ଖୁସି ଖବର ! ଏଣିକି ଖାଲି କ୍ଷୀର ପ୍ୟାକେଟ୍ ଫେରାଇଲେ ଏହି ସାମଗ୍ରୀ ଉପରେ ମିଳିବ ବିଶେଷ ରିହାତି
କନକ ବ୍ୟୁରୋ: ସାରା ଦେଶରେ ପ୍ଲାଷ୍ଟିକର ବ୍ୟବହାର କମ କରିବା ପାଇଁ ଏବଂ ସିଙ୍ଗିଲ ୟୁଜ ପ୍ଲାଷ୍ଟିକ (Single Use Plastic) କୁ ବ୍ୟାନ କରିବା ପାଇଁ କେନ୍ଦ୍ର ସରକାରଙ୍କ ପକ୍ଷରୁ ଏକ ଗୁରୁତ୍ୱପୂର୍ଣ୍ଣ ପଦକ୍ଷେଦ ନିଆଯାଇଛି । ସେ ନୋ ଟୁ ପ୍ଲାଷ୍ଟିକ (Say no to plastic) ଅଭିଯାନକୁ ଆଗକୁ ବଢାଇବା ପାଇଁ ପଶୁପାଳନ ଏବଂ ମତ୍ସ୍ୟ ମନ୍ତ୍ରାଳୟ (Ministry of Animal Husbandry and Fisheries)ପକ୍ଷରୁ ଏକ ବଡ ଯୋଜନା ପ୍ରସ୍ତୁତ କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଏହି ଯୋଜନା ମୁତାବକ, ଉଭୟ କ୍ଷୀର ଏବଂ କ୍ଷୀରରୁ ଉତ୍ପଦିତ ଦ୍ରବ୍ୟଗୁଡିକୁ ପ୍ୟାକିଂ କରିବାରେ ବ୍ୟବହାର କରାଯାଉଥିବା ପ୍ଲାଷ୍ଟିକକୁ ରିସାଇକିଲ୍ କରିବା ପାଇଁ ଯୋଜନା ପ୍ରସ୍ତୁତ କରାଯାଉଛି । ଏଥିରେ ପ୍ୟାକିଂରେ ବ୍ୟବହାର ହେଉଥିବା ପ୍ଲାଷ୍ଟିକକୁ ଗ୍ରାହକଙ୍କଠାରୁ ଫେରାଇ ନିଆଯାଇ ତାର ରିସାଇକ୍ଲିଂ କରାଯିବ ଏବଂ ପ୍ଲାଷ୍ଟିକ ଫେରାଇବା ଦ୍ୱାରା ଗ୍ରାହକଙ୍କୁ କ୍ଷୀର, ଦହି, ପନୀର, ରାବିଡି, ଲସି ତଥା ଆଇସକ୍ରିମ ଭଳି ଖାଦ୍ୟ ସାମଗ୍ରୀ ଉପରେ ବିଶେଷ ରିହାତି ମିଳିବ । ଅର୍ଥାତ୍ ଗୋଟିଏ ପଟେ ଜନତାଙ୍କୁ କ୍ଷୀର ଜାତ ଦ୍ରବ୍ୟର ବର୍ଧିତ ଦରଠାରୁ ଆଶସ୍ତି ମିଳୁଥିବା ବେଳେ ପ୍ଲାଷ୍ଟିକରୁ ଜାତ ପ୍ରଦୂଷଣକୁ ମଧ୍ୟ ବିଶେଷ ମାତ୍ରାରେ ରୋକା ଯାଇପାରିବ । ପଶୁପାଳନ ଏବଂ ମତ୍ସ୍ୟ ମନ୍ତ୍ରାଳୟ ତରଫରୁ ପ୍ଲାଷ୍ଟିକର ବ୍ୟବହାରକୁ କମ କରିବା ପାଇଁ ରିଡ୍ୟୁସ, ରିବେଟ୍ ଏବଂ ରିୟୁଜ୍ ମଡେଲକୁ ଧ୍ୟାନରେ ରଖି ରୋଡ ମ୍ୟାପ୍ ପ୍ରସ୍ତୁତ କରାଯାଉଛି । ଯାହାକୁ ଅକ୍ଟୋବର ୨ ତଥା ଗାନ୍ଧୀ ଜୟନ୍ତୀରୁ ସାରା ଦେଶରେ ଲାଗୁ କରାଯାଇପାରେ ।
ଉଲ୍ଲେଖଥାଉ କି, ଅଗଷ୍ଟ ୧୫ରେ ଲାଲ୍ କିଲ୍ଲାରେ ପ୍ରଧାନମନ୍ତ୍ରୀ ୨ ଅକ୍ଟୋବରରୁ ପ୍ଲାଷ୍ଟିକକୁ ବ୍ୟାନ କରିବାକୁ ନିିବେଦନ ମଧ୍ୟ କରିଥିଲେ । ସୋ ନୋ ପ୍ଲାଷ୍ଟିକ (Say no to plastic) କ୍ୟାମ୍ପେନକୁ ନେଇ ପଶୁ ପାଳନ ମନ୍ତ୍ରାଳୟ ତରଫରୁ ଦେଶର ସମସ୍ତ ମିଲ୍କ କର୍ପୋରେଟିଭ ଫେଡେରେସନ ଏବଂ ପ୍ରାଇଭେଟ ଡାଏରୀ ପ୍ରଡ୍ୟୁସର ସହିତ ଆଲୋଚନା କରାଯାଇଛି । ଯେଉଁଥିରେ ଦୁଗ୍ଧ ଏବଂ ଏହା ସହ ଜଡିତ ଉଦ୍ପାଦିଦ ସାମଗ୍ରୀଗୁଡିକର ପ୍ୟାକେଜିଂରେ ବ୍ୟବହାର ହେଉଥିବା ପ୍ଲାଷ୍ଟିକର ମାତ୍ରାକୁ କମ କରିବା, ପ୍ୟାକେଜିଂର ବ୍ୟବହୃତ ପ୍ଲାଷ୍ଟିକକୁ ରିକଲେକ୍ଟ କରି ତାକୁ ରିସାଇକ୍ଲିଂ କରିବା ପାଇଁ ବିଚାର କରାଯାଉଛି ।