ଦୈନିକ ୩୦୦ ରୁ ଅଧିକ ଲୋକ ଛାଡୁଛନ୍ତି ଭାରତୀୟ ନାଗରିକତା, ୫ ବର୍ଷରେ ୬ ଲକ୍ଷରୁ ଅଧିକ ଲୋକ ନାଗରିକତା ଛାଡିଥିବା ନେଇ ଖବର
କନକ ବ୍ୟୁରୋ : ଗତ ୫ ବର୍ଷ ମଧ୍ୟରେ ୬ ଲକ୍ଷରୁ ଅଧିକ ଭାରତୀୟ ନିଜର ନାଗରିକତା ଛାଡି ସାରିଛନ୍ତି । ଅର୍ଥାତ ଦୈନିକ ୩୦୦ ଲୋକ ଭାରତୀୟ ନାଗରିକତା ଛାଡୁଛନ୍ତି । ଏଭଳି ଆଶ୍ଚର୍ଯ୍ୟ କରିଦେବା ଭଳି ସୂଚନା କେନ୍ଦ୍ର ଗୃହ ରାଜ୍ୟମନ୍ତ୍ରୀ ନିତ୍ୟାନନ୍ଦ ରାୟ ଲୋକସଭାରେ ଦେଇଛନ୍ତି । ମଙ୍ଗଳବାର ଦିନ ସେ ସଂସଦରେ କହିଛନ୍ତି କି ପୂର୍ବ ୫ ବର୍ଷ ମଧ୍ୟରେ ୬ ଲକ୍ଷରୁ ଅଧିକ ଲୋକ ଭାରତୀୟ ନାଗରିକତା ଛାଡି ସାରିଛନ୍ତି । ସେ ଆହୁରି କହିଛନ୍ତି କି,ବିଦେଶ ମନ୍ତ୍ରଣାଳୟରୁ ମିଳିଥିବା ସୂଚନା ମୁତାବକ ମୋଟ ୧,୩୩,୮୩,୭୧୮ ଜଣ ଭାରତୀୟ ନାଗରିକ ବିଦେଶରେ ରହୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏକ ପ୍ରଶ୍ନର ଲିଖିତ ଉତ୍ତର ଦେଇ ଗୃହ ରାଜ୍ୟମନ୍ତ୍ରୀ କହିଛନ୍ତି କି ୨୦୧୭ ରେ ୧,୩୩,୦୪୯ ଜଣ ଭାରତୀୟ ନାଗରିକ ଛାଡିଥିଲେ । ସେହିଭଳି ୨୦୧୮ ରେ ୧,୪୪,୦୧୭ , ୨୦୨୦ ରେ ୮୫,୨୪୮ ଓ ଚଳିତ ବର୍ଷ ସେପ୍ଟେମ୍ବର ସୁଦ୍ଧା ୧,୧୧,୨୮୭ ଜଣ ଭାରତୀୟ ନାଗରିକତା ଛାଡିଛନ୍ତି । ଏନେଇ ତୃଣମୂଳ କଂଗ୍ରେସ ସାଂସଦ ମାଲା ରାୟ ପଚାରିଥିଲେ କି ଏବେ ଦେଶରେ ନାଗରିକତା କାନୁନ ଲାଗୁ କରିବା ନେଇ ସରକାର କେତେ ଅଗ୍ରସର ହୋଇଛନ୍ତି । ଏହାର ଉତ୍ତର ଦେଇ ନିତ୍ୟାନନ୍ଦ ରାୟ କହିଛନ୍ତି କି ସରକାର ରାଷ୍ଟ୍ରୀୟ ସ୍ତରରେ ଭାରତୀୟ ନାଗରିକଙ୍କ ରାଷ୍ଟ୍ରୀୟ ପଞ୍ଜିକରଣ କରିବାକୁ ନିଷ୍ପତ୍ତି ନେଇ ନାହାଁନ୍ତି ।
ଗୃହରାଜ୍ୟ ମନ୍ତ୍ରୀ ଲୋକସଭାରେ କହିଛନ୍ତି କି ପୂର୍ବ ୫ ବର୍ଷ ମଧ୍ୟରେ ୧୦,୬୪୫ ଜଣ ଲୋକ ଭାରତୀୟ ନାଗରିକତା ପାଇବାକୁ ଆବେଦନ କରିଛନ୍ତି । ସେମାନଙ୍କ ମଧ୍ୟରୁ ୪୧୭୭ ଜଣଙ୍କୁ ଭାରତୀୟ ନାଗରିକତା ପ୍ରଦାନ କରାଯାଇଛି । ସେମାନଙ୍କ ମଧ୍ୟରୁ ସର୍ବାଧିକ ପାକିସ୍ତାନର ସର୍ବାଧିକ ୭୯୫ ଜଣ ଲୋକଙ୍କୁ ଭାରତୀୟ ନାଗରିକତା ପ୍ରଦାନ କରାଯାଇଛି ।