ଗତ ଦୁଇ ଦିନରେ ୨ଲକ୍ଷ ସଂକ୍ରମଣ ପରେ ସତର୍କ କରାଇଲେ ସରକାର । ନୀତି ଆୟୋଗ ସଦସ୍ୟ ଭିକେ ପଲ କହିଲେ, ଖରାପ ହେଉଛି ପରିସ୍ଥିତି, ଆସନ୍ତା ୪ସପ୍ତାହ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ।
କନକ ବ୍ୟୁରୋ: ଗତ ଦୁଇ ଦିନରେ ୨ଲକ୍ଷ ସଂକ୍ରମଣ ପରେ ସତର୍କ କରାଇଲେ ସରକାର । ନୀତି ଆୟୋଗ ସଦସ୍ୟ ଭିକେ ପଲ କହିଛନ୍ତି ଦେଶରେ ଖରାପ ହେଉଛି ପରିସ୍ଥିତି ଏବଂ ଆସନ୍ତା ୪ସପ୍ତାହ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଆଜି ସାମ୍ବାଦିକ ସମ୍ମିଳନୀ କରି କୋଭିଡ ସ୍ଥିତି ସମ୍ପର୍କରେ ସୂଚନା ଦେବା ବେଳେ ଏହା କହିଛନ୍ତି ନୀତି ଆୟୋଗ ସଦସ୍ୟ । ଦେଶରେ ଗତ କିଛି ଦିନ ହେଲା ଲଗାତର ଭାବେ କୋଭିଡ ସଂକ୍ରମଣ ବଢି ଚାଲିଥିବା ବେଳେ ଗତ ଦୁଇ ଦିନରେ ଦେଶରେ ୨ଲକ୍ଷ ସଂକ୍ରମିତ ଚିହ୍ନଟ ହେବା ପରେ ସତର୍କ କରାଇଛନ୍ତି କେନ୍ଦ୍ର ସରକାର ।
Kanak News is now on WhatsApp
Join and get latest news updates delivered to you via WhatsApp
ସୋମବାର ଦିନ ଦେଶରେ ୧ଲକ୍ଷ ୩ହଜାର ଉପରେ ସଂକ୍ରମିତ ଚିହ୍ନଟ ହୋଇଥିବା ବେଳେ ମଙ୍ଗଳବାର ଦିନ ୯୬ହଜାର ଉପରେ ମାମଲା ସାମ୍ନାକୁ ଆସିଛି । ଏହାରି ଭିତରେ ସଂକ୍ରମଣ କମାଇବାକୁ ହେଲେ କୋଭିଡ କଟକଣା ମାନିବାକୁ ହେବ ଏବଂ ସତର୍କ ରହିବାକୁ ପଡିବ ବୋଲି କେନ୍ଦ୍ର ସରକାର କହିଛନ୍ତି । ସେପଟେ ସ୍ୱାସ୍ଥ୍ୟ ସଚିବ ରାଜେଶ ଭୂଷଣ ସୂଚନା ଦେଇ କହିଛନ୍ତି ଦେଶର ୧୦ଟି ଜିଲ୍ଲାରେ ପରିସ୍ଥିତି ଉଦବେଗଜନକ ରହିଛି ।