କନକ ବ୍ୟୁରୋ : କଂଗ୍ରେସ ବିଧାୟକଙ୍କ ଘରେ ରାଜ୍ୟପାଳ । ମହମ୍ମଦ ମୋକିମଙ୍କ ବାସଭବନକୁ ଯାଇଥିଲେ ରାଜ୍ୟପାଳ ପ୍ରଫେସର ଗଣେଶୀ ଲାଲ । ସେଠାରେ ୪୫ ମିନିଟ ରହିଥିଲେ ରାଜ୍ୟପାଳ । ବିଧାୟକ ପରିବାର ସହ ଅଳ୍ପ କିଛି ସମୟ ବିତାଇ ଫେରି ଆସିଥିଲେ ରାଜ୍ୟପାଳ । ଏହା ସଂପୂର୍ଣ୍ଣ ଘରୋଇ କାର୍ଯ୍ୟକ୍ରମ ବୋଲି କୁହାଯାଉଛି । ଏହା ପଛରେ କୌଣସି ରାଜନୈତିକ ଉଦ୍ଦେଶ୍ୟ ନାହିଁ ବୋଲି କହିଛନ୍ତି ବିଧାୟକ ମହମ୍ମଦ ମୋକିମ୍ ।
Honoured and Humbled to meet with His Excellency Hon’ble Governor, Ganeshi Lal Ji along with my family members at our Cuttack Residence. Had an insightful discussion about the culture and “Bhai-Chara” of Cuttack along with political scenario around and various issues in Cuttack pic.twitter.com/KOcWCTYKDD
— Mohammed Moquim (@iammdmoquim) July 31, 2022
ରାଜ୍ୟପାଳ ସହ ତାଙ୍କ ବ୍ୟକ୍ତିଗତ ସଂପର୍କ ଅଛି । କଟକ ଗସ୍ତ ସମୟରେ ରାଜ୍ୟପାଳ ତାଙ୍କ ଘରକୁ ଆସିଥିବା ସୂଚନା ଦେଇଛନ୍ତି । ଏହି ସମୟରେ ବିଧାୟକଙ୍କ ମାଆ ଏବଂ ପରିବାର ସମସ୍ତ ସଦସ୍ୟ ଉପସ୍ଥିତ ଥିଲେ । ରାଜ୍ୟପାଳଙ୍କ ସହ ତାଙ୍କ ପୁଅ ଏବଂ ରାଜଭବନର ବରିଷ୍ଠ ଅଧିକାରୀ ମଧ୍ୟ ଥିଲେ । ରାଷ୍ଟ୍ରପତି ନିର୍ବାଚନ ସମୟରେ ଦ୍ରୌପଦୀଙ୍କୁ ଭୋଟ ଦେଇ ଚର୍ଚ୍ଚାରେ ଥିଲେ ମହମ୍ମଦ ମୋକିମ । ଆସନ୍ତା ୮ରେ କଟକ ଆସୁଛନ୍ତି ଅମିତ୍ ଶାହା । ମୋକିମ୍ ବାସଭବନରେ ରାଜ୍ୟପାଳଙ୍କ ସାକ୍ଷାତକୁ ନେଇ ଅନେକ ଚର୍ଚ୍ଚା ଜୋର ଧରିଛି ।