ଝିଅର ବାହାଘର କିନ୍ତୁ କଂଗ୍ରେସ ଦେଉନାହିଁ କାର୍ଯ୍ୟାଳୟର ଭଡା, ଥାନାରେ ପହଂଚିଲା ମାମଲା
କନକ ବ୍ୟୁରୋ : କଂଗ୍ରେସ କାର୍ଯ୍ୟାଳୟର ଭଡା ବିବାଦ ଏବେ ପାଟିତୁଣ୍ଡ ପରେ ଥାନାରେ ପହଂଚିଛି । ଉତ୍ତର ପ୍ରଦେଶର ଟିପି ନଗର ଯେଉଁଠାରେ ପ୍ରିୟଙ୍କା ଗାନ୍ଧୀଙ୍କ ରାଲି ପୂର୍ବରୁ କଂଗ୍ରେସ କାର୍ଯ୍ୟାଳୟ ଖୁଲିଥିଲା ସେହି ଘରର ମାଲିକ ଅଭିଯୋଗ କରବିାକୁ ଥାନାରେ ପହଂଚିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅଭିଯୋଗରେ ଘର ମାଲିକା ରାଜମନ ରାୟ ଲେଖିଛନ୍ତି କି କଂଗ୍ରେସ ରାଜ୍ୟ ଅଧ୍ୟକ୍ଷ ଅଜୟ କୁମାର ଲଲୁଙ୍କ କହିବା ପରେ ସେ ନିଜର ଏକ ଘରକୁ କଂଗ୍ରେସ କାର୍ଯ୍ୟାଳୟ ଖୁଲିବାକୁ ଭଡାରେ ଦେଇଥିଲେ । ଏନେଇ ଗୋରଖପୁର କଂଗ୍ରେସ ଜିଲ୍ଲା ଅଧ୍ୟକ୍ଷ ନିର୍ମାଳା ପାସୱାନ ମାସିକ ୧୫ ହଜାର ଟଙ୍କା ଦେବାକୁ କହିଥିଲେ । ହେଲେ ପାର୍ଟି ତରଫରୁ ୨୦୧୯ ମସିହାରୁ ଏହି ଘରର ଭଡା ଦିଆଯାଇ ନାହିଁ । ଏବେ କଂଗ୍ରେସ ଉପରେ ପାଖା ପାଖି ୩ ଲକ୍ଷ ୯୦ ହଜାର ଟଙ୍କା ଘରଭଡା ବାକି ରହିଛି ।
ଘର ମାଲିକ ରାଜମନ ରାୟଙ୍କ କହିବା ମୁତାବକ ଏନେଇ କଂଗ୍ରେସର କୌଣସି ନେତା ତାଙ୍କ ସହ ଯୋଗା ଯୋଗ କରୁନାହାଁନ୍ତି । ଏହାସହ କଂଗ୍ରେସ ଜିଲ୍ଲା ଅଧ୍ୟକ୍ଷ କହୁଛନ୍ତି କି ଘରଭଡା ନେଇ ପାର୍ଟି ତରଫରୁ କୌଣସି ଏଗ୍ରିମେଣ୍ଟ କରାଯାଇ ନାହିଁ । ରାଜମନ କହିଛନ୍ତି କି ମୁଁ ବିଶ୍ୱାସରେ ଘରଭଡା ଦେଇଥିଲି ଓ କୌଣସି ପରିସ୍ଥିତିରେ ମୁଁ ଘରଭଡା ଆଦାୟ କରିବି । ଡିସେମ୍ବର ୨ ତାରିଖରେ ମୋର ଝିଅ ବାହାଘର ରହିଛି ତେଣୁ ମୋତେ ମୋ ଘରଭଡା ମିଳିଲେ ବାହାଘର କାମରେ ଟଙ୍କା ଲାଗିବ ବୋଲି ରାଜମନ କହିଛନ୍ତି । ହେଲେ କଂଗ୍ରେସ ନେତାମାନେ ଘରଭଡା ଦେବାକୁ ରାଜି ନଥିବାରୁ ସେ ଥାନାରେ ଅଭିଯୋଗ କରିଥିବା କଥା କହିଛନ୍ତି ।