ଶତ୍ରୁ ହେବେ ସାବାଡ । ଆକାଶରେ ପଇଁତରା ମାରିବ, ଶତ୍ରୁର ସବୁ ଷଡଯନ୍ତ୍ର ଉପରେ ନଜର ରଖିବ ସେନାର ଆଖି ।
କନକ ବ୍ୟୁରୋ : ଆକାଶରେ ବଢ଼ିବ ସେନାର ଆଖି । ୬ଟି ନୂଆ ଆୱାକ୍ସ ନିର୍ମାଣକୁ ମିଳିଲା କେନ୍ଦ୍ର ସରକାରଙ୍କ ଅନୁମତି । ଦୁଇ ପଡ଼ୋଶୀ ଦେଶ ପାକିସ୍ତାନ ଓ ଚୀନ୍ ନିଜର ଶତ୍ରୁ ମନୋଭାବ ଓ ଷଡ଼ଯନ୍ତ୍ର ବଜାୟ ରଖିଥିବା ବେଳେ ଧୀରେ ଧୀରେ ନିଜର ଶକ୍ତି ବୃଦ୍ଧି କରିଚାଲିଛି ଭାରତ । ଆକାଶରେ ସେନାର ଆଖି କୁହାଯାଉଥିବା ୬ଟି ନୂଆ ଆୱାକ୍ସ ନିର୍ମାଣ ପାଇଁ ଅନୁମତି ଦେଇଛି କେନ୍ଦ୍ର ସରକାର । ପ୍ରଧାନମନ୍ତ୍ରୀ ମୋଦିଙ୍କ ନେତୃତ୍ୱରେ ସୁରକ୍ଷା ସମ୍ପର୍କିତ କ୍ୟାବିନେଟ୍ କମିଟି ୫୬ଟି ମଧ୍ୟମ ଧରଣର ମାଲବାହୀ ବିମାନ କିଣିବାକୁ ମଧ୍ୟ ଅନୁମତି ଦେଇଛି । ଏଥିପାଇଁ ପ୍ରାୟ ୨୧ ହଜାର କୋଟି ଟଙ୍କା ଖର୍ଚ୍ଚ ହେବ ।
Kanak News is now on WhatsApp
Join and get latest news updates delivered to you via WhatsApp
ଏୟାରବର୍ଣ୍ଣ ଅର୍ଲି ୱାଣ୍ଣିଂ ଆଣ୍ଡ କଂଟ୍ରୋଲ ଏୟାରକ୍ରାଫ୍ଟ ବା ଆୱାକ୍ସ ଶତ୍ରୁର ଗତିବିଧି ଉପରେ ନଜର ରଖିଥାଏ । ୬ଟି ଅୱାକ୍ସ ପାଇଁ ୧୦ ହଜାର ୯୯୦ କୋଟି ଟଙ୍କାର ବ୍ୟୟ ଅଟକଳ ରହିଛି । ଆଉ ବିଦେଶୀ ସହଯୋଗରେ ଦେଶୀ କୌଶଳରେ ଏହି ପ୍ରକଳ୍ପ ହେବ । ୬ଟି ଏୟାରବସ୍-୩୨୧ ବିମାନ ଉପରେ ଏହି ୬ଟି ଆୱାକ୍ସ ତିଆରି କରାଯିବ । ଗତବର୍ଷ ଡିସେମ୍ବରରରେ ଏହି ପ୍ରକ୍ରିୟା ତ୍ୱରାନ୍ୱିତ କରିଥିଲା ପ୍ରତିରକ୍ଷା ମନ୍ତ୍ରାଳୟ
• ଶତ୍ରୁର ଗତିବିଧି ଉପରେ କଡ଼ା ନଜର ରଖିବାକୁ ଆୱାକ୍ସ ଅତି ଗୁରୁତ୍ୱପୂର୍ଣ୍ଣ
• ଶତ୍ରୁ ପକ୍ଷର ବିମାନ, କ୍ଷେପଣାସ୍ତ୍ର ଉପରେ ଏହା ନଜର ରଖେ
• ଆଗୁଆ ଚେତାବନୀ ଦେଇ ନିଜ ସେନାକୁ ସଜାଗ କରିଦେଇଥାଏ
• ବାଲାକୋଟ ଏୟାରଷ୍ଟ୍ରାଇକ ପରେ ଆୱାକ୍ସ ସଂଖ୍ୟା ବଢ଼ାଇବା ବିଷୟରେ ଚିନ୍ତା କଲା ବାୟୁସେନା
• ଚୀନ୍ ସହ ସୀମାରେ ଚାଲିଥିବା ଉତେଜନା ଆୱାକ୍ସର ଗୁରୁତ୍ୱକୁ ବଢ଼ାଇ ଦେଇଛି
• ଏବେର ଏହି ୬ଟି ଆୱାକ୍ସ ନିର୍ମାଣ ସରିବାକୁ ୭ ବର୍ଷର ସମୟ ସୀମା ରଖାଯାଇଛି
ବାୟୁସେନା ପାଖରେ ଏବେ ୩ଟି ଇସ୍ରାଏଲୀ ଫାଲକନ୍ ଆୱାକ୍ସ ରହିଛି । ଏସବୁ ୩୬୦ ଡିଗ୍ରୀ ରାଡାର କଭରେଜ୍ ଦେଉଥିବା ବେଳେ ୪ ଶହ କିଲୋମିଟର ଦୂରତା ପର୍ଯ୍ୟନ୍ତ ଗତିବିଧିକୁ ନଜର ରଖିଥାଏ । ସେହିପରି ଦୁଇଟି ସ୍ୱଦେଶୀ “ନେତ୍ରା’ ଆୱାକ୍ସ ମଧ୍ୟ ବ୍ୟବହାର କରୁଛି ବାୟୁସେନା । ଏହି ଦୁଇଟି ୨୪୦ ଡିଗ୍ରୀର କଭରେଜ୍ ଦେଉଥିବା ବେଳେ ୨୫୦ କିଲୋମିଟର ରେଂଜ ପର୍ଯ୍ୟନ୍ତ ନଜର ରଖିଥାଏ ।
ତେବେ ଚୀନ୍ ଓ ପାକିସ୍ତାନ ଏକ୍ଷେତ୍ରରେ ଭାରତ ଠାରୁ ଆଗରେ ଅଛନ୍ତି । ଚୀନ୍ ପାଖରେ ପ୍ରାୟ ୩୦ଟି ଏହିପରି ଅନୁସନ୍ଧାନକାରୀ ବିମାନ ଥିବା ବେଳେ ପାକିସ୍ତାନ ପାଖରେ ୧୦ଟି ଆୱାକ୍ସ ରହିଛି । ପ୍ରଧାନମନ୍ତ୍ରୀ ମୋଦିଙ୍କ ନେତୃତ୍ୱରେ ସୁରକ୍ଷା ସମ୍ପର୍କିତ କ୍ୟାବିନେଟ୍ କମିଟି ୫୬ଟି ମଧ୍ୟମ ଧରଣର ମାଲବାହୀ ବିମାନ କିଣିବାକୁ ମଧ୍ୟ ଅନୁମତି ଦେଇଛି । ଏଥିପାଇଁ ପ୍ରାୟ ୨୧ ହଜାର କୋଟି ଟଙ୍କା ଖର୍ଚ୍ଚ ହେବ ।