ଏଣିକିି ରାତିରେ ବି ହୋଇାପାରିବ ଶବ ବ୍ୟବଚ୍ଛେଦ : ନିୟମରେ ପରିବର୍ତ୍ତନ କଲେ କେନ୍ଦ୍ର ସରକାର

ମେଡିକାଲ ପାଖରେ ଥିବା ଶବ ବ୍ୟବଚ୍ଛେଦ ଗୃହରେ ମିଳିବ ସୁବିଧା । ଟ୍ୱିଟ କରି ସୂଚନା ଦେଲେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ

67

କନକ ବ୍ୟୁରୋ : ଏଣିକି ରାତିରେ ବି ହୋଇପାରିବ ଶବ ବ୍ୟବଚ୍ଛେଦ । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ମନସୁଖ ମାଣ୍ଡଭ୍ୟ ଟ୍ୱିଟ୍ କରି ଏହି ସୂଚନା ଦେଇଛନ୍ତି । ସୂର୍ଯ୍ୟାସ୍ତ ପରେ ଶବ ବ୍ୟବଚ୍ଛେଦ ହୋଇପାରିବନି ବୋଲି ନିୟମ ରହିଥିଲା । କିନ୍ତୁ କେନ୍ଦ୍ର ସରକାର ଏଥିରେ ପରିବର୍ତନ କରିଛନ୍ତି । ଗୁଡ ଗଭର୍ଣ୍ଣାନ୍ସ ଜରିଆରେ ସରକାର ଏହାକୁ ୨୪ ଘଂଟିଆ କରିଛନ୍ତି ବୋଲି ସ୍ୱାସ୍ଥ୍ୟମନ୍ତ୍ରୀ କହିଛନ୍ତି । ହସ୍ପିଟାଲ ପାଖରେ ଶବ ବ୍ୟବଚ୍ଛେଦ ଗୃହ ରହିବ । ଏଭଳି ହେଲେ ଶବ ବ୍ୟବଚ୍ଛେଦ ପାଇଁ ମୃତକଙ୍କ ପରିବାରକୁ ଅପେକ୍ଷା କରିବାକୁ ପଡିବ ନାହିଁ ।

– ବ୍ରିଟିଶ ଶାସନ ସମୟରୁ କେବଳ ଦିନରେ ଶବ ବ୍ୟବଚ୍ଛେଦ ବ୍ୟବସ୍ଥା ଚଳି ଆସୁଥିଲା

– ଏଣିକି ୨୪ ଘଂଟା ପୋଷ୍ଟମର୍ଟମ୍ ହୋଇପାରିବ ବୋଲି ନିଷ୍ପତି କରିଛନ୍ତି କେନ୍ଦ୍ର ସରକାର

– ସୂର୍ଯ୍ୟାସ୍ତ ପରେ ଶବ ବ୍ୟବଚ୍ଛେଦ ଫଳରେ ମୃତକଙ୍କ ସଂପର୍କୀୟଙ୍କୁ ଅଯଥା ହଇରାଣ ହେବାକୁ ପଡ଼ିବନି

– ତତ୍କ୍ଷଣାତ୍ ପ୍ରତିରୋପଣ ପାଇଁ ଅଙ୍ଗ ସଂଗ୍ରହ କରିବାରେ ଏହା ସହାୟକ ହେବ 

– ପୂର୍ବରୁ ଦିଲ୍ଲୀ ଏମ୍ସ ଓ ଅଳ୍ପ କେତେକ ହସ୍ପିଟାଲରେ ଏହି ବ୍ୟବସ୍ଥା କାର୍ଯ୍ୟକାରୀ ହେଉଥିଲା

– ଏଣିକି ଉତମ ଭିତିଭୂମି ଥିବା ଦେଶରେ ସମସ୍ତ ହସ୍ପିଟାଲରେ ବ୍ୟବସ୍ଥା କାର୍ଯ୍ୟକାରୀ ହେବ

– ରାତିରେ ଶବ ବ୍ୟବଚ୍ଛେଦ ପାଇଁ ସ୍ୱାସ୍ଥ୍ୟ ମନ୍ତ୍ରାଳୟକୁ ଏକାଧିକ ଅନୁରୋଧ କରାଯାଇଥିଲା

– ସେଗୁଡ଼ିକର ଅନୁଧ୍ୟାନ କରି ଟେକ୍ନିକାଲ କମିଟି ଏହି ଅନୁମତି ଦେଇଛି

– ଅତ୍ୟାଧୁନିକ ଟେକ୍ନୋଲୋଜି ଓ ଆବ୍ୟଶ୍ୟକ ଆଲୋକ ବ୍ୟବସ୍ଥା କରି ରାତିରେ ହୋଇପାରିବ ବ୍ୟବଚ୍ଛେଦ

– ରାତିରେ ପୋଷ୍ଟମର୍ଟମ ବେଳେ ଏହାର ଭିଡିଓ ରେକର୍ଡିଂ କରିବାକୁ ଦିଆଯାଇଛି ନିର୍ଦ୍ଦେଶ

– ଫଳରେ ବ୍ୟବଚ୍ଛେଦକୁ ନେଇ କୌଣସି ସନ୍ଦେହ ରହିବ ନାହିଁ, ପରେ କୋର୍ଟରେ ଏହାକୁ ପ୍ରମାଣ ଭାବେ ଉପସ୍ଥାପନ କରାଯିବ

– ଆଇନ ଶୃଙ୍ଖଳା ପରିସ୍ଥିତି ଉପୁଜିବାର ଆଶଙ୍କା ଥିଲେ ହତ୍ୟା, ଆତ୍ମହତ୍ୟା, ଦୁଷ୍କର୍ମ ଓ ସନ୍ଦେହଜନକ ମୃତ୍ୟୁ ଘଟଣାରେ ପୋଷ୍ଟମର୍ଟମ କରାଯାଇପାରିବ