ବଲିଉଡରେ କରୋନା କାୟା, ଅକ୍ଷୟ କୁମାରଙ୍କ ପରେ କରୋନା ପଜିଟିଭ୍ ଚିହ୍ନଟ ହେଲେ ଗୋବିନ୍ଦା
କନକ ବ୍ୟୁରୋ : ଲଗାତର ଭାବେ ବଲିଉଡ କଳାକାର ମାନେ କରୋନା ସଂକ୍ରମିତ ହେବାରେ ଲାଗିଛନ୍ତି । ଆଜି ପ୍ରଥମେ ଅକ୍ଷୟ କୁମାର କରୋନା ପଜିଟିଭ୍ ହୋଇଥିବା ସୂଚନା ମିଳିଥିବା ବେଳେ ଏବେ ଖବର ଆସିଛି କି ଗୋବିନ୍ଦା ବି କରୋନା ସଂକ୍ରମିତ ହୋଇଛନ୍ତି । ଗୋବିନ୍ଦା କରୋନା ପଜିଟିଭ୍ ଚିହ୍ନଟ ହେବା କଥା ତାଙ୍କର ଜଣେ ସହଯୋଗୀ କଳାକାର ସୂଚନା ଦେଇଛନ୍ତି । ସେ କହିଛନ୍ତି କି କୋଭିଡ କଟକଣାକୁ ଠିକ୍ ଭାବେ ପାଳନ କରୁଥିବା ଗୋବିନ୍ଦା ଏବେ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ତାଙ୍କ ଠାରେ କରୋନା ହାଲକା ଲକ୍ଷଣ ରହିଛି । ଏହାକୁ ନେଇ ସେ ହୋମ କ୍ୱାରେଣ୍ଟିନରେ ରହିଛନ୍ତି ବୋଲି ସହଯୋଗୀ କଳାକାର ଜଣଙ୍କ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
Actor #Govinda (@govindaahuja21) has tested positive for #coronavirus and is currently under home quarantine. The actor said he is under able medical guidance.
He tested positive on Sunday morning and urged everyone who came in contact with him recently to get themselves tested. pic.twitter.com/z8yREX07HL
— IANS Tweets (@ians_india) April 4, 2021
ସୂଚାନ ମୁତାବକ ରବିବାର ସକାଳୁ ଗୋବିନ୍ଦା ତାଙ୍କର କୋଭିଡ ଟେଷ୍ଟ କରାଇଥିଲେ । ରିପୋର୍ଟ ଆସିବା ପରେ ସେ କରୋନା ପଜିଟିଭ୍ ହୋଇଥିବା ଜଣାପଡିଥିଲା । ସେ ଏବେ ହୋମ କ୍ୱାରେଣ୍ଟିନରେ ଥିବା ବେଳେ ତାଙ୍କର ଚିିକିତ୍ସା ଚାଲିଛି ।
କହିରଖୁ କି ଫିଲ୍ମ ଇଣ୍ଡଷ୍ଟ୍ରୀ ଓ ଟିଭି ଇଣ୍ଡଷ୍ଟ୍ରୀରେ ବହୁ କଳାକାର, ନିର୍ଦ୍ଦେଶକ ଓ ଅନ୍ୟ ମାନେ କରୋନାରେ ଆକ୍ରାନ୍ତ ହୋଇସାରିଛନ୍ତି । ମହାରାଷ୍ଟ୍ରରେ କରୋନା ତାର ସମ୍ପୂର୍ଣ୍ଣ କାୟା ମେଲାଇ ସାରିଥିବା ବେଳେ ମୁମ୍ବାଇରେ ଏହାର ପ୍ରଭାବ ଦେଖିବାକୁ ମିଳିଛି ।