ପ୍ରଦୂଷଣକୁ ରୋକିବା ଦିଗରେ ସରକାରଙ୍କ ଗୁରୁତ୍ୱପୂର୍ଣ୍ଣ ଘୋଷଣା : ପୁରୁଣା ଗାଡ଼ି ବଦଳାଇ ଇଲେକ୍ଟ୍ରିକ୍ ଗାଡ଼ି କିଣିଲେ ସରକାର ଦେବେ ପ୍ରୋତ୍ସାହନ ରାଶି, ଜାଣନ୍ତୁ କେବେ ହେବ ଆରମ୍ଭ
ପେଟ୍ରୋଲ ଏବଂ ଡ଼ିଜେଲ ଚାଳିତ ଗାଡ଼ିର ବ୍ୟବହାରକୁ କମାଇବା ପାଇଁ ସରକାର ଏକ ନୂଆ ବାଟ ଆପଣାଇଛନ୍ତି । ଯଦି ଲୋକମାନେ ସେମାନଙ୍କର ପୁରୁଣା ପେଟ୍ରୋଲ ବା ଡ଼ିଜେଲ ଗାଡ଼ିକୁ ବଦଳାଇ ଇଲେକ୍ଟ୍ରିକ ଗାଡ଼ି ଆଣୁଛନ୍ତି ତେବେ ସେମାନଙ୍କୁ ସରାକାରଙ୍କ ତରଫରୁ ପ୍ରୋତ୍ସାହନ ରାଶି ଦିଆଯିବ ବୋଲି ଜଣାପଡ଼ିଛି । ଯଦି କେହି ଇଲେକ୍ଟ୍ରିକ ବାଇକ କିଣୁଛନ୍ତି(ମୂଲ୍ୟ ୧.୫ଲକ୍ଷ ଟଙ୍କା)ତେବେ ସେମାନଙ୍କୁ ୩୦,୦୦୦ଟଙ୍କା ପର୍ଯ୍ୟନ୍ତ ସରାକରଙ୍କ ତରଫରୁ ପ୍ରୋତ୍ସାହନ ରାଶି ଦିଆଯିବ ବୋଲି ଘୋଷଣା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେହି ଭଳି ଭାବରେ ଇଲେକ୍ଟ୍ରିକ୍ କାର୍ ଉପରେ ମଧ୍ୟ ତାହାର ମୁଲ୍ୟ ଅନୁସାରେ ପ୍ରୋତ୍ସାହନ ରାଶି ରଖା ଯାଇଛି । ଯଦି କେହି ୧୫ଲକ୍ଷର ଇଲେକ୍ଟ୍ରିକ୍ କାର୍ କିଣି ତା’କୁ କ୍ୟାବ୍ ଭାବରେ ବ୍ୟବହାର କରୁଛନ୍ତି, ସେମାନଙ୍କୁ ସରକାରଙ୍କ ତରଫରୁ ୧.୫ଲକ୍ଷରୁ ୨.୫ଲକ୍ଷ ପର୍ଯ୍ୟନ୍ତ ପ୍ରୋତ୍ସାହନ ରାଶି ଦିଆଯିବ ବୋଲି ଜଣାପଡ଼ିଛି । ୫ବର୍ଷ ମଧ୍ୟରେ ଯାତ୍ରୀବାହୀ ଗାଡ଼ି ଏବଂ ବାଇକ୍ ସୋ’ରୁମ୍ ଖୋଲିବା ପାଇଁ ୧,୫୦୦କୋଟି ଟଙ୍କା ଖର୍ଚ୍ଚ ହେବାକୁ ଥିବା ବେଳେ ସାରା ଦେଶରେ ଚାର୍ଜିଂ ଷ୍ଟେସନ ତିଆରି କରିବା ପାଇଁ ୧,୦୦୦କୋଟି ଟଙ୍କା ଖର୍ଚ୍ଚ ହେବ ବୋଲି ଯୋଜନା କରାଯାଇଛି ।
ଭାରୀ ଉଦ୍ୟୋଗ ବିଭାଗ ଦ୍ୱାରା ପ୍ରସାର କରାଯାଇଥିବା ପ୍ରସ୍ତାବ ଅନୁଯାୟୀ, ପ୍ରତି ୯ ବର୍ଗ କିଲୋମିଟରରେ ଗୋଟେ ଚାର୍ଜିଂ ପଏଣ୍ଟ ରଖା ଯିବା ସହ ପ୍ରଥମେ ସ୍ମାର୍ଟ ସିଟିମାନଙ୍କରେ ଏହି ବ୍ୟବସ୍ଥା ଉପଲବ୍ଧ କରାଯିବ । ପ୍ରଥମେ ଦିଲ୍ଲୀ-ଜୟପୁର,ଦିଲ୍ଲୀ-ଚଣ୍ଡିଗଡ଼,ଚେନ୍ନାଇ-ବେଙ୍ଗାଲୁରୁ ଏବଂ ମୁମ୍ବାଇ-ପୁନେ ହାଇେେଓ୍ଵର ଦୁଇ ପାର୍ଶ୍ୱରେ ଚାର୍ଜିଂ ଷ୍ଟେସନ ରଖାଯିବ । ତେବେ ଦେଶରେ ବଢ଼ି ଚାଲିଥିବା ପ୍ରଦୁଷଣକୁ ରୋକିବା ପାଇଁ ସରାକାର ଏହି ନିଷ୍ପତ୍ତି ନେଇଥିବା ବେଳେ ଖୁବ୍ ଶୀଘ୍ର ଏହା କାର୍ଯ୍ୟକାରୀ ହେବ ବୋଲି ଜଣା ପଡ଼ିଛି ।