ରୋଗୀଙ୍କୁ ମିଳୁନି ହେଲେ ରାସ୍ତାରେ ପିଙ୍ଗା ହେଉଛି । ରାସ୍ତାରେ ପଡିଛ ବିପୁଳ ପରିମାଣର ସରକାରୀ ଔଷଧ, କେଉଁଠୁ ଆସିଲା କିଏ ପକାଇଲା ତାକୁ ନେଇ ଖୋଳତାଡ ଆରମ୍ଭ
କନକ ବ୍ୟୁରୋ : ରୋଗୀଙ୍କୁ ଦିଆଯିବା ଔଷଧ ରୋଗୀଙ୍କୁ ମିଳୁ ନାହିଁ । ହେଲେ ଜଙ୍ଗଲରେ ସେହି ଔଷଧକୁ ଫିଙ୍ଗା ଯାଉଛି । ନବରଙ୍ଗପୁର ଜିଲ୍ଲା କୋଷାଗୁମଡା ବ୍ଲକର ପଣ୍ଡୁଗୁଡା ଯିବା ରାସ୍ତାର ନୀଳଗିରି ଜଙ୍ଗଲରେ ପଡିରହିଛି ବିପୁଳ ପରିମାଣରେ ସରକାରୀ ଔଷଧ । ଉଦବେଗଜନକ କଥା ହେଉଛି ଫିଙ୍ଗା ଯାଇଥିବା ଔଷଧର କେତେକ ଏକ୍ସପାରିଡେଟ ଯାଇନାହିଁ । ଗରିବ ଲୋକଙ୍କୁ ମାଗଣାରେ ଔଷଧ ଦେବା ସରକାରୀ ତହବିଲରୁ କୋଟି କୋଟି ଟଙ୍କା ଖର୍ଚ୍ଚ ହେଉଛି ।
Kanak News is now on WhatsApp
Join and get latest news updates delivered to you via WhatsApp
ହେଲେ ଗରିବ ରୋଗୀ ଔଷଧ ପାଉନଥିବା ବେଳେ ଆଦିବାସୀ ଅଧ୍ୟୁଷିତ ଅଂଚଳରେ ସରକାରୀ ଔଷଧ ବଂଟନ ବଦଳରେ ଫିଙ୍ଗି ଦିଆଯାଉଛି । ଏବେ ପ୍ରଶ୍ନ ଉଠୁଛି ଏତ ପରିମାଣର ଔଷଧ ଜଙ୍ଗଲ ଭିତରକୁ ଆସିଲା କେମିତି? କିଏ ଏହି ଔଷଧକୁ ଫିଙ୍ଗିଛି? ଔଷଧ ଫିଙ୍ଗା ଯିବା ପଛର କାରଣ ଓ ଉଦ୍ଦେଶ୍ୟ କଣ? ଅନ୍ୟପଟେ ଘଟଣାର ତଦନ୍ତ ପାଇଁ ଏକ କମିଟି ଗଠନ କରାଯିବ ଓ ଦୋଷୀ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ଜିଲ୍ଲା ସ୍ୱାସ୍ଥ୍ୟ ଅଧିକାରୀ ।