଆଉ ପିଲାମାନେ ନିଜ ପସନ୍ଦ ମୁତାବକ ଏଠାରୁ ବହି ନେଇ ପାଠ ପଢୁଛନ୍ତି । କରୋନା କାଳରେ ଶିଳ୍ପଠୁ ଆରମ୍ଭ କରି ଶିକ୍ଷା ପର୍ଯ୍ୟନ୍ତ ସବୁକିଛି ପ୍ରଭାବିତ ହୋଇଛି ।ପିଲାମାନେ ଏବେ ସ୍କୁଲକୁ ଯାଇପାରୁନାହାନ୍ତି । ଅଧିକାଂଶ ସ୍ଥାନରେ ଅନଲାଇନରେ ପାଠ ପଢା ଚାଲିଛି । ହେଲେ ଆମ ଦେଶରେ ଏମିତି କିଛି ଜାଗା ଅଛି ଯେଉଁଠି ଅନଲାଇନ୍ ପାଠ ପଢା କଣ, ମୋବାଇଲ୍ ନେଟୱାର୍କ ଦେଖିବା ସାତ ସପନ । ଆଉ ସେମିତି ଏକ ଅଂଚଳରେ ପିଲାମାନଙ୍କ ପାଖରେ ଶିକ୍ଷାର ଆଲୋକ ପହଞ୍ଚାଇବାକୁ ଚେଷ୍ଟା କରିଛନ୍ତି ସରକାରୀ ଶିକ୍ଷକ ଚନ୍ଦ୍ର ଶ୍ରୀବାସ୍ତବ । ଜଣେ ସ୍କୁଲ ଶିକ୍ଷକଙ୍କ ଏଭଳି ନିଆରା ପ୍ରୟାସକୁ ଦେଖି ସାରା ଦେଶରୁ ତାଙ୍କୁ ବାହା ବା ମିଳିଛି । ଲୋକମାନେ ଶ୍ରୀବାସ୍ତବଙ୍କର ଏହି ସ୍କୁଟି ଲାଇବ୍ରେରୀକୁ ବେଶ ପସନ୍ଦ ମଧ୍ୟ କରିଛନ୍ତି ।