କନକ ବ୍ୟୁରୋ: ଶିକ୍ଷା, ସ୍ୱାସ୍ଥ୍ୟ, ରୋଜଗାର ଓ ବିକାଶକୁ ପଛରେ ପକାଇ ଏବେ ଦେଶର ବରିଷ୍ଠ ଲୋକମାନେ ଅଯଥା କଳିରେ ଦେଶର ଯୁବକମାନଙ୍କୁ ମତାଇବାରେ ବ୍ୟସ୍ଥ ଅଛନ୍ତି । ପ୍ରଥମେ କଙ୍ଗନା ଦେଶର ସ୍ୱାଧୀନତା ପ୍ରାପ୍ତିନେଇ ଦେଇଥିବା ବିବାଦୀୟ ବୟାନର ନିଆଁ ଏବେ ସାରା ଦେଶରେ କୁହୁଳିବାରେ ଲାଗିଥିବା ବେଳେ ଏବେ ଅଯୋଧ୍ୟା ରାମ ମନ୍ଦିରର କୋଷାଧ୍ୟକ୍ଷଙ୍କ ବୟାନ କୁହୁଳୁଥିବା ସେହି ନିଆଁରେ ଘିଅ ଢାଳିଛି ।
Kanak News is now on WhatsApp
Join and get latest news updates delivered to you via WhatsApp
ଅଯୋଧ୍ୟା ରାମ ମନ୍ଦିରର କୋଷାଧ୍ୟକ୍ଷ ତଥା ଶ୍ରୀ ରାମ ଜନ୍ମଭୂମୀ ଟ୍ରଷ୍ଟର ସଦସ୍ୟ ଗୋବିନ୍ଦ ଦେବଗିରୀ ମହାରାଜ କହିଛନ୍ତି କି ଭାରତ ମାତର ୭୦ ବର୍ଷ ହେବ ଦୁଃଖରେ ଥିଲେ , ୨୦୧୪ ପରେ ଧିରେ ଧିରେ ହସିବା ଆରମ୍ଭ କରିଛନ୍ତି ।
ପୁଣେ ଠାରେ ଶୁକ୍ରବାର ଦିନ ‘ସମଗ୍ର ବନ୍ଦେ ମାତରମ’ ଗ୍ରନ୍ଥ ପ୍ରକାଶନ ସମାରୋହରେ ଯୋଗଦେଇ ଗୋବିନ୍ଦ ଦେବଗିରୀ କହିଥିଲେ କି ବନ୍ଦେ ମାତରମରେ ଯେଉଁ ବିଶ୍ଳେଷଣ କରାଯାଇଥିଲା ତାହା ଆଜି ବି ଲାଗୁ ହୋଇନାହିଁ । ସେ କହିଥିଲେ କି କଣ ଆଜି ଭାରତ ମାତା ସୁହାସୀନି ହୋଇଛନ୍ତି । କଣ ଆଜି ଭାରତ ମାତା ମଧୁର ହସ ହସିପାରିଛନ୍ତି, ଏବେ ଭାରତ ମାତା କେବଳ କାନ୍ଦୁଛନ୍ତି । ଏହା ଉପରେ ଆମକୁ ବିଚାର କରିବାକୁ ପଡିବ ତାଙ୍କର ପ୍ରତିଟି ବିଶ୍ଳେଷଣ ଯର୍ଥାଥ ଅଟେ । ଆଜି ଭାରତ ମାତା ଅନେକ ପ୍ରକାର କାନ୍ଦୁଛନ୍ତି । ଏହାକୁ ନେଇ ଗୋବିନ୍ଦ ଦେବଗିରୀ କହିଥିଲେ କି “ମୋତେ ଲାଗୁଛି ଭାରତ ମାତା ୭୦ ବର୍ଷ ହେବ କାନ୍ଦୁଥିଲେ ଓ ୨୦୧୪ ପରେ ଟିକେ ଟିକେ ହସିବା ଆରମ୍ଭ କରିଛନ୍ତି । ”
ପୂର୍ବ ସରକାରଙ୍କୁ ଟାର୍ଗେଟ କରି ଗୋବିନ୍ଦ ଦେବଗିରୀ କହିଛନ୍ତି କି “ଆମ ପରମ୍ପରାକୁ ଆଘାତ କରି, ଆମର ଇତିହାସ ଓ ଭୋଗଳକୁ ଗଡବଡ କରି,ଆମ ତୀର୍ଥକ୍ଷେତ୍ରକୁ ଅପମାନିତ କରି, ଭଗବାନ ରାମଙ୍କୁ କାଳ୍ପନିକ କହି, ରାମସେତୁ କେହି ନିର୍ମାଣ କରିନଥିବା ପ୍ରମାଣ କରିବାକୁ ଯାଇ ଆମ ସରକାର ଯେଉଁ ପାପ କରିଛନ୍ତି ତାହା ତାଙ୍କ ମୁଣ୍ଡ ଉପରେ ଏବେ ଲାଗି ରହିଛି ”