ବିରୋଧ ପ୍ରଦର୍ଶନ ଭିତରେ ସାରା ଦେଶରେ ଲାଗୁ ହେଲା ନାଗରିକ ସଂଶୋଧନ ଆଇନ-୨୦୧୯ । ରାଜପତ୍ର ଜାରି କଲେ ଭାରତ ସରକାର
କନକ ବ୍ୟୁରୋ : ବିରୋଧ ପ୍ରଦର୍ଶନ ଭିତରେ ସାରା ଦେଶରେ ଲାଗୁ ହୋଇଛି ନାଗରିକ ସଂଶୋଧନ ଆଇନ-୨୦୧୯ । ସରକାର ଏଥିପାଇଁ ଜାରି କରିଛନ୍ତି ରାଜପତ୍ର । ଜାନୁଆରୀ ୧୦ ତାରିଖ ଅର୍ଥାତ ଗତକାଲିଠାରୁ ଏହି ଆଇନ ସାରା ଦେଶରେ ଲାଗୁ ହୋଇଛି । ତେବେ ପୂର୍ବ ଘୋଷଣା ଅନୁଯାୟୀ ଏହି ଆଇନ ପୂର୍ବୋତ୍ତର ରାଜ୍ୟ ମେଘାଳୟ, ଆସାମ, ଅରୁଣାଚଳ ପ୍ରଦେଶ, ମଣିପୁରର କେତେକ ଅଂଚଳରେ ଲାଗୁ ହେବ ନାହିଁ । କେନ୍ଦ୍ର ସରକାର ଏହି ଅଂଚଳରେ ଇନର ଲାଇନ ପରମିଟ୍ ଜାରି କରିଛନ୍ତି । ଏହି କାରଣରୁ ଏ ନିୟମ ଏସବୁ ଅଂଚଳରେ ଲାଗୁ ହେବ ନାହିଁ । ଏହି ଆଇନ ବଳରେ ୨୦୧୪ ଡିସେମ୍ବର ୩୧ ପୂର୍ବରୁ ପାକିସ୍ତାନ, ବଂଲାଦେଶ, ଆଫଗାନିସ୍ତାନରୁ ଆସି ଶରଣାର୍ଥୀ ଭାବେ ଭାରତରେ ରହୁଥିବା ହିନ୍ଦୁ, ଶିଖ୍, ବୌଦ୍ଧ, ଜୈନ, ପାର୍ସ ଓ ଖ୍ରୀଷ୍ଟିୟାନ ସମ୍ପ୍ରଦାୟର ଲୋକଙ୍କୁ ଭାରତୀୟ ନାଗରିକତା ମିଳିବ ।
Kanak News is now on WhatsApp
Join and get latest news updates delivered to you via WhatsApp
ତେବେ ଏହି କେନ୍ଦ୍ର ସରକାର ଏହି ଆଇନ ଆଣିବା ପରେ ଏହାକୁ ନେଇ ଦେଶବ୍ୟାପି ତୀବ୍ର ବିରୋଧ ଦେଖିବାକୁ ମିଳିଛି । ଏପରିକି ଏହି ଆଇନ ଲାଗୁ ନକରିବା ପ୍ରତିବାଦରେ ହୋଇଥିବା ବିକ୍ଷୋଭରେ ୨୦ରୁ ଅଧିକ ଲୋକଙ୍କର ଜୀବନ ଯାଇଛି । ଏବଂ କୋଟି କୋଟି ଟଙ୍କାର ସମ୍ପତି ନଷ୍ଟ ହୋଇଛି । ଏହା ସହିତ କେତେକ ରାଜ୍ୟ ସରକାର ଏହି ନିୟମ ସେମାନଙ୍କ ରାଜ୍ୟରେ ଲାଗୁ କରିବେ ନାହିଁ ବୋଲି ଖୋଲାଖୋଲି ଘୋଷଣା କରିଛନ୍ତି । ତେବେ ଏହି ନିୟମକୁ ଦେଶବ୍ୟାପି ଲାଗୁ କରିବାକୁ ପୂର୍ବରୁ ଘୋଷଣା କରିଛି ମୋଦି ସରକାର । ଏବଂ ସରକାରଙ୍କ ଘୋଷଣା ଅନୁଯାୟୀ ଗୃହମନ୍ତ୍ରାଳୟ ଏହାକୁ ଲାଗୁ କରିଛି ।