କାଲିଠୁ ରାଜ୍ୟରେ ଗଡ଼ିବ ଓଏସଆରଟିସି ବସ୍: ପ୍ରଥମ ପର୍ଯ୍ୟାୟରେ ୬୬ଟି ରୁଟରେ ଚାଲିବ ୯୬ ବସ୍; ରାଜଧାନୀ ସହ ଯୋଡିହେବ ୨୨ ସହର
ମାସ୍କ ନପିନ୍ଧିଲେ ବସରେ ଯିବା ମନା
କନକ ବ୍ୟୁରୋ: ସୋମବାରଠାରୁ ଓଡ଼ିଶା ରାଜ୍ୟ ସଡକ ପରିବହନ ନିଗମ ପ୍ରଥମ ପର୍ଯ୍ୟାୟରେ ୬୬ଟି ରୁଟରେ ବସ ସେବା ଆରମ୍ଭ କରିବ । ଏନେଇ ସୂଚନା ଦେଇଛନ୍ତି ମୁଖ୍ୟ ପରିଚାଳନା ନିର୍ଦ୍ଦେଶକ ଅରୁଣ ବୋଥ୍ରା । ସାଧାରଣ ଲୋକଙ୍କ ଗମନା ସୁବିଧା ପାଇଁ ସୋମବାରଠାରୁ ୯୬ଟି ବସ୍କୁ ନେଇ ବସସେବା ଆରମ୍ଭ ହେବ ବୋଲି ସେ କହିଛନ୍ତି । ଫଳରେ ରାଜଧାନୀ ଭୁବନେଶ୍ୱର ସହ ରାଜ୍ୟର ଅନ୍ୟ ୨୨ ସହର ଯୋଡି ହେବ ।
Kanak News is now on WhatsApp
Join and get latest news updates delivered to you via WhatsApp
ପରବର୍ତୀ ସମୟରେ ଅଧିକରୁ ଅଧିକ ରୁଟରେ ବସ ସେବା ଆରମ୍ଭ ହେବ ବୋଲି ଅରୁଣ ବୋଥ୍ରା ସୂଚନା ଦେଇଛନ୍ତି । ତେବେ ବସରେ ଯାତ୍ରା କରିବା ପାଇଁ କେତେକ କଟକଣା ଜାରି କରିଛି ଓଏସଆରଟିସି । ବିନା ମାସ୍କରେ ଯାତ୍ରା କରିବାକୁ ଦିଆଯିବ ନାହିଁ । ଠିଆ ହୋଇ ଯାତ୍ରା କରିପାରିବେ ନାହିଁ ଯାତ୍ରୀ । ଆବଶ୍ୟକତା ନଥିଲେ ଯାତ୍ରା ନକରିବାକୁ ପରାମର୍ଶ । ବସଷ୍ଟାଣ୍ଡରେ ବସ ଚଢିବା ବେଳେ ସାମାଜିକ ଦୂରତା ରକ୍ଷା କରିବାକୁ ପରାମର୍ଶ । ବସଗୁଡିକ ବିଶୋଧନ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି ।