ବନ୍ଦ ହୋଇଯିବ ଗୁଗୁଲ୍ ପ୍ଲସ୍ ! ସାମ୍ନାକୁ ଆସିଲା ସୋସିଆଲ୍ ସାଇଟର ସାଂଘାତିକ ଖବର । 

ଉପଭୋକ୍ତାଙ୍କ ଦ୍ୱାରା ବ୍ୟବହାର କରାଯାଉଥିବା ସୋସିଆଲ୍ ନେଟୱର୍କ ଗୁଗୁଲ ପ୍ଲସ୍ ଆପକୁ ବନ୍ଦ କରିବାକୁ ସୋମବାର ଘୋଷଣା କରାଯାଇଛି । ତେବେ ଗୁଗୁଲ୍ ତରଫରୁ କୁହାଯାଇଛି ଯେ ଆପ୍ କୁ ବନ୍ଦ କରିବା ପୂର୍ବରୁ ଏହାର ବଗ୍ କୁ ଠିକ୍ କରିଦିଆଯାଇଛି । ଏହି କାରଣରୁ ୫ ଲକ୍ଷ ୟୁଜର୍ସଙ୍କ ଆକାଉଣ୍ଟରେ ଡାଟାକୁ ଠିକ୍ କରିଦିଆଯାଇଛି । ତେବେ କିଛି ଦିନ ତଳେ ଫେସବୁକ ବ୍ୟବହାର କରୁଥିବା ୟୁଜର୍ସଙ୍କ ମଧ୍ୟରେ ୫ କୋଟି ଲୋକଙ୍କ ଡାଟା ଚୋରି ହେଉଥିବା ନେଇ ଖବର ଆସିଥିଲା ।

ତେବେ ଗୁଗୁଲ୍ ପ୍ଲସ୍ ର ଜଣେ ପ୍ରବକ୍ତା ଏହି ଆପ୍ ବନ୍ଦ ହେବାକୁ ନେଇ କହିଥିଲେ ଯେ ଏହି ଆପକୁ ପ୍ରସ୍ତୁତ କରିବା ପାଇଁ ବହୁ ଅସୁବିଧାର ସମ୍ମୁଖୀନ ହେବାକୁ ପଡିଥିଲା । ଏହାକୁ ଗ୍ରାହକଙ୍କ ଆଶାନୁରୁପ ବ୍ୟବହାର ପାଇଁ ପ୍ରସ୍ତୁତ କରାଯାଇଥିଲେ ହେଁ ଏହି ଆପକୁ ଖୁବ୍ କମ୍ ବ୍ୟବହାର କରାଯାଉଛି । ତେବେ ସୁଚନା ମିଳୁଛି କି ୨୦୧୫ ରୁ ୨୦୧୮ ମଧ୍ୟରେ ଏକ ସଫ୍ଟୱେୟାର୍ ରେ ଅସୁବିଧା କାରଣରୁ ବାହାର ଡେଭଲପର ଗୁଗୁଲ୍ ପ୍ଲସ୍ ପ୍ରୋଫାଇଲ୍ ଡାଟାରେ ପଶିବାକୁ ଚେଷ୍ଟା କରିଥିଲେ । ଗୁଗୁଲ୍ ମୁତାବକ ୫ ଲକ୍ଷ ୟୁଜର୍ସଙ୍କ ଡାଟାକୁ ଏଥିରେ କ୍ଷତି ପହଞ୍ଚାଯାଇଥିଲା । କିନ୍ତୁ ପରେ ଗୁଗୁଲ୍ ଏହାକୁ ଠିକ୍ କରିଦେଇଛି ।  ତେବେ ଫେସବୁୁକରେ ମଧ୍ୟ ଡାଟା ଚୋରି କରି କିଛି ଲୋକଙ୍କ ପାଖକୁ ନିର୍ବାଚନୀ ଭୋଟ୍ ରେ ନିର୍ଦ୍ଧିଷ୍ଟ ଦଳକୁ ଭୋଟ୍ ଦେବା ପାଇଁ ବାଧ୍ୟ କରାଯାଉଛି ।